اول مدكيت على مهند شاله خطيه الضاهر جان لازمه بايده
رغد : الوووو مهند
مهند : احبج والله احبج راح اتخبل من غيرج
رغد : سلامتك حبيبي شلونك
مهند :اني بخير بشريني عنج شنو صارلج يالغاليه ليش نمتي مستشفى
رغد : ماكو شي قلبي بس شوي تعبانه نفسيا والطفل وضعه تعبان ولازم ابقى نايمه
مهند : اسف حبيبي كوله بسببي اني أذيتج
رغد : مصار شي حبيبي لا يضل بالك اني بخير هسه وابنك بخير لان طلع صودك سيوفي
مهند : يا عمري انتي اني اعرف بيه ولد شعبالج حبي اني باجر يمكم
رغد : وين يمنا
مهند : باجر جاي حبيبتي بعد ما اتحمل
رغد :مهند وسحر شلون قبلت تجي عليه
مهند : ومنو كالج قبلت اصلا كومت الدنيا وما كعدت بس ميهمني باجر جاي يعني جاي
رغد :مهند لا تجي حبي بابا بعده متوتر خليه لحد ما يهدئ يومين او تلاثه وتعال
مهند : رغد ما اتحمل بعد شنو يريد يصير خلي يصير خلي يضربني خلي يموتني اهون عليه من الشوگ الذابحني بعد ما اتحمل احبج واموت بيج يا نور عيوني رغد : براحتك حبيبي بس لازم تتحمل النتائج
مهند :كولشي اتحمل لازم نحل المشكله رغد
رغد : براحتك حبيبي دير بالك على نفسك وانتضرك
مهند الله وياج يالغاليه بوسيلي روحج يعمري مع السلامه رجعت للبيت ونمت بمكاني بس احس ارتاحيت شوي لان حسيت رغم مهند تزوج بس منساني وبقى يحبني الف حمد وشكر الك يا ربي
مهند طبعا من خابرت رغد كنت كاعد يم امي واحجي وياها وبعدين من طلعت رحت لغرفتي اجتي سحر
سحر : يعني مهمك شي باجر لازم تروحلها
مهند : سحر كبري عقلج شوي ولا تصيرين طفله البنيه حامل وتعبانه وكانت بالمستشفى لازم اروح اشوفها
سحر :مهند اني بعدني عروس صارلنا يومين هذه مو حاله
مهند :انتي ليش تضوجين نفسج هو يوم واحد اروح اجيبها وارجع وراح تبقى بغرفتها اعتبريها مموجوده
سحر :وانت متروح يمها
مهند :لا ما اروح لان انتي بعدج عروسه
سحر :همزين حسيت انه عروس مهند : لا تخافين حبي احاول ما اضلمكم اثنينكم وربي يعيني عليجن ههههه
رغد انتضرت مهند ثاني يوم وليلتها نمت مرتاحه بس تعبتني سالفة لقائه ويه بابا وكولت لماما تحجي وياه على كيفه ويه مهند لان اني احبه واريده وماما مقصرت حجت ويه بابا وكال مو مشكله بس خلي اسويله فركة اذن واخوفه ثاني يوم اجه مهند الضهر واول مفات تلگيته حضني وباسني وخله ايده على بطني وباس راسي اجتي ماما سلمت عليه وضيفته بابا كان يصلي ومن خلص صلاة كام مهند طاح على راسه وباسه بابا مقبل يسلم عليه وراسا كاله
بابا :شعندك جاي اني شنو كتلك
مهند ضاج
مهند : خالي اني اريد احجيلك كولشي واذا اني غلطان اضربني كولشي اتقبل منك
راحوا بابا ومهند بالديوان وبده مهند يسولف لبابا علاقته بسحر من البدايه لحد ما جبرته عمتي يتزوجني
مهند : وبعدين يا خالي انت شلون تقبل اكسر بخت البنيه كولها الناس تعرف بيها الي ومحد راح يخطبها انت كون بمكاني شنو راح يكون موقفك اكيد راح تسوي الي اني سويته لان انت صاحب بخت واحاول وربي يقدرني ارضيهم اثنينهم واني ما اتحمل البيت بدون رغد خليها تروح وياي لا تطولها وهي كصيره
بابا : لا متروح وياك هي تعبانه حاليا واني اخاف عليها خليها ترتاح فتره وبعدين نشوف
مهند لا خالي اعذرني لازم اخذها اني اداريها وامي يمها لا تخاف عليها واذا صار شي اني المسئول وان شاءالله ماكو غير الخير
بابا : خلي نشوف رايها ونشوفها وين ترتاح هنا او هناك
مهند : الله يخليك النا يارب
اجه مهند يمي من بعد ما خلص كلام ويه بابا وكال حضري ملابسج وجهزي نفسج نطلع وره الغدى طبعا حضرت كولشي وجهزت نفسي وبداخلي خوفه من الجاي الله يستر خليها على الله ودعت اهلي وكالوله دير بالك عليها وسوق على كيفك لان وضعها تعبان وخليها بعيونك ودعناهم وطلعنا والطريق كوله يباوع عليه ويحمدالله ويشكره انو رجعت وياه وكل ساعه يبوس ايدي وكان كولش مشتاقلي حبيبي وصلنا المغرب تقريبا ودخلنا البيت تلگتني عمتي وشرطت على مهند انو ابقى يمها يومين علمود ارتاح وهي تداريني وهمين ما اكدر اصعد الدرج ومهند مكال شي بالعكس رحب بالفكره واستغل انو سحر ما تجي لبيت عمتي وتضايقني لان عمتي لحد الان مقابله على زواجها خلوني بغرفة الضيوف وجابولي سرير بيها علمود انام عليه وارتاح من وصلت عمتي خابرت بابا وتعذرت منه وانو هي مقابله ومهند فشلها كدامه وانو اني باقيه يمها تداريني وبابا ارتاح شوي من عرف اني يم عمتي مهند رتب مكاني وباسني وكلي عذريني حبيبتي لازم اروح يمها تدرين بيها عروس
رغد عادي حبيبي اخذ راحتك واني بگلبي نار واشتعلت والليل كوله منمته والف حسبه ابالي لحد ما دخت ونمت مهند طبيت لبيتي وتلگتني
سحر :هاا ارتاحيت من جبتها مو كنا مرتاحين اله تنغص علينا حياتنا
مهند : هسه انتي ليش تغثين نفسج يا حبيبتي هي لا يمج ولا بقربج خليها هناك يم امي لحد متجيب وبعدين نشوف نصعدها يمنا لو اشتريلها بيت
سحر :شنو شنو هي راح تبقى يعني ما تطلگلها
مهند :تعالي كعدي يمي وسمعيني سحر : لا اسمعك ولا تسمعني اذا ما تطلگلها بعد ما تجيب تطلگني اني
مهند : شوفي خلي يكون بعلمج تحملتج هواي وصوتج العالي طلاك ماكو لا الج ولا الها انتي شتردين اذب ابني بالشارع انتي صاحيه لو لا
سحر : لا تذبه ولا شي طلگها واني اربيه
مهند : ومنو كلج هي تقبل تنطي الج اكو وحده تنطي ضناها
سحر :مهند اختار لو اني لو هي هذا اخر الكلام .
