وقررت احجي والي يصير خلي يصير بس خلي اشوفها على شنو جايه داكوم اشيل الصحون
مهند :لحضه رغد نريد نتكلم وياج بموضوع
رجعت الصحون وكعدت
رغد : اي عادي تفضل
مهند : باعي رغد من البدايه كان زواجنا بالغلط واني شرحتلج الوضع وتدرين بيه احبها لسحر من البدايه واحنا ضلمناج ويانا وما انكر صرتي ضحيه بس احنا نعتذر منج بس والله ما بيدنا حيله وهسه بعد سحر كملت دراستها واني بالبدايه كولت افاتحج انتي بالموضوع وبعدين افاتح امي خلاص احنا قررنا نتزوج وراح نبدي نغير باثاث البيت والعقد الي بينا راح نلغيه يعني راس الشهر الجاي راح نتطلك ونكون حررناج من العهد الي كان بينا وترجعين لحياتج الطبيعيه
طبعا احجي وياها وگلبي يتگطع عليها وبيبني وبين نفسي اكول مستحيل اعوفها لازم الگي حل واخليها اني ما اكدر اعيش من غيرها حبيبتي شفتها وجها تغير وحسيت بيها دمعت وتداري دموعها شگد احتقىت نفسي وبده گلبي يتگطع عليها
رغد تفاجئت كولش والدمعه فرت من عيني ياربي شنو هالضيم اشو السالفه عدهم عاديه قاطعته وحجيت
رغد : انت تفتهم شنو الي كاعد تكوله يعني هسه انتم السالفه عاديه انتم تدمرون حياتي وتخلوني بهالشكل
سحر :يعني شنو تردين بالضبط هو هذا كان اتفاقنا وياج وانتي قبلتي شنو الي تغير مثلا تردين فلوس نعرفج ماديه بس متوقعناج لهدرجه
رغد : بشنو مثلا تعوضيني فلوس الدنيا كولها متكفي تعويض تعوضيني عن شنو عن بداية شبابي لو على عرسي لو على فرحة عمري الي دستوها برجليكم وانتم ولا همكم اني منو يتزوجني من تطلكني لو واحد متزوج لو مطلك منو يقبل بيه بعد ما اكون مطلكه انتم راح تعيشون حياتكم واني الي تدمر حياتي
مهند صودك قهرتني وتمنيت احضنها واگولها ما اعوفج للموت بس الي صار صعب
مهند : والله اعتذر والله مكان قصدي حقج وكلامج كوله صحيح بس الحل شنو رغد
رغد : الحل عندك انت مهند وزمام الامور بيدك وانت المسئول عنا اثنينا
مهند : اني حاضر والي تردونه يصير شاركوني بحل ونتناقش بيه
رغد : خلاص اسمعوني اثنينكم الحل هو وماكو غيره ابقى اعيش وياكم والي حقوقي مثل سحر مثل ما الها الي وغير شي ما اقبل
سحر : شنو شنو شنو لا حبيبتي مو شفتينا ساكتين وما نحجي وانطيناج على مايج لا قلبي لهنا وخلصت مهمتج ولازم تولين لبيت اهلج
رغد : والله هذا القرار مو الج حبي مهند هو الي يقرر ودننتضر قرارك مهند بعد ما سكت
وضل يباوع عليه بنضرة اسف وشفقه
سحر :انت بشنو دتفكر ارمي عليها اليمين خليها تروح ونخلص
مهند خلونا نفكر بحل يرضي جميع الاطراف
رغد : ماكو غير هالحل واني باقيه باقيه رضيتوا او لا
سحر : انتي شنو هو بكيفج لعب جهال احنا متفقين وياج ست اشهر وخلاص خلصن ولازم ترجعين لاهلج
رغد : لا حبي دخول الحمام مو مثل خروجه هذاك اول هسه الوضع اختلف كدرتو تضلموني واني لوحدي بس هسه لا متكدرون
مهند : شنو تقصدين رغد انتي وحدج شنو هسه منو وياج
وعيونه تجدح نار
رغد : هسه الوضع اختلف لان اني حامل
وهنا كانت الصاعقه مهند نصدم وكعد وهي
سحر نهارت انتي كذابه انتي حقيره وكامت تصيح
سحر : يا كذاب يا خاين كنت ادري راح يصير شي بينكم والله حسيت بس كلت لا مستحيل مهند يخوني لان يحبني اني طلعت غشيمه واني صوجي صدكتك
مهند : لحضه سحر خلي نفتهم منو يكول تحجي صح
رغد بكل برود
رغد : لا حبيبي صح وهسه راجعه من المختبر وبشرني وانتم بكيفكم تصدكون او لا ميهمني اوكي
مهند شاف التحاليل وتاكد منها وسحر تخبلت بالاكثر وبده يعلى صوتها على مهند انت اكبر غشاش ما توقعتك وخاين ومن هالسوالف هو ساكت ميحجي لان نصدم وما عرف شنو يجاوب مهند اهدي شوي سحر خلينا نفكر بحل سحر وشنو الحل بنضرك وهي حامل وضلت ساعه مصدومه وتبجي وتصارخ على مهند ولا سكتت
رغد بصراحه برد گلبي خلي ينكسر غرورها وكبريائها خليها تعرف الناس ومشاعر الناس مو لعبه عدها خليها تبكي شوي ياما بكتني ونمت ودمعتي بعيني اول مره احس منتصره وبرغم كولشي محبيت يصير عندي هالشعور محبيت تتغير اخلاقي واكون قاسيه مثلهم ردت ابقى مثل ما اني الطيبه الخلوقه محبيت اكون مثلهم
