بك أكتمل

(9)

كان أدهم يقود سيارته متوجهاً لمنزل فتحية ووصل إلى مقدمة الشارع ، كان (على) واقفاً أمام مكتبه ورآه فنظر له نظرات مطولة حتى أكمل أدهم طريقة ثم اتصل بفتحية..
_فتحية :بقيت فين ؟
_أدهم :افتحى أنا أُدام الباب.
ترجل أدهم من السيارة وصعد درجتين أمام الباب لتفتح له الباب مبتسمة..
_فتحية :أزغرط
_أدهم :هو أنا بتجوز ،يلا هتوقفينى على الباب كتير.
_فتحية بعد أن أفسحت له الطريق :خُش(ادخل(.
وكادت أن تقفل الباب بعدما دخل ولكنها وجدت على يقف فى الجانب الآخر ظلت صامته قليلا وكان هو على وشك القدوم إليها فقفلت الباب بشدة..
_أدهم بعدما جلس :البيت هادى كده ليه !!
_فتحية :استنى لما سارة تصحى وهتلاقى البيت ولا جنينة القرود.
_فيه حد ينام للوقت.
_النهارده اجازة مفيش شغل.
_هى بتشتغل ؟
_أيوة فى شركات وحجات من دى.
_أدهم وقد اعتقد أنه وصل إلى مبتغاه وسيتأكد من شكوكه :بتشتغل إيه فى الشركات بالظبط.
_مش فاكرة أوى بس باين تعمل حاجة على كمبيوتر حجات من دى تنظم ديكورات كده.
_أدهم بعد أن خاب أمله :أها..
وقال لنفسه :مش هى ! يعنى كان لازم آجى كنت سألتها فى الكافيه وخلاص.
_طيب هقوم أعملك حاجة تشربها لحد ما سارة تصحى.
قالتها فتحية قبل أن تقوم وتتجه إلى المطبخ..
بعد قليل خرجت سارة من غرفتها وكان شعرها غير منظم وكأنها تكهربت وترتدى بيجامة عبارة عن شورت وچاكيت بنصف أكمام وتداعب شعرها بيديها.
_سارة وهى تتثائب :لوووزة عايزة أفطر
رأت أدهم أمامها وهو ينظر إليها بدهشة ففركت عينيها وقامت بقرص نفسها ظناً منها أنها ما زالت نائمة..وعندما تأكدت أنها لا تحلم صرخت بصوت عالى فقام هو بالصراخ أيضا حتى جاءت فتحية..
_فتحية : في ايه ؟!
_سارة وهى تشير إلى أدهم :ايه اللى جاب ده هنا ؟
_فتحية :ده أدهم اللي كنت قلتلك عليه.
اتسعت عينيها بصدمة فلم تتوقع أن أدهم صديق عمتها هو مديرها وهو ذات الشخص الذى قابلته فى الاسكندرية..
_سارة :ازاى!!
_فتحية :انتى عاملة فى نفسك كده ليه يا سارة ؟!
ثم أشارت عليها وعلى شعرها ،فلم يستطع أدهم أن يكتم قهقهاته فضحك عالياً فاستشاطت هى غضباً وكسا وجهها اللون الأحمر وولجت مسرعة لداخل غرفتها..
...
فى منزل أدهم..
_چودى :مكلمتنيش ليه وقلتيلى انه آخد بريك (استراحة) من الشغل
_مديحة :قلتله موافقش ولو كلمتك من غير ما يعرف هيزعل
_يوووه يا أنطى ساعدينى بقاا.
_بصراحة أنا زهقت منك ومنه كفاية بقا خلونى أفوق لنفسى ، من رأيى يا چودى تسيبك منه لأنه مش هيرجع يحبك تانى أدهم كبر خلاص.
_يعنى خلاص مش هتساعدينى.. أوكى أنا هتصرف.
لم ترد عليها مديحة فقامت بأخذ حقيبتها وعندما خرجت من الڤيلا أخذت هاتفها وضغطت على عدة أزرار ثم تحدثت..
_أيوة يا أيمن أنا فكرت فى كلامك و.. ووافقت.
انتظرت قليلا حتي يرد عليها ثم قالت :لا مفيش تأخير ولا حاجة
_أيمن :_____________.
_چودى :أيوة فكرت كويس أوى ومفيش حل غير كده.
_أيمن :_____________.
_چودى :تمام نتقابل هناك..باى
...
خرجت هايدى من الغرفة فوجدت أمينه بالمطبخ وبحثت بعينيها عن هشام ولكنها لم تجده فاتجهت لتقف مع أمينه..
_أمينه وهى تقلب الطعام :عايزة حاجة يا حبيبتى ؟
_لا شكرا،أنا زهقت بس فقلت أطلع أعمل أى حاجة..محتاجة أى مساعدة ؟
_بتعرفى تطبخى؟
_أجابت هايدى بتلعثم :اه.. لا.. يعنى
_شكلك خايبة ومش بتعرفى.
_بصراحه اه.. بس أنا عايزة أتعلم .
_أمينه :خلاص من هنا ورايح تقفى معايا في المطبخ.
_هايدى بسعادة :أووكى
_أمينه بابتسامه :يعنى مش بتعرفى تعملى حاجة خالص؟
_هشام كان علمنى أعمل مكرونه.
_أمينه بخباثه :وعلمك فين بقا.
_عنده فى...
صمتت وقد أدركت تسرعها .
_عنده فين ؟
_اا.. هو كان.. عارفه الحته دى بتاعه البتاع ده اللى هناك.
_أيوة البتاع عرفاه اللى هناك ده.
_هايدى بإبتسامه بلهاء :أيوة هو بالظبط.
_مسألتيش يعنى عليه ؟
_هايدى مدعيه عدم الفهم :هو مين ؟
_أمينه بضحكة :اللى من ساعة ما وقفتى وانتى بتدورى عليه
_ابتلعت هايدى ريقها ثم قالت :لا..م..مش فاهمه
_طيب خلاص ما دام مش عايزه تعرفى مش هقول
_لا خلاص ،هو فين ؟
_أمينه بابتسامه :قلتله يروح يجيب شويه فاكهه وبقيت الدوا بتاعك.
_أهااا
_وحشك بالسرعه دى
_هايدى وقد احمر وجهها :أنا ؟..لا عادى
_أنا هشغلك حاجه صعبه بس عشان عينيكى تحمر وتعيطى
_هايدى بدهشه :ليه ؟!
_أمينه :عشان لما ييجى ويلاقيكى بتعيطى تعرفى منه اللى انتى عيزاه وبالمره تساعدينى.
...
خرجت ساره مرتديه بنطال چينس وقميص من فوقه وعاقده شعرها للخلف على هيئه (ديل حصان ) ووقفت أمام أدهم بينما نظر هو وفتحيه لها وهما جالسين على الأريكه...
_ممكن تفهمنى ايه اللى جابك هنا ؟
قالت سارة بغضب..
_فتحيه :انتوا تعرفوا بعض ؟!
_ساره :ده صاحب الشركه اللى بشتغل فيها.
_فتحيه :فعلا الدنيا صغيره
_أدهم :احم طيب عن اذنكوا أنا...
_فتحيه :رايح فين استنى خليك هنا هحضر الأكل وإياك تقوم ، خليكى معاه يا ساره.
ذهبت فتحيه لتقوم بإعداد الطعام لتجلس ساره بجانب أدهم على الأريكه وتنظر إليه فينظر هو إليها..
_أدهم :بتبصيلى كده ليه ؟
_ساره :انت كنت عارف مش كده ؟
_أدهم :يعنى كنت شاكك ، بس الصدمه لما شفتك وانتى خارجه من الأوضه.
ثم ضحك عالياً ليغضبها
_دققت هى عيناها ثم قالت :هو أنا لو ضربتك ترفدنى
_أدهم :جربى لو عرفتى
_ساره بصوت خافت :واحد بارد
_نعم ؟
_مفيش ببرطم
_بيئه
...
بإحدى أركان السجن جلس بجانب الحائط يقوم بحفر خط آخر عليه حتى أتى له شخصاً آخر يجلس معه...
_عيد : بقالك يومين مأكلتش.
_عادل : هموت كل أما أفكر فى اللى حصلى.
_عيد : اجمد كده معدش غير شويه وتطلع تاخد حقك.
_هحرق قلبهم وهندمهم كلهم بالذات هى.
_طيب خد كُل عشان تخرج وانت جامد وتقدر تقف أدامهم دول ناس قادره.
لم يجب عليه وأخد الطعام منه وظل يأكل وهو يفكر بالانتقام فقط لا غير.
...
دخلت المقهى ووجدته ينتظرها فجلست أمامه..
_چودى :مفيش حد يساعدنى غيرك الوقت.
_عاد أيمن بظهره للخلف قائلا :تشربى إيه ؟
_أيمن لوسمحت..متوترنيش.
نادى أيمن على الجارسون وطلب له قهوه ولچودى عصير ليمون...
_روقى واهدى كده .. طبعا هو مش سائل فيكى.
_چودى وهى تزفر من الضيق :لا..
_دى حاجه طبيعيه بعد اللى عملتيه فيه انتى وكيمو حبيب القلب.
_كريم غار فى داهيه خلاص وراح فى داهية و مش بكلمه ولا اعرف عنه حاجه والموضوع انتهى.
_صمتا قليلاً ثم قال بخبث :طيب فكرى معايا نعمل ايه عشان أدهم يرجع لحضنك تانى وناخد منه اللى احنا عايزينه.
...
كانت هايدى تقطع شرائح البصل وتبكى لاحتراق عينيها ، حتى جاء هشام ليراها بهذه الهيئه وكأنه رأى مهرجاً فضحك لتنتبه هى له.
_هايدى وهى تمسح عيناها :بتضحك على ايه امشى كده.
_هشام ضاحكاً :بتعملى ايه كده !!
_هكون بعمل ايه يعنى
_بتقطعى البصل ده ليه.
_مامتك بدأت تستغلنى وتشغلنى.
_هشام وقد زادت ضحكته :وازاى توافق بنت الحسب والنسب.
_نظرت له بأعين محذره قبل أن تقول :انت بتهزر ابعد عنى أحسنلك انت السبب اصلا.
_أنا السبب !!
_أيوه هى قالتلى انى لازم أعيط عشان أسألك اللى انا عايزاه.
ابتسم هشام وجلس بجاورها ثم أبعد صحن البصل ومال على اذنيها حتى احمرت وجنتاها ليقول :المفروض متقوليليش هى قالتلك ايه.
_يووووه سيبنى فى حالى هو أنا ناقصاك خلينى أخلص.
_بقولك ايه انتى سيبك من البصل ده وأصلا بتقطعى غلط .. المهم ااا هى الحجه فين ؟!
_قالتلى انها مصدعه ودخلت تنام.
_هشام هامساً :طيب أنا كنت عايز أقولك حاجه.
_هايدى بتوتر :ااا..ايه؟!
_قام بإرجاع خصلة من شعرها خلف أذنها ليقول بصوت يملؤه كثير من الحب :وحشتينى..
ألجمتها كلمته فلم تستطع الكلام بعد ان ازداد احمرار وجهها وأخفضت عيناها خجلاً .
_هشام :مش بتردى ليه ؟!
_...........................
_انتى مش بتحبينى ؟
نظرت له سريعا بنظرات تحمل عتاب لما قال
_شفتى مبترديش أهوه يبقى مش...
_ضربته على كتفه ونهضت بغضب لتقول :قبل ما تتكلم كلام فارغ افهم انت بتقول ايه أول وأنا مخصماك ومش مكلماك تانى.
وأخذت الصحن وسارت إلى المطبخ لتعلو ثغره ابتسامه ويتبعها ثم يقف خلفها مستنداً على حافه منضده بآخر المطبخ...
_هشام منادياً لها :حبيبتى..
نظرت له من طرف عينيها ثم أكملت عملها ، فاقترب منها قليلا قائلاً :مش هتردى عليا يعنى ؟
وعندما لم تُجِب عليه اقترب منها وقام باحتضانها من الخلف لتشهق هى وتحاول إبعاده ولكنه أحكم قبضته عليها..
_هايدى محذرة :انت اتجننت ابعد عنى.
_تؤ.
_يا هشام ابعد عيب كده.
_أنا بموت فى حاجه اسمها عيب أنا قليل الأدب أصلا.
_ضحكت رغماً عنها :ههههه ابعد بقا يا هشام مامتك تشوفنا.
_وفيها ايه ماما مننا وعلينا.
_انت اتهبلت .. يالهوى ابعد بقا.
_طيب قولى انك بتحبينى.
_إجبار يعنى لا طبعا.
_خلاص خلينا كده وانا بصراحه مبسوط.
_يووووه يا حبيبى ابعد والله ما ينفع اللى بتعمله ده.
_إيه قلتى إيه ؟
_هايدى :إيه ؟!
_اللى انتى قلتيه الوقت.
_والله ما ينفع اللى بتعمله ده !
_لا لا اللى قبلها.
_هايدى مبتسمه وقد فهمت مقصده :يووووه !
_لا يا حبيبتى اللى انتى قلتيها فى النص بقا.
_حبيبتك ؟!
_انتى روحى وحبيبتى وكل حاجه بس عيديها تانى عشان خاطرى.
_ما تقوليها يا هايدوو.
قالتها أمينه ضاحكه ليبتعد هشام عن هايدى بخجل..
_أمينه وهى ترى صحن البصل :يالهوى على المنظر ده يتاكل ده.
_هايدى بإحراج :آسفه أنا ..اااا..بعد اذنكم.
لم تحتمل كميه الاحراج فأسرعت إلى غرفتها وأغلقت خلفها الباب..
_أمينه موجهة حديثها لهشام :هو ينفع اللى انت عملته ده.
_هشام وهو يقطم قطعة من التفاحه التى كانت بيده :عملت ايه ؟
_على الأقل استنى لما تتجوزوا.
_وبما انك بدأتى الموضوع هاااه امتى ؟!
_يالهوى على استعجالك طيب اصبر لحد ما نشوف أهلها ولا حاجه.
_أنا كل أهلها زى ما انتوا الاتنين كل أهلى.
_يابنى افهم....
قطع حديثها رنين جرس الباب ليذهب هشام ويفتحه..
...
تعلو القهقهات منزل فتحيه أثناء تناول الجميع للطعام..
_فتحيه ضاحكه :هههههه كله كوم وحته الأسانسير دى كوم تانى ههههههه.
_أدهم وهو يضحك هو الآخر :لا وايه تشتم فيا وعامله نفسها الشحات مبروك واول ما عرفت ان انا المدير بقت كتكوت مبلول.
_فتحيه :ههههه صحيح يا ساره محكتليش ليه.
_ساره منزعجه :أحكيلك ايه ..
ثم وجهت حديثها لأدهم :هو انت ناوى تنام عندنا.
_أدهم وهو يضع الطعام فى فمه :انتى بتطردينى بقا.