ركب آسر و ملاك الطائرة
قال آسر : تحبى اجيبلك تفطرى
ملاك : لأ شكرا مش عايزة
آسر : طب لو حابة انك تنامى لحد ما نوصل نامى
ملاك : هو احنا هنروح فين؟
آسر : قولتلك خليها مفاجأة ممكن تصبرى عشان انا متأكد انها هتعجبك
ملاك : ممكن
وضعت ملاك رأسها على كتفه ونامت
****************************** * *
فى فيلا سالم عمران
كان سالم يجلس مع زوجته ويتحدث معها
زوجته:هو انت ليه وافقت إن ملاك تتجوز آسر سارة كانت عايزة تتجوزو
سالم : عشان آسر طلب ايد ملاك مش سارة ده أولاً ثانياً بقى انا كنت عايز ملاك تبعد عشان اخلص منها ومش عايز كل شوية اشوفها فى البيت ثالثا انا كنت عايز أى حد يبقي فى قصر الصياد عشان اروح هناك وقت ما أحب بحجة إنى بزوره وبعد ما اخلص واخد كل اللى عايزة اخليه يطلقها لكن لو كان اتجوز سارة مكنتش هعرف اعمل كده
زوجته: معاك حق وسارة شوية وتنسى قولى بقى ناوي تعمل كل اللى قولت عليه دا امته؟
سالم : بعد ما ييجو من شهر العسل
زوجته:طب هتعمل اللى بتقول عليه دا ازاى؟
سالم : هقولك................................
* * * * * * * * * * * * * * * * * * * * * *
عند يوسف كان يجلس مع حنين وهى تبكى
يوسف : ممكن أفهم انتى بتعيطى ليه دلوقتي؟
حنين : لا رد
يوسف بعصبية خفيفة : يا بنتى انا اتصلت بيكى ونزلنا من يجى ساعة وانتى قاعدة تعيطى فيه ايه بقى يا حنين قلقتينى
ردت عليه حنين ببكاء : اصل ملاك وحشتني وبدأت في البكاء مرة اخرى
نظر إليها يوسف : ايه دراما الأمهات اللى انتى عايشه فيها دى يا بنتى هى ماتت وانا معرفش دى اتجوزت
حنين : بعد الشر عليها يا رب اللى يموت عمها والعقربة مراته وأم أربعة وأربعين بنته بس انا متعودتش انها تبعد عنى
يوسف : انتى ايه قاموس شتيمة متنقل مبيفصلش حتى وانتى بتعيطى بتشتمى الناس
حنين : أيوه ملكش دعوة
قال يوسف بمرح ليخرجها من حالتها: تعالى هوديكى حته حلوة عشان تخرجى من جو النكد ده
حنين : لأ تعالى نروح الملاهي وتجيبلى شوكولاته وغزل بنات
نظر إليها يوسف : انتى متأكدة إن عندك 20 سنة مش 10 سنين
حنين باستغراب : أيوه بتسأل ليه؟
يوسف : ملاهى وشوكولاته وغزل بنات حاسس إنى خارج مع بنت أختى
حنين : يوووه بقى يا يوسف يعني اعمل دلوقتي
يوسف : متعمليش انا اللي هعمل
وضعت حنين يدها على خصرها وقالت بدلال : هتعمل ايه
يوسف : هتجوزك أول ما آسر و ملاك يجو من شهر العسل لأنى خلاص مش قادر استنى أكتر من كده
أحمرت حنين خجلا ونظرت لأسفل فرفع يوسف وجهها بيده وقال بهيام : بعشقك وبعشق كل حاجة فيكى
* * * * * * * * * * * * * * * * * * * * * *
عند آسر اقتربت الطائرة من الوصول إلى المطار
التفت إلى ملاك كانت نائمة مثل الأطفال فايقظها برفق وقال : ملاكى قربنا نوصل يلا اصحى
فتحت ملاك عينيها وابتسمت : احنا وصلنا؟
آسر : خلاص فاضل شوية وننزل المطار
ملاك : طب مش هتقولى احنا فين؟
آسر : هقولك اصبرى شوية ممكن؟
ملاك : ماشى
نزل آسر و ملاك من الطائرة وركب سيارة وكانت خلفهم سيارة حراسة فسألته ملاك : هو فيه حراسة ليه؟
آسر : عشان انا عندى أعداء كتير فأنا متفق مع شركة حراسة عالمية بتبعتلى الأفضل فى أى مكان بسافر فيه بس متقلقيش مش هتحسى بيهم أو تشوفيهم غير واحنا خارجين
احتضنته ملاك بعفوية وقالت بخوف شديد:خلى بالك من نفسك أنا مش عارفة ممكن يحصلى ايه لو حصلك حاجة أنا أول مرة أحس بالأمان معاك
فاشتد آسر على احتضانها وهو يتعجب من تلك الملاك التى تخاف عليه بشدة ويتعجب من قولها أن هذه أول مرة تشعر بالأمان وأصر أن يعرف حقيقة كل شيء عندما يعود إلى بلاده وكانت ملاك هى أيضاً تتعجب من حالها لأنها تخاف عليه بشدة وكانت تحس بالعديد من المشاعر الغريبة التي لا تعرفها فأرجعت هذا لكون آسر زوجها وهذا أمر طبيعي وعندما توقفت السيارة نزلو منها فقال آسر : أهلا بيكى فى المالديف
