(رغد)
مرحبا اني رغد عمري عشرين سنه عائلتي متكونه من بابا وماما واختي فرح اكبر مني متزوجه وعدها رضاوي واخواني احمد وكمال اني الصغيره ومددلله بابا نعيش بمزرعه كبيره وبيها ڤله حلوه وحالتنا الماديه تمام والحمدلله خريجة سادس علمي عندي ابن خالتي علاوي صديقي المفضل والمقرب تجمعني بيه صداقه واخوه لابعد حد رجعت من البستان مالتنا واجيت للبيت تعبانه تلگتني ماما غسلي وفوتي سلمي على عمتج حنان اجتي من بغداد رغد الله شوكت اجتي ماما قبل شويه فتت اخذت شاور ولبست تراك نيلي ونزلت هلووو حنونه مشتاقتلج بوستها ونمت بحضنها العمه هلا يا بعد حنونه واهلها شلونج امي انتي شخبارج رغد والله الحمدلله بخير شنو ذكرج بينا صارلج شهرين مجايه العمه والله عماتي كنت مريضه وهسه كدرت اجي واجيتكم بطلب واتمنى ما تردوني الاب ما عاش الي يردج يالغاليه كولنا تحت امرج العمه يعز غاليك ابو احمد والله ما تقصر تعرفني يا خوي اني كبرت مريضه ليل ونهار وما عندي احد يعيني بهالدنيا بناتي سجى وضحى كلمن ملتهيه بيتها وجهالها واكرم تدري بالخارج يكمل دراسته مبقالي غير مهند وتدري بيه موضف بنك وشقته جاهزه من كولشي واني ما اريد اجيب اي وحده واخليها بيتي فاجيت اطلب ايد رغد لمهند وما راح الكه اغلى من رغوده بنت الي وزوجه لابني طبعا مفاجأه بالنسبه الي وبابا يباوع عليه واني اباوع لبابا بابا والله فاجئتيني ام اكرم بصراحه البنت بنتج واني مراح الكه احسن من مهند وازوجه بنتي هي موجودج يمج واسأليها واني بعدني متفاجأه وصافنه عليهم عفتهم وصعدت لغرفتي ودكيت على علاوي ابن خالتي
علي الووو لا هلا ولا مرحبا شكو
رغد وجع شبيك بعد يومين تتمنى ادك عليك وما تحصلني
علي شوكت يجي هاليوم مو مليت منج
رغد لا تخاف اجه هاليوم اجتي عمتي وخطبتني لمهند
علي صودك تحجين مهند ابن عمتج هذا الصاك ابو عيون زرك
رغد اي هو واني محتاره
علي شوفي رغد لا تصيرين غبيه هذه فرصتج اذا ما تردينه اني اخذه
رغد هههههه عابتلك ما اكدر على فراكم شلون يعني كول شهر او شهرين اجي مره
علي والله عادي اكو اختراع اسمه النت تكدرين يوميه تتصلين صوت وصوره
رغد والله ما اعرف بس افكر لان عمتي قهرتني اوووف
علي لج وافقي راح تصيرين عانس ومحد ياخذج هذه فرصه وهمين الولد صاك لا تفوتينه
رغد عابتلك والله عبالي صديقي واشكيله مو صوجك صوجي اني اتصلت بواحد غبي اوووف
وسديت الاتصال من علي وكعدت افكر بيني وبين نفسي خطيه عمتي اذا ارفض راح تنقهر واني ادري بيها تحبني شلون والله حيره خلاص راح اوافق وما اخجلها وبلكت يكون الي سند وعزوه ويعوضني عن اهلي صاحت عليه ماما لج رغوده نزلي نتغدى اوك ماما جيت نزلت اتغدى وياهم وعمتي تباوع عليه واني بيني وبين نفسي شلون بالله مناكل اليوم وتبتسم ورى الغدى حنان ها يوم رغوده شنو كلتي فكرتي لو لا رغد عمه بسم الله الرحمن الرحيم هستوج كولتيلي قبل ساعتين حنان مو ماما اني باجر راجعه مو تدرين ما اكدر اعوف عمج ابو اكرم لوحده وهسه خبلني يكول شنو رد رغوده عبالك العروسه اله رغد ابتسمت وخجلت كتلها اوكي عمه اني موافقه ما اكدر اردج حنان كامت تهلهل وتصفقگ وخابرت على ابو اكرم بشرته وكلش فرحوا يوم ثاني الصبح كالت عمتي خلاص اني راح اروح ما اكدر اتاخر وان شاءالله الخميس نكطع مهر ونجي اني ومهند وابو اكرم والبنات ونسوي حفله هنا وسافرت عمتي عده الاسبوع واهلي فرحانين كولش ويتحضرون للخطبه واني همين نزلت للولايه واشتريت بدله كولش حلوه فستقي واتفقت ويه صديقتي جمانه تجي للبيت تسويلي مكياج وتسريحه والكل فرحانه اجه يوم الخميس واني كاعده بغرفتي اتجهز لخطبتي اليوم وسمعت صوت سياره باوعت من البلكونه واشوف عمتي نزلت وبناتها ومهند واني شفته واني دخت اويلي ياربي شنو هذا ملاك معقوله هذا الصاك خطيبي وراح يصير زوجي الي لوحدي هذا شلون راح اباوع لعيونه غير انفضح واضحك ويه روحي صعدت فرح تركض لج رغيده ما تبدلين انطيج زوجي مؤيد واخذ مهند ههههه رغد يمه منج اختي وخاله عينها عليه وين اوديه من عيون البنات ههههه فرح تعالي يالله نزلي سلمي عليهم مو تبوسينه وتفضحينا ثگلي شوي هههههه رغد هههههه ضربتها بالمخده وطلعت رحت عالمرايه اوووف شلون راح اعجبه رفعت شعري ونزلت لي خصله منه على وجهي وخليت باودر وحمره وردي خفيفه ولبست تراك وردي وبيه كريمي ورتبت نفسي ونزلت اول ما فتت عمتي هلهلت وتلكني البنات بالاحضان والبوس سجى لك شنو هاي عيني مهند عروستك تخبل ما تتخير عنك جمال ونزاكه رغد بيني وبين نفسي يومه والله خجلتني سلمت عليهم وبوستهم واجه عمي ابو اكرم باسني من راسي وسلمت على مهند شلونك مهند مهند اهلا وسهلا انتي شلونج رغد الحمدلله وكعدت طبعا الانضار عليه واني كولش محرجه ومهند هماتين محرج لان ميرفع عينه وكلامه قليل
