"Pwedi ba patugutan muko Bernil!" Masosorang gulisak ku kening lalaking atyu ngeni king arapan ku. Nandin yapa kasi taka takiki kanaku manibat nyang lumwal ku king klasrum mi, daig na pa ing asung mamulang.
"Sige na kasi Mycah payagan mu nakung paglolon daka." Magmakalunus ng turan.
Mengapa singap nakumung malalam. Keng tutu na niyan mika itsura neman i Bernil e, eyamu pin masanting lalawen. Joke! Enakuman lalawe king luwal a kaanyuan, lalawen ke mu rin ing laman ning pusu ning metung a tawu. Megkataun mu na atin kung aliwang buri keng oras na ini anya eke pansin.
"Pilan pa bang besis buri mung damdaman manibat kanaku na eraka buri? Pilan mu bang besis buring mangapakarine bayu muku patugutan?"
"Pero kasi Mycah male mu aburyanan muku rin, luguran danakaman tutu e, tapat ku promise!" Tinas ne pa ing kaliweti ng gamat. Epic.
"Ay sorry!" Siguru apansin na na mali ya anya ing wanan ng gamat ing keyang tinas. Mengapadurut nakumung mata kaya.
"Bernil gyang nanu pang gawan mu, ali talaga." Gilutan ku ne't meglakad palawut kaya.
Kaybat mu dimdam kuneng tatagal na naman kanaku, iingal yapa. Balamu talaga asu ya. "Mycah sige na o, gawan ku ngan ing anggang buri mu. Ibye ku ngan ing anggang buri mu basta payagan mu kumu na paglolon daka."
This time sobrang masosora naku talaga. Kasi ba naman sobra ng kamulalan ing gagawan na. Atin yapang pasiklaud ababalu! King karakal tawung makapadurut kekami, eya man lang rugu merine.
"Bernil talakad naka kyan." Utus ku.
"Talakad ku mu keni potang sinabi mu ng payag kang paglolon daka." Jusku naman o!
"Bernil!" Pendagulan kune mo galang mata.
Reni namang tawung makapadurut kekami asno kaindredus. Lipungan dakami saka la mibubulungan.
"Balamu atin yatang mag propose."
"Swerte na namang Atche."
"Aww ka sweet ng Koya."
Propose? Ay rugo, king alayaman dadalang bulaklak ampong singsing!
Swerti? Ay jusko! nung balu yumu masusumami naku keni.
Sweet? Nanu bang sweet keni bukud king agyu ng maglupang murit para mu kanaku? Ih!
Binaba kung bagya para panten ke saka ke telanan pago. Balamu anak ne mang malati na e bisang talakad.
Talagang eka bisa ah!
"Bernil, balu mo, maganaka nakaman e. Nyata edaka talaga pweding payagan maglolo uling.." Agli misip ku pa nung nanung kwentu ing pwedi kung agawa para patugutan na naku ni ni.
"......atin nakung Boyfriend." Okay, shit. Aku na ing pekamalaram a tawu ngeni.
"B-boyfriend?" Ditak namu yata kumyak ne.
"Wa, actually malwat na kami at makaplanu nakaming pakasal ka graduate mi." makatiman kung sambit.
Lord, patawaran Yu ku pu keng pamaglaram ku.
"P-pero lagi nakamang alang abe e? patye akakit daka pane mung ikang dili."
Weeew. Stalker! Balu ng balu e.
"Syempre busy ya keng pamagaral na. Tsaka ing pamaglolo kasi king bale, ali keng skwela."
"A-aaah" Ayan loko! alanakang asagut ne.
Nilawe ku king paligid bang maglawe masanting exit nyang ayagilap da ne man reng mata ku itang lalaking makatalakad lele banyu ning canteen.
"Actually atyu ya pin keni e."
BINABASA MO ANG
Kaku ka, Keka ku. (On-Going)
Genç KurguNung balu mu bang mawala ya mu rin keka ing metung a tawung akilala mu't megpabayu king durut ning kekang mundu, luguran me pa mu rin ba ine? Nung balu mu ring ala ng kasiguradwan, sugal ka pa mu rin ba? Nung balu mu ring manasakit ka mu rin, subuk...
