كان العرس بقاعه كبيره بغداد وعازمين هوايه ناس و حتى ارقى صالون اخذت احلى فستان وطلعت ملكة جمال بمعنى الكلمه واجه مهند لابس قاط زيتوني وقميص فاتح وربطه زيتوني مثل القاط بس طالع ايه من الجمال كولش فرحنا بيومها وركصنا سلوه اني وياه وكنا احلى ثنائي وخلصت الحفله وزفونا للمشتمل مالتنا طبعا عمتي وزوجها جوه واحنا فوك بس بابنا والدرج لوحدنا دخلت المشتمل وكان كولش حلو ومرتب اول ما ادخل مشاي صغير وصاله كبيره مفتوحه بيه غرفة طعام مفتوحه عاليمنه وخلفها غرفتين وحده يم الخ وعاليسرى مطبخ طراز ايراني مفتوح عالصاله وملحقاته كولش مرتب وعجبني دخلنا اني ومهند للمشتمل دافوت جوه كال رغد تعالي نكعد بالصاله اريدج بموضوع اني تفاجئت شنو وكت مواضيع هسه كولت مو مشكله خلي اشوف شكو كعدنا بالصاله ضل شويه ساكت كوتله مهند شكو خوفتني مهند لا تخافين ماكو شي باوعي بصراحه ما اعرف منين ابدي بس رغد اني مجبور على هذا الزواج واصلا مراغب بيه واني اسف لان ضلمتج وياي رغد كولش تفاجئت وما عرفت شنو احجي وتغيرت الواني رغد اي كمل مهند اني عندي حبيبه واحبها كولش متواعدين عالزواج وما اكدر اخون حبي امي جبرتني عالزواج لان تحبج وما تريد سحر الي هي حبيبتي وامي مريضه ومكدرت ازعلها لان مره وكفت بوجهه تمرضت ونامت مستشفى ومكدرت افتح وياها موضوع مرت الخ لان خفت عليها وحاولت افهمها بكل الطرق ومكدرت اقنعها رغد حيل انصدمت وتفاجئت اي كمل مهند اني اعتذر منج وهذه غرفتج وهذه الي يمها غرفتي وكام وفات لغرفته واني كاعده بحالة ذهول وصافنه ومنهاره كمت فتحت باب غرفتي لكيتها كبيره وبيها غرفة عروس واغراضي كولها مرتبه بيها طبكت الباب وكعدت ادك والطم وابجي وخرب مكياجي وبدلتي وكل حياتي ومحسيت على نفسي اله واني نايمه عالارض وكلشي متوقف حواليه وبحالة صدمه واحس دموعي تجرح بيه وبگلبي هذا زواجي الي كنت انتضره هذا فرحة عمري هيج انتهت ضليت الوم نفسي ليش قبلت ليش ما رفضت لو ادري هشكل مكان دمرت حياتي اول يوم العرس فرحت كل بنت واني شصار بفرحتي اوووف عالقهر وبقيت مصدومه
