استمرت الايام وحياتهم نفس الروتين حتى نجح من السادس الابتدائي
ورجع احمد لأمه يركض للبيت يريده تشوف الشهاده
وهو بلطريق قريب بيته شاف 3 جنود وبيدهم اسلحه
اكيد مراح يكمل طريقه لان هو يحبهم توقف يم شجرة التين مال بيت ابو حمزه جوارينهم
الجنود دكوا باب بيت ابو زياد الي يبعد عنهم كم بيت بس وجانوا حيل اعصاب احمد بقه ساكت وره الشجره طلعلهم زياد ابنهم الولد الشاب بس هم دفعوا وفاتوا للبيت غصب عنه
وره شويه طلعوا وجانت وياهم ام زياد تصرخ وتصيح ساعدوني
بس منو يساعدهة اذا هم جنود الي اخذوهة؟؟؟
انصدم احمد من الي شافه وبقه واكف بمكانه خايف ومرعوب
وره ما راحوا ...........الجنود ويه ام زياد وشاف عائلته شلون تبجي بقت عليهة
هو هم نزلت دموعه
عزه ..... يمه انكطع كلبي عليك شتسوي هنا
اجتي امه واخذته لأحمد للبيت وهو بقه ذاك اليوم بس يفكر بلي شافه
امه جانت فرحانه بنجاحه ووزعت الحلو
بس هو اخذ وقته صافن ويفكر حتى صار الليل وسئل امه
يمه........
ها يبعد امك تريد شي؟
الجنود هم سيئين؟
لا يمه ليش سيئين هم يحمون الوطن
لعد اذا يحمون الوطن ليش اليوم اخذوا ام زياد وبقت العائله تبجي وراهه؟
ياحبيبي يايمه مو كل الناس تريد الخير النه ومو كل الناس كلوبهم صافيه ونقيه مثلك
اكو الي يريد يأذي الناس بحجه حماية الوطن واكو الي يدافع عن وطنه لحد اخر نفس بعمره
اي اني الثاني
يا ثاني ؟؟؟؟؟؟؟
الي يدافع عن وطنه لأخر نفس بعمره
اششششششش لا تعيده كلامك بعد اسمالله عليك ابني تريد تموتني وراك يلا نام حبيبي
..............................يتبع Me9q6at
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
