The Badboy's Kryptonite

PROLOGUE

Helleon Killian Bergford

Mas kilala sya sa tawag na 'Hell' o 'Kill' dahil na rin sa sama ng ugali nya.

Oo masama ang ugali nya. Tulad na lang ngayon bigla-bigla na lang nya akong kinaladkad palabas ng kainan kung saan ginaganap ang afterparty ng klase namin dahil sa pagkapanalo ng tinayo naming booth para sa naganap na school fair.

"San mo ba ako dadalhin?"

"Kanina pa tayo naglalakad"

"Hindi ko na kaya, pagod na ako"

"Nagugutom na ako"

"Masakit na ang mga binti ko kakalakad"

"Pwede time-out muna?"

"Namamaga na ang mga paa ko"

Kanina pa ako reklamo ng reklamo pero ang hinayupak parang walang naririnig.

Haist. Gutom na ako, tunaw na lahat ng kinain ko sa afterparty kakalakad.

Napatingin ako sa kamay nyang nakahawak sakin. Kung kagatin ko kaya? Pero paniguradong pag ginawa ko yun lalamunin ako ng buhay nito, kaya wag nalang.

Pero wow ha ang lambot ng kamay nya kahit na ang alam lang gawin ng mga ito ay ang gumawa ng gulo.

"Ui ano ba, hindi ka ba titigil sa paghila sakin? Ang layo na natin". Walang gana kong sabi pagod na kasi talaga ako "Hindi mo ba dala yung motor mo?". Tanong ko pero sige lang sya sa paglalakad.

"Helleon Killian Bergford, natatae na ako!"

Bigla syang huminto sa paglalakad este pagkakaladkad sakin. Ayos. Hinarap nya ako at sinamaan nya ako ng tingin.

Napakamot ako sa ulo ko "he he" hilaw kong tawa. "ito naman di na mabiro, wag kang nagpapaniwala sakin, hindi talaga ako natatae, sige na lakad na"

"gusto mong ipitin ko yang bibig mo?" banta nya.

Agad kong tinakpan and bibig ko gamit ang isa kong kamay na hindi nya hawak dahil alam kong gagawin talaga nya iyon. Sya pa e ang sama-sama ng ugali ng lalaking to.

Parang pinaglihi sa mga pagkaing luto sa school cafeteria ang sasama ng lasa.

"manahimik ka na lang babae" sabi nya tas balik nanaman sya sa paghila sakin.

Pagtalikod nya. Pina'singkit ko ang mga mata ko. Pina'laki ko ang mga butas ng ilong ko tsaka ko sya benilatan.

Pero pisti lang...

Dahil habang ganun ang itsura ko bigla nalang syang lumingon sakin.

Lagot na!

Hinawakan nya ang mga kamay ko ng mahigpit para hindi ako makagaalaw sa kinatatayuan ko. "Kanina pa ako napipikon sa bibig mong yan".

Napapikit nalang ako ng unti -unti syang lumalapit sakin. Iipitin nya ba talaga ang bibig ko?

Waaahh! My precious lips.

Pero ganun nalang ang panlalaki ng mga mata ko dahil sa ginawa nya.

Walang hiya!

Oo, inipit nya ang bibig ko.

Inipit nya gamit ang sarili nyang bibig.

Pisti.