توقفنا عندما كان آسر يسأل يوسف عن ماذا كان يريد ان يحكى له
يوسف:كنت عايز اقولك إن اللى اسمه سالم ده مش هيجيبها لبر باعت جواسيس ليه فى الشركة عندنا
آسر:خلاص انا هتصرف متقلقش
-ازاى؟
-انا عايزك تجهزلى ميعاد معاه
-ليه؟
-هتعرف بعدين
- مع إنى مش فاهم حاجة بس هحددلك ميعاد ثم نهض من مكانه وودعه:سلام انا هحدد الميعاد واقولك سلام
-ماشى سلام
تاني يوم فى الجامعة
ملاك:مالك يا حنين امبارح كنت متعصبة أوى
-واحد زباله معندوش دم خبطنى بالعربية وبدل ما يطمن عليا يسبنى ويمشي
-يعني انتى يا حنين ما زعقتيش وعليتى صوتك على الراجل
- امال كنتى عايزانى اسكتله
-لا بس مينفعش تعلى صوتك زى ما بتعملى لان كده غلط
-لا خليكى انتى كده هبله وطيبه مبتعرفيش تخدى حقك
-ماشى انتى حره سلام انا ماشيه
-سلام اشوفك بكره
عند آسر فى الشركة
يوسف:انا حددتلك الميعاد مع سالم عمران
آسر : كويس......هيكون امته؟
-بكره الساعة واحدة
-ماشى يلا نكمل شغلنا
-ماشى. أنا رايح مكتبى
خرج يوسف وأكمل آسر العمل على الورق الذي أمامه ولم يشعر بالوقت حتى سمع طرق الباب فنظر لساعته وجدها الخامسة ونصف فارجع ظهره على الكرسي وسمح للطارق بالدخول وكان الرجل الذي أمره بمعرفة كل شيء عن سالم
آسر : جبتلى المعلومات اللى قولتلك عليها
الراجل:أيوه يا باشا
-قوللى كل حاجة عرفتها عن عيلته
-يا باشا حضرتك عارف اسمه سالم عمران وعيلته هى مراته وبنته سارة وأخوه ومراته ماتو من زمان وعايش معاه بنت أخوه واسمها ملاك
-روح انت دلوقتي
-عن إذنك يا باشا
وخرج الرجل من مكتب آسر ولا يعرف أنه ترك وراءه بركان على وشك الانفجار خرج آسر من مكتبه و ساق سيارته بسرعة شديدة لم يعرف أين يتجه و عندما توقف وجد نفسه في مكان بعيد عن الناس و جلس أمام السيارة وهو يحدث نفسه
آسر : طلعت انا صح و كلهم خاينين
نفسه:مش ممكن أكيد في حاجة غلط
- حاجة إيه؟ طلعت بنت أخو سالم عمران أكتر واحد بيحاول يأذينى
-هى ملهاش ذنب إن سالم يبقى عمها
-هى فعلاً ملهاش ذنب بس اللي تتربى على ايد واحد زى سالم تبقى شيطان زيه
-مش ممكن تبقى مختلفة
-اللى يتربى وسط الشياطين يبقي زيهم
-انت حر اعمل اللي انت عايزة
-معاك حق أنا حر اعمل اللي انا عايزه ملكش انت دعوة
ثم نهض آسر من مكانه واتجه إلى قصره
تاني يوم فى شركة سالم عمران
يجلس آسر أمام سالم فى مكتبه ويتحدث معه في العمل
آسر : سالم بيه أنا عارف إن شغلى مش زى شغلك بس حابب إن الآلات والمعدات اللى بستوردها من برة استوردها عن طريق شركتك
سالم:على حسب معرفتى إن شركتك هى شركة للإنشاءات صح ولا انا غلط؟
- لأ صح هى فعلاً كده
-يعني عايز تستورد معدات تقيله وحاجات زى اللى انتو بتستخدموها فى انكو تبنو
-تمام كده وانا هخلى المحامي يكتب العقود
-تمام يريت تقولى لما يكتبها عشان نتقابل ونوقع العقود
-اكيد. ثم نهض آسر من مكانه وقال : عن إذنك أنا يا سالم بيه
-شرفتنا يا بشمهندس
وخرج آسر و يوسف خلفه من المكتب واتجهو إلى القصر
