رغم كنت اعيش قهر ومرار وضيم بس اتمنى الشهرين الي بقن ميخلصن وابقى اعيش وياه لان ما اتحمل غيابه وفراگه صحيح بجيت هوايه وانقهرت هوايه بس ابقى احبه وما اعيش من غيره فد يوم اني كنت كاعده بالصاله اجه مهند من بره واحس بيه مو طبيعي لان نضراته الي واسلوبه غير احسه يريد شي مني وديجبر نفسه يبتعد اني سويت نفسي ممنتبهه ورحت لغرفتي طبيت سبحت وطلعت من الحمام واني لافه نفسي بمنشفه كبيره طلعت ولكيت مهند كاعد على سريري من فتت للغرفه نزيت
رغد : يمه خير مهند شجابك هنا ودارجع للحمام ولزمني
مهند : شنو شجابني هنا هذا مو بيتي وهذه من ضمن املاكي وانتي ملكي الي لوحدي لو اني غلطان
رغد :لا مغلطان بس خلي اغير ملابسي عوفني شوي حباب والله خجلتني
مهند : فديت الخجول اني
وبده يبوسني حسيت اني الي مشتاقتله بالبدايه متجاوبت وياه وبقى هو ينزل على عيوني وشفايفي ورگبتي وبديت اتجاوب وياه وحضني
مهند : والله ميت عليج وبعد ما اتحمل رحميني اني بشر مو حجر صارلي اربع اشهر متحمل وادوس على گلبي وانتي مو يمي اليوم لو تصير الحرب العالميه الثالثه ما اعوفج طفح الكيل
وشالني عالسرير
مهند :فديت كل قطعه بيج شنو من جمال فدوه لربج الي خلقج كلما اريد احجي وياه يسكتني بوسه وره بوسه مخلاني احجي بصراحه ردت اذكره بسحر بعدين بيني وبين نفسي كولت شعليه بيها هو ادرى بمصلحته ختولي هههه وبعدين صار الي صار حسيت داخذ بثاري منها تمنيت اكولها تعالي شوفي حبيبج شلون متلهف عليه عمري ما حقدت على احد ولا كرهت احد بس هي خلتني هشكل اول مره مهند يتقربلي بعد اربع اشهر زواج وبقى نايم يمي كمت سبحت وغيرت ملابسي وطلعت لگيته نايم اجيت نمت يمه هو فز وكعد باوع عليه وابتسم وطلع يسبح بقى مهند تقريبا اسبوع كول يوم يجي يتقربلي اما بليل او من يرجع من الدوام الضاهر حلت الشغله اله واني ابد ما اصده لان حسيت معاملته تغيرت وبده يحبني ويشتاقلي واني كنت كولش فرحانه لان صرت زوجته رسمي وبنفس الوقت حسيت اخذت بثاري من سحر
شوي ورى الاسبوع بده يبتعد حاولت افهم شنو الموضوع بس مكدرت بس اشوف بعيونه شوق واهتمام بس اكو شي يمنعه وبيني وبين نفسي شنو القضيه تندم لو شنو المهم خليتها عالايام واشوفها شنو ضامتلي بعد بقينا وراها شهر ما تقربلي اني همين عفته كولت براحته ما اضغط عليه اني بعد صرت مرته رسمي وهالشي بأرادته وتاخرت عليه الشهريه اني شكيت حامل كولت اروح اتاكد احسن وطلعت حامل فعلا وكولش فرحت وحبيت افرح مهند كولت احجيله وجها لوجه احلى اريد اشوف ردة فعله واني راجعه من التحليل كولت خلي اشتري كيك وعصير واحتفل اني ومهند ومن نخلص الاحتفال انزله يم عمتي وابشرها رحت اشتريت كيك وعصاير ودخلت واني كولش فرحانه للبيت شفت مهند كاعد يم سحر ولازم ايدها اني حيل ضجت فتت يمهم
رغد : مساء الخير
مهند : مساء النور يالله تعالي شنو جبتيلنا اني ميت جوع
رغد : يخسى الجوع حبيبي هذا احلى كيك لعيونك
سحر تباوع عليه وتخزر بحقد اني عفتها وقدمتلهم كيك وعصير وبداخلي ياربي شنو حتى الفرحه هوايه عليه اجيت للبيت وشفت هالبومه گبالي شنو هالحظ العليه شسوي اكول لو ما اكول اخاف مهند يضوج وتتعارك وياه سحر ومرات اكول لازم اكول علمود اقهرها ضليت صراع ويه نفسي واحتاريت شنو راح يكون ردة فعل الاثنين وقررت احجي والي يصير يصير
