طبعا اجيت للبيت دانزل من البيسكل ومهند كمشني اني نزيت وهو ضحك عليه
رغد: يمه مهند خرعتني
مهند :هههههه هلو رغد شلونج
رغد: هلو حبيبي انت شلونك شوكت اجيت
مهند: قبل نص ساعه
رغد :تعال نفوت جوه مهند لا تعالي نصعد عالبايسكل مالتج وخلينا نتجول
رغد: تقصد اني وياك اوكي يالله صعد مهند وتالي جرني صعدت كدامه مثل الافلام واني ممصدكه قريبه منه هالكد وبدينه نمشي ياربي والله دخت عطره وانفاسه وصدره وشكله اووف مهند والله عذبتني تمنيت احضنه وابوسه من كل مكان بوجهه وبالاخص المنطقه الي قريبه على شفته اويلي حسيت على نفسي وتراجعت
مهند حسيت بيها تباوع عليه او مشتاقتلي شفتها رجعت شوي ودارت وجها وبده شعرها السرح يتطاير عليه لاول مره بحياتي احس اريد شي وهو يمي وما اكدر اسوي شي يربي شنو ديصير بيه اشو داشتاقلها واغار عليها معقوله احبها وسحر شنو مشاعري وياها والله ما اعرف شسوي محسيت اله تهمس
رغد: مهند وين سرحت
مهند: بصراحه رغد حقج من تعشقين البستان والبيسكل مالتج وتكولين عنها تاخذني لغير عالم صراحه احساس غريب وانتي وياها عبالك سحر
رغد :هههههه معود لا تحجي هيج هذه بيسكلي الي لوحدي واغار عليها
مهند :هههههه والله غريبه تغارين عالبيسكل ومتغارين عليه
رغد :هااا يالله مهند خلينا نرجع هسه ضل بالهم لان ابتعدنا كولش رجعنا للبيت وكانو بانتضارنا قررنا نتغدى ونرجع لبغداد وفعلا جهزت اغراضي وجنطتي وبيني وبين نفسي راح ارجع لضيمي ولوحدتي ومعاناتي اني وين وهالضيم وين يالله الحمدلله على كل حال ورجعنا لبيتنا ورجعت حياتي مثل ماهي بدون تغيير وعدى على زواجنا شهرين بس بالفتره الاخيره حسيت شوي تغيير بمعاملة مهند بده شوي يهتملي واشوفه مرات يراقبني واني اشتغل واسوي نفسي ما اشوفه ومن التفت عليه يدنك لو يسوي نفسه يلعب بالموبايل ومره بليل كنت لابسه دشداشه نوم قصيره وخيط من فوك وشفافه وردت اروح اشرب مي لبست الروب مالتها وطلعت اتاكدت مهند بغرفته ورحت فتحت الثلاجه داشرب وطلعت وياي تفاحه وافتريت وشفته كبالي واني نزيت شفته يتفرج عليه من فوك ليجوه ومتوتر
رغد :يومه عبالي انت نايم وغطيت وجهي
مهند: ههههه لا عيني كاعد ما ادري بيج تالي الليل تفترين هالشكل جان سهرت اتفرج عليج رغد :بعصبيه وضربته بالتفاحه وخر خلي افوت ولزمني من ايدي وسحبني عليه
رغد : عوفني مهند واني مغمضه عيوني لان ما اكدر افتحن مو لان استحي لا لان ما اقاوم سحر العيون
مهند : تدرين اول مره اشوفج هيج حلوه ومغريه
رغد : شكرا وعفته ورحت طبيت للغرفه وهو عينه عليه لحد ما سديت الباب اني سديت الباب ووكفت وراه بس احس گلبي راد يوكف ضل ينبض بكول قوته وتمنيت احضنه اوووف ياربي لشوكت هالعذاب
مهند
من شفتها واكفه بالمطبخ بهالمنضر الحلو كولش اشتهيت قربها مداعرف شنو ديصير بيه معقوله بديت احبها كولت خلي اخابر سحر خليني التهي شوي وفعلا سهرت وياها لحد ما نمت
رغد وراها بيومين كان عيد ميلاد مهند وقررت احتفل بيه بينا وطلبت منه اروح للسوك قبل بس بشرط اخذ ضحى اخته وياي وفعلا رحنا وتسوكنا اشتريت شموع على شكل قلوب مكتوب عليها احبك واشتريت ورد واشتريت شغلات استعملها للكيك والحلويات الي ناويه اسويها بعيد ميلاده وقررت اسوي كيك وبقلاوه وهو يحب ستيك وبطاطا وسلطات ومقبلات وكولشي اشتريت وجهزت ورجعت من السوك ميته من التعب وهلكانه مجرد ما رتبت الاغراض ورحت اريح شوي طلعت من غرفتي لگيت مهند كاعد بالصاله رحت كعدت يمه وبدينا نسولف عن يومه وشنو صار وتالي كمت سويت عشى تعشيت ونمت من غير ما انضف لان كولش كنت تعبانه
