المهم كملنا غدى وكمنا تجهزنا للحفله كانت عائليه يعني بيت عمتي واحنا وبيت خالاتي واجت صديقتي جمانه كملت مكياجي ولبست البدله وطلعت فد شي على فكره اني كولش جميله شعري كستنائي وسرح حيل وجهي مدورابيض وعيوني نرجسي ورشيقه لاكن عيبي انو اني قصيره شوي بذاك اليوم طلعت كولش حلوه وكولها نبهرت بيه المهم بدت الحفله وبده الركص والغنى والفرح كان يوم حلو كوله سعاده وفرح بعدها اجه الشيج وكطعنا مهر وبدت الهلاهل واجه مهند خطيه كان حيل محرج ويصب عرك ولبسني الحلقه وكلاده وسوار وكلها تصور وفرحانه بعدها وكلني الكيك والعصير والحمدلله خلصت الحفله على اتم وجه حيل فرحت بيها صعدت فوك لغرفتي واخذت شاور ولبست دشداشه قصيره وباوعت من البلكونه لكيت مهند كاعد بالحديقه هو واحمد اخوي شوي ودخلوا جوه واني همين دخلت نمت ثاني يوم كعدت الصبح ماما صاحت عليه رغده ماما تعالي سلمي على عمتج وخطيبج راح يرحون واني عسريع غيرت ملابسي وتعطرت ونزلت سلمت عليهم كلهم طلعوا وتعمدوا يتركونا اني ومهند لوحدنا مهند مبروك رغد الله يبارك بيك مهند اني راح اروح اذا تحتاجين شي دوكي عليه هذا رقمي وهمين علمود نتواصل ونتعرف على بعض رغد اوكي شكرا ان شاءالله مهند رمشيلي علمود اخزن رقمج رغد ماشي رمشتله وكتب عنه خطيبتي مهند مع السلامه رغد الله وياك وطلع رغد بيني وبين نفسي شنو خجلان مني اشو لا باسني ولاودعني يمكن خجلان مو مشكله دخلي افوت لبيته واعاتبه واضحك بليل خابرني علاوي الوووو رغوده شلونج الف مبروك حبيبه والله فرحتلج
رغد مشكور علاوي يوم الالك
علاوي شوكت نخلص منج ان شاء الله العفو اقصد زواجج
رغد بغضب مبقى شي راح تتندم عالكلام الي تكوله الي شهر واحد ونتزوج وافتك منك
علاوي اكلج شهر مو هوايه ليش ما رحتي وياهم هسه
رغد اكلك انت لو تصرف عليه شتسوي يمكن تشمرني بالشارع
علاوي هههههه لا حبيبه شعندي غيرج رغوده والله يعز عليه فراكج
رغد دسكت لا تبجيني اني على شعره باقيه
علي الله يسعدج يالغاليه يلا تصبحين على خير
رغد وانت من اهله فوديتك خليت موبايلي عالشحن وعيني عليه كل ساعه اكول مهند راح يدك او يدز مسج خلص الليل واني انتضر لحد ما دخت ونمت عمتي من راحت انطتنا مهله شهر نكمل بيه نفسنا واصلا كالت اني كولشي مجهزه لا تكلفون نفسكم بس بابا مقبل مخله شي ما اشترالي حتى ذهب جابلي وخلال هذه الفتره كولش حبيته لمهند بالرغم كلامنا كان قليل والمرات الي يخابرني بيها تنعد بالاصابع بس هو كان طبعه ثكيل ومو مجامل واغلب كلامنا كان سلام وشنو محتاجه وشلون تردين العرس وشنو اغير بالشقه يعني يخلوا من الرومانسيه خلص الشهر واحنا على هالحال وملتهين بالتجهيز واجه يوم العرس
