مهند :الاختيار صعب سحر كبري عقلج اني احبج وانتي مرتي وهذا الي كنا نتمناه اني وانتي من اكثر من سنتين وهي همين مرتي وام ابني واثنينكم ما اكدر اعوفكم كبري عقلج وتصرفي صح لا تخسريني وتبعديني عنج
سحر :مهند لا تحاول هذا قراري وانطيك مهله اسبوع بيها تضبط نفسك وتقرر
عفتها وطلعت بالبلكونه وخليتها كاعده بالصاله لحالها يعني شلون ما ارتاح والله ورطه ورطت نفسي بيها اني ما اكدر اعوفهن رغد عشقي وهي مرتي همين اني ضلمتها وياي واختيارها صعب خليها على الله وخلي افوت انام والصباح رباح فتت جوه وصحت عليها
مهند :سوسو تعالي خلي انام مشتاقلج
سحر :روح نام لوحدك عود من تقرر اجي انام يمك
مهند :براحتج انتي الخسرانه
فتت للغرفه واضحك بيني وبين نفسي اوووف يا ربي نسوان اثنين ونايم عزابي
رغد ثاني يوم الصبح اجانا مهند تقريبا ٨ لان هو متعود يكعد من وكت بحكم دوامه بس ماخذ اجازه حاليا اسبوع بحكم هو عريس
مهند :صباح الخير بالغاليات امي ومرتي
امي :صباح النور
رغد :شنو حبيبي جاي من الصبح مهند: شنو مترديني اتريك وياكم رغد: لا بالعكس يعمري هو اني اطول انت تاكل وياي
مهند : فوديت ام سيف والله راحت عمتي سوت الريوك ما اشوف اله اجه يمي عالجربايه وقفل الباب
رغد : مهند الله عليك فشله من عمتي افتح الباب
مهند : حبيبتي مشتاقلج موت وبعد ما اتحمل ويبوسني من كل مكان
اجتي عمتي
عمتي : ولك مهند افتح الباب تعال تريك
مهند :يمه معليج بيه داتريك تريگي انتي
ضلت عمتي تضحك
رغد :عزه مهند والله فشله شلون راح اخلي عيني بعينها
مهند :شنو اني صاحبج اني زوجج وضل يبوسني من ركبتي ويشم شعري وريحتي ويكول الله عليج والله راح تموتيني حتى بالمكتب اتخيل عطرج وما اكلكم على ركبتي وجسمي عبالك طالعه من مصارعه ههههه وتالي فتح الباب وطلع مهند
مهند :يالله امي وين ريوكج شنو نمتي
عمتي : امشي ولك منا مو تريكت روح يم ست الحسن والجمال تريكك هههههه
واني طلعت كبل للحمام سبحت وغيرت ملابسي وطبيت يمهم عمتي : عزه بعينك شمسوي بالبنيه مهند : شبيج يمه مشتاق ماكو واحد يشتاق
عمتي :هههه ربي يسعدكم يا امي انت حتى تعرف اختيار امك مو الحيه الي جايبه النا
مهند :عوفيها يا يمه هسه هي يمج دمرتيني باختيارج خليتيني مثل المخبل
عمتي : ليش يمه شبيها جنها ورده مهند : اي والله يمه احبها واحب كولشي بيها واحبج لان جبتيها هههههه
عمتي :هههههه الحمدلله والشكر عرفت بيها راح تخليك تحبها مثل ما اني احبها ربي يسعدكم
مهند : يالله من رخصتكم اروح اسبح. اغير ملابسي مع السلامه رغود ديري بالج لا تسوين شي حبيبتي واليوم اروح اتفق ويه مكتب يجيبلنا وحده تساعدكم لان اثنينكم تعبانات وانتم همين عينكم عليها
عمتي: اي والله امي ياريت
مهند : اوكي مع السلامه
مهند دخلت لبيتي لكيت سحر بعدها نايمه عشره ونص وهي نايمه طبيت سبحت وبدلت وداطلع كعدت
سحر : هاا مهند اشو مغير وين رايح
مهند : راح اروح للمكتب الي شوي عنا اشوف وحده تشتغل لامي ولرغد لان تعبانات
سحر :شنو اني همين اريد احد يساعدني
مهند : يساعدج بشنو هو منو غيرنا بالبيت رغد لان حامل وضعها تعبان وله اني ما اجيبلها خدامه
سحر :مهند معليه اريد خدامه فتهمت لو لا حالي من حالها
مهند : حبلي واني اجيبلج خدامتين مو وحده
سحر :لا اريد هسه بعدني ويني وين الحمل
مهند : اوكي ان شاءالله هسه خلي اروح واشوف
ورحت وفعلا جبت خدامات اثنين وحده لرغد وحده لسحر واني طايح بين الاثنين خلص الاسبوع مالت العرس ورجعت للدوام ويوميه مشاكل ويه سحر الها اول ما الها اخر ومع الاسف قربتني اكثر لرغد وحبها زاد قاطات عن الاول وسحر ملتهيه بمشاكلها وغيرتها ومرات بالاسبوع او اكثر تحرمني منها وكل فتره تحاول تخيرني واني اغلس وبعدين كثرت طلعاتها وكامت تلتقي بصديقاتها واكثر اوقاتها مو بالبيت
تغيرت سحر هواي ما اعرف هي تغيرت لو هي هذه اطباعها واني مشايفهن لو شنو الي تغير كامت ما تهتملي وصارت طلباتها ومصرفها كولش هواي واحسها مغروره وتحب التباهي والتضاهر كدام الناس احس كمت ما اعرفها طلعاتها كثرت واكثر الاوقات مو بالبيت اكثر وقتي اكضيه يم العشق رغوده حبيبتي صار عليها سته اشهر وتعبانه بالحمل وباقيه عند امي لان اثنينهم وحده تحب الخ وكنت كلما اروح يمها ارتاح نفسيا وجسديا ومن غير مشاكل ولا هم وتحب ترضيني بكولشي وحيل طيبه وحنونه ومن اروح يم سحر طلباتها متخلص ومشاكلها متخلص واحاول ارضيها واخليها على مايها علمود لا اضلمها لحد ما اجتي فتره دينقص عندي فلوس من جوزداني محجيت لاحد كولت يمكن اني متوهم تطورت السالفه ضل ينقص عندي ورق مره ورقه ومره ورقتين گلت لازم اتاكد طبعا المبيت كوله يم سحر فد يوم خليت بجزداني ميتين وورقتين ودخلت يم رغد من الصبح وطلعت منها الضهر وداطلع من بيت اهلي واروح لبيتي كولت خلي احسبهم لكيتهم مثل ماهن مناقصات دخلت على سحر وهمين سوالف وعرايك وغيره وشك دمار شامل ما شاءالله والله عاذرها واعبرلها هوايه واكول ميخالف باجر تتعود عالوضع وبتت يمها وطبعا سحر ابد ممهتمتلي مهتمه بنفسها وبشعرها واضافرها ومتكله كوله عالخدامه عكس رغد متقبل الخدامه تسويلي شي اله هي تخدمني بأيدها طلعت الصبح للدوام وكفت عالدرج حسبت فلوسي لگيتها ناقصه خمسين كولت مو مشكله من ارجع احاسبها ليش تسوي وياي هالشكل اني بشنو مقصر رحت للدوام وكملت دوامي طلعت بوجهي على امي ورغد دائما امر عليهم وبعدين اصعد
رغد :شبيك حبيبي مو على بعضك بيك شي
مهند :لا عمري ما بيه شي
رغد: حبيبي داحس انت ضايج اني مضوجتك بشي وممنتبهه
مهند : لا حبيبتي ياريت الكل يفكر بيه وبراحتي مثلج بستها وكوتلها يكولون ليش احبج محد يفهمني غيرج
رغد :كولشي يهون يعمري وماكو مشكله ما الها حل ماطول احنا سالمين كولشي يتعوض
مهند شكد ارتاح من هي يمي كلامها يحرك كولشي بيه
مهند : والله احبج رغوده ولوما ورايه طلعه اروح اشوف سحر ما افوتج هههه
رغد : همزين نقذتني اول مره احسها تسوي شي مفيد هههه
مهند :ليش ولج مترديني
رغد : لا حبي شلون ما اريدك وانت الهوى الي اتنفسه روح عمري لا تروح الخاتون تسويلنا مشكله مهند :يالله عمري شوي واجي يمكم لان مشتاق حيل
عفتها وصعدت لسحر جانت تحجي ويه صديقتها من شافتني سدته
مهند :مرحبا
سحر: مراحب شلونك حبيبي
مهند : بخير شلون يومج اليوم منو اجه منو راح
سحر :ماكو احد بس اجه اخوي عادل شويه وراح
مهند : اهاا اوكي ليش ما بقى عالغدى
سحر :حاولت ومقبل يبقى ديلا ريا صبي الغدى
مهند : اني ما اشتهي راح ابدل واريدج بموضوع
سحر :ماشي قلبي انتضرك
فتت سبحت وبدلت اجيت لكيتها كاعده بالصاله تراسل وتضحك مهند : سديه للموبايل وخلي نحجي
سحر : اي لحضه هههههه ديلا سديناه تفضل سولف
مهند : سحر اني مقصر وياج بشي فد يوم احتجتي شي واني مجبته الج سحر لا حشى كولشي الي اريده تجيبه بس ليش يعني شنو صاير
مهند :لعد ليش تمدين ايدج على فلوسي
سحر : شنو شنو يعني هسه انت تتهمني اني ماخذه فلوسك
مهند : اي انتي وماكو غيرج لان جربت رغد وجربتج
طبعا هي كامت تنطي الوان وتصيح ونفعلت انت تتهمني روح شوف هذيج بنت الفكر الي باكتك وانت كادر بس عليه وكلام صعب بشر يتحمله واني نفعلت وضربتها راشدي وهي تخبلت بالزايد وكامت تتجاوز عليه ودخلت للغرفه لمت ملابسها وطلعت بس اني ضليت شابه بيه النار من الحجي الي حجته وما انكر مكدرت اتحمل وضربتها لان سبتني وطعنت رغد بشرفها بقت عند اهلها اسبوع وتالي دزو عليه اهلها تعال خلينا نتفاهم رحت لبيت اهلها وكالو خلاص بتنا تريد طلاك
مهند يمعودين مرتي اريدها احبها اني غلطت وهي غلطت ومصار شي نبدي صفحه جديده مقبلوا كتلهم خلوها يمكم تفكر اسبوع الخ بلكت تتراجع عن قرارها
