Nang makilala kita,
Hindi ko maikaila kung gaano
Nagningning ang aking mga mata
Mga matang kay tagal nang nangingislap,
Naghahanap ng pagmamahal na karapat-dapat
Pakiramdam ko'y ako na
Ang pinaka masayang nilalang sa balat ng lupa.
Ngunit sadyang mapaglaro ang tadhana
Napakagago.
Hindi ko maintindihan.
Bakit kung kailan nahuhulog na tayo sa isa't-isa
Saka ka susuko?
Bakit kung kailan marami na tayong pinangarap
Nang magkasama,
Mga planong kasabay nating binuo.
Dalangin na ikaw lamang siyang nilalaman,
Ay bigla ka na lamang bibitaw?
Kaya ngayon,
Itong puso ko'y nagdurusa,
Naghihinagpis, at nalulumbay.
Puso kong sugatan
Na hindi ko alam kung maghihilom pa.
Puso kong pinangako mong aalagaan mo
Ngunit....
Napawi lamang ang lahat nang iyon.
Sa hindi malamang dahilan.
Bigla ka na lamang nawala sa isang iglap.
Hinanap kita sa apat na sulok
Nang mapagtanto ko'y ako na lamang ay nag-iisa
Sa kadiliman at walang patutunguhan.
Palingon-lingon at nagbabakasakaling babalik ka pa.
Iniisip na baka panaginip lamang ang lahat.
Ngunit wala.
Walang bakas ng pagbabalik.
Tuluyan ka nang lumisan at bumitaw.
Ito'y isang katotohanan na
Ako na lamang na mag-isang lumalaban
At naiwan sa gitna ng mundong mapait...
BINABASA MO ANG
Unspoken Words
Poésie- Compilation of my Poems - These are all originally written by me - In english or tagalog - Some are impromptu or on the spot Highest Rank: #17 in Poetry as of August 14, 2017 11:30PM Highest Rank: #12 in Poetry as of October 12, 2017 9:06PM Highes...
