فى سيارة يوسف
يوسف : احكى بقى يا محمد تعرف المجنونة دى ازاى ؟
محمد:حنين طالبة عندي فى الفرقة الثالثة
-كمل هو انت هتنقطنى
-حاضر هكملك بصى يا سيدى انا حصلى موقف معاها خلانى مصمم افهمها ولحد انهارده من أول سنة لحد دلوقتي مش قادر أفهم هى متركبه ازاى مجنونة جداً اكتر مما تتخيل
-ايه الموقف ده؟
-هحكيلك
#عودة للماضي#
فى أول يوم دراسة في الجامعة كانت حنين تسير بعد أن اشترت قهوة وهى تشربها فى طريقها الى إلى المدرج فى أثناء سيرها كان محمد نازل من السيارة وخبطها والقهوة نزلت على ملابسها
حنين:مش تفتح يا أخ ولا أنت ماشى تخبط فى خلق الله
محمد:ايه قطر معدى اهدى شوية
-بلا اهدى بلا بتاع واحد معندوش دم الهى تنشك في صوباع رجلك الصغير ومتلاقيش حد يعالجهولك
ثم اتجهت إلى المدرج وهى تكلم نفسها وتركت محمد ينظر إليها فى ذهول إلى أن اختفت ومشى يكلم نفسه:مجنونة والله العظيم مجنونة يانهار أسود البت دى عدوى بقيت بكلم نفسى اروح أدى المحاضرات بدل ما اتجنن
واتجه إلى المدرج وعندما تفاجأ بتلك الفتاة المجنونة تجلس أمامه لكنه تجاهلها بينما عند حنين عندما رأته قالت فى نفسها:يانهار أسود هو ده المعيد اللي هيدينا المادة الحمدلله انا كده مش هعدى من سنة أولى
افاقت عندما سمعته يقول:انا اسمى محمد وهشرحلكو مادة المحاسبة بس حابب أننا نتعرف الأول
فبدأ كل شخص يعرف نفسه إلى أن جاء الدور عليها فقامت:انا حنين سالم
وانتهت المحاضرة بعد أن تعارفو وخرج الجميع من المدرج وأثناء ذهاب محمد إلى السيارة وجد حنين وهى تجلس بجانب فتاة تبكى وتحتضنها وتربت على كتفها فوجد أن تعابير وجهها رقيقة جداً وحنونه وهى تتحدث مع الفتاة فركب سيارته و خرج وهو يفكر في تلك المجنونة الحنونه
#عودة للحاضر#
كان يوسف يضحك على صديقه
محمد:بتضحك على ايه يا أهبل؟
يوسف : انا أهبل ماشى ربنا يسامحك بس هى قالتلك تنشك فى صباع رجلك الصغير
فهم محمد لماذا كان يوسف يضحك فضحك هو الآخر وقال : اه قالتلى كده وانا من يومها يا سيدى وانا نفسى افهمها كل موقف بيظهر فيها صفة جديدة
نظر يوسف إلى صديقه وقال : هو انت حبتها؟
- لأ طبعاً محبتهاش بس حنين إنسانه تشدك ليها عشان تحاول تفهمها وتعرف أسرارها بس بتسأل ليه؟
- لأ مفيش تعرف مين معزوم عندنا انهارده غيرك
- لأ مين؟
- آسر
-بتهزر صح؟
- لأ مبهزرش
-انت تعرف إنى مشفتوش بقالى فترة طويلة
-ماشى يا عم هو جى انهارده
فى الجامعة
بعد أن تعبت ملاك من مطاردة حنين لها قررت الاستسلام فجلست مكانها وهى تتنفس بسرعة شديدة فوجدت حنين أمامها:بقى انا مجنونة يا ملاك
-لأ يا حبيبتي انت مش مجنونة خالص
-عفونا عنك
ملاك بسخرية : بعد الجرى ده كله اخرك تقوليلى عفونا عنك! منك لله يا شيخه الجامعة كلها اتفرجت علينا
-خلاص بقى يا قلبي ما انت اللى قولت عليا مجنونة
كانت ملاك ستتحدث لكن وجدت السائق جاء إليها فودعت حنين :سلام انا السواق جه
فردت:سلام يا حبى اشوفك بكره
اتجهت ملاك إلى السيارة وانطلق السائق إلى الفيلا
فى فيلا يوسف
كان محمد ويوسف و والدة يوسف يجلسون يتحدثون معا إلى أن جاء آسر فقام محمد من مكانه وقال : وحشنى يا كبير
فاحتضنه آسر : وانت كمان يا حمو مشوفتكش من زمان
والدة يوسف : ايه يا آسر محمد بس اللي وحشك
فاتجه إليها آسر وجلس أمامها وقال : وانتى كمان وحشانى يا قمر بس عندي سؤال
-ايه هو؟
- هو انت كل ما تكبرى تحلوى ولا ايه
يوسف : انت يا عم انت جاي تعاكس أمى
-لا يا عم انا مبعاكسش انا بقول الحقيقة
والدة يوسف : خلاص بطلو خناق ويلا عشان نتعشى
واتجهو إلى غرفة الطعام وبعد الانتهاء جلس محمد و آسر معا و ذهبت والدة يوسف إلى غرفتها لترتاح
تاني يوم فى شركة سالم عمران
يجلس آسر أمام سالم فى مكتبه و يوقعون العقود وبعد التوقيع قال سالم لآسر:مبروك علينا يا آسر بيه
آسر : الله يبارك فيك يا سالم بيه
وقام آسر من مكانه:عن إذنك أنا يا سالم بيه عشان عندى مواعيد مهمة
-ربنا يكون فى عونك ايه رأيك تيجى تتعشى معانا انهارده بمناسبة توقيع العقود
ابتسم آسر فى خبث و قال : اكيد شرف كبير ليه يا سالم بيه
-هستناك بليل
-اكيد عن إذنك
وخرج آسر و يوسف و معهم المحامى وركب كل شخص سيارته واتجهو إلى الشركة
في فيلا سالم عمران
ملاك تتجه إلى الخارج للذهاب إلى جامعتها اوقفتها زوجة عمها:مش هتروحى الجامعة انهارده
سألتها ملاك:ليه انا معملتش حاجة غلط
- فى ضيف مهم جاى لسالم انهارده روحي ع المطبخ وجهزى الأكل و أوعى تعملى غلطة واحدة انت فاهمة؟
- حاضر هروح اغير هدومى و أعمل الأكل
ذهبت ملاك إلى غرفتها وهاتفت حنين :حنين انا مش هعرف اجى انهارده
حنين:ليه مالك؟
- مفيش حاجة بس جاى لعمى ضيوف
-ماشى يا حبيبتي خلى بالك من نفسك وانا هجيبلك المحاضرات
-شكراً يا حنين
- مفيش شكراً بينا ماشى يا اختى. سلام
-سلام
فى المساء في كل فيلا سالم عمران
حضر آسر وجلس مع سالم وزوجته وابنتهم التى عندما وقع نظرها على آسر أعجبت به
سالم:أهلا وسهلا بيك يا آسر بيه
آسر : شكراً يا سالم بيه
وجلس آسر و سالم يتحدثان في العمل إلى أن جاءت إحدى الخادمات تخبرهم أن العشاء جاهز
سالم:اتفضل يا آسر بيه
قام سالم وعائلته وآسر وجلسو على مائدة الطعام
آسر : انا اعرف يا سالم بيه إن بنت أخو حضرتك عايشه معاك بس انا لحد دلوقتي مش شفتها
كانت سارة تكاد تموت غيظا لأن آسر سأل عن ملاك ولم يلتفت إليها
سالم:ملاك موجودة في اوضتها زمانها نامت لأنها بتنام بدري
آسر : تمام أكيد هنتقابل وقت تانى
مر الوقت وعاد آسر إلى قصره وجلس يفكر كثيراً
فى ماذا كان يفكر آسر؟
ماذا سيفعل يوسف بعد أن تحدث مع محمد عن حنين؟
توقعاتكو للحلقة الجاية
