انطيت لسحر مهله اسبوع الخ تفكر بيه وتتراجع عن قرارها وهذا الاسبوع. بقيته يم حبيبتي رغوده
رغد مهند طبعه ميسولف عن مشاكله وهوايه كتوم. اخر فتره اشوفه ضايج ومو على بعضه احاول اخفف عنه واضحك وياه اخليه لحد ما يضحك ويرتاح شوي اني همين ارتاح كانت مشاكله ويه سحر الها بدايه ما الها نهايه يوميه مشكله وصوتهم عالي وعمتي دائما تلوم بيه هي هاي الي ردتها اشبع بيها ارتاحيت من اخذتها ومن هالحجي واني اكولها عمه عوفيه هو الي بيه مكفيه تصيرين انتي والزمن عليه هي تسكت خطيه فد يوم دكيت على مهند وهو بالدوام رغد : هلو حبيبي شلونك
مهند : هلا عمري انتي شلونج
رغد : بخير يروحي حبيبي تكدر وانت جاي تجيبلي وياك كنتاكي من المطعم لان كولش مشتهيه مهند : بس كنتاكي غالي والطلب رخيص من عيوني
مهند من طلعت من الدوام كلت خلي امر بالمطعم واجيب كنتاكي لرغوده وكفت داحاسب ابو المطعم والولد وده الطلب للسياره واني داطلع شفت سحر هي واحد كاعدين يتغدون ويسولفون ويضحكون عبالك تعرفه حق المعرفه اجيت وكفت كبالها وهي غصت وانطاها الولد مي
سحر :مهند شجابك هنا مهند اجيت اشوف القذاره مالتج وين وصلت
سحر: مهند انت فاهم غلط هذا ابن خالتي حسن وعزمني عالغدى لان شافني تعبانه من عفتني
مهند :سحر اني معفتج وخلي ابن خالتج هذا يفيدج وباجر توصلج ورقة طلاكج ولا تخافين بدون فضايح
مهند طلعت من المطعم واني نار وبركان وجهنم كولها بيه كمت ما اشوف بعيوني طبيت البيت انطيت لرغد الغدى بدون ما اسلم عليها وصعدت كسرت اغراضها كولهن صعدت امي ورغد وهي حامل عليها ٨ اشهر ويهدون بيه واني اصرخ واكسر لحد ما امي وكعت يالله نتبهت على نفسي واخذتها للمستشفى وكالوا ضغطها كولش صاعد حاله نفسيه رجعنا للبيت واتفقت اطلك سحر وكلشي ينتهي ورحت وطلگتها وانطيتها كول حقوقها واتضحلي هي كولش ماديه بحيث خسرت هوايه لان اني المطلك بالبدايه تعبت نفسيتي بس حمدت ربي وشكرته لان رغد كانت بحياتي وخففت عني هوايه ورحنا وجهزنا ملابس سيوفي واغراضه والحمدالله تجاوزت الازمه مو لان احب سحر لا بالعكس رغد صارت كول دنيتي بس حسيت هانت رجولتي ولو يصح بيدي اذبحها واشرب من دمها حان موعد الولاده رغد وربي سهل عليها وجابت احلى سيوفي وصعدنا لبيتنا من بعد ما شدت حيلها رغد وكامت على رجليها وربي عوضني باحلى ابن وزوجه وربي يخليهم الي يارب وبعد فتره سمعت سحر انخطبت لنفسه الولد الي كانت كاعده وياه وتزوجوا وطلعوا للخارج واحنا عشنا حياتنا بخير وسعاده بغض النضر عن المشاكل الي تصير بينا وتختفي بمجرد ابتسامه منها حبيبتي وتمنيت لو جنت اعرفها من سنين وهي الي حبيتها ولا ضاع عمري بهالشكل وحبيت الانسانه الغلط واختياري كان غلط واهنا انتهت قصتنا وبالاخير صدق رب العالمين حينما قال قد تكرهون شيئ وهو خير لكم وقد تحبون شيئ وهو شر لكم انا اريد وانت تريد والله يفعل ما يريد رب العالمين هو ادرى مصلحتنا وهو مدبر الامور واكيد اختار لنا الافضل مهما يكون الانسان ميقتنع بوضعه يمكن يكون بصالحه لان رب العالمين اكيد يختارلنا الافضل والاحسن واكيد الانسان الطيب والي يتنازل لشريك حياته هو الي راح يكسب قلب المقابل وما اتصور اكو كرامه بين الزوج وزوجته بحدود المعقول اتمنى استمتعتم بالقصه وكانت خفيفة ضل عليكم لك الحمد ولك الشكر يالله وشكرا للمتابعه
