ليله ضلمه على بيت ام احمد صارت
لأول مره حست ام احمد ابنهة راح منهه بس ما قبل عقلهه يصدك الي صار وضلت تهدي بأسراء
وتكوللة لا راح يجينه بلعيد هو باجر يمنه لاتخافين يمه
احمد ما يعوفني
هو واعدني اسراء ما يعوفنه راح يرجعلنه
موبايل احمد انغلق .. وتتصل عليه ماكو
حتى اصدقائه ميجاوبون
هل ليلتين ما اجاهه النوم ام احمد كلبهه مشتعل نار على ابنهه
صار الصبح واول يوم العيد سمعت هوسه بلفرع مالتهم وباب اندكت
عرفت هذا خبر واجه احمد لبست حجابهه وعبايته وصاحت اسراء
اجه اجه وليدي
صوت قريب بابهم
"عريس وربعه يزفونه"
رغم ما ام احمد جانت تريد تفتح الباب حتى تشوف ابنهه رجع بس كلبه مامرتاح
احساسه صح...... فتحت الباب ولكت احمد
جابوا اصدقائه والفرع كوله مكلوب وياهم
رجعلهه احمد بس ما رجع عايش .
جابوا شهيد
واصدقائه والناس زفوا بتابوته لان ماصارله هواي على عرسه
هسه يمكن ارتاح احمد لان وفه بوعده تجاه بلده
راح بعيد عن امه ، عن مرته، وعن حياته
راح وعاف نقص وفراغ بلبيت ما يتعوض بغيره ابد
بقت امه دموعه بعينه ومرته مكسورة الخاطر ما بيدهه شي تسوي ،حبهه راح بغياب احمد
تبدلت صورته بلبيت وانكتب انا لله وانا اليه راجعون
وبقت قطعة السواد معلكه على الحايط بداية الفرع
الشهيد السعيد العريس كل مره امه تشوف القطعه روحهه تروح
ما ضل عدهه عقل ؛بقت كل يوم تكول جذب ويرجعلي وضاعت الأيام بنفس الصبر الي ما وراه نتيجه
شهيد الوطن ذكراه تبقه خالده طول العمر
مو اي بشر عادي
الشهيد الي ضحى بروحه في سبيل وطنه وعرضه
وحمايه الناس
ترك عائلته بألم يوم بعد يوم يزيد
وما ينقص حبه ابد
●●●●●●●●●●●●●●●●●●●●●●●النهايه.....
ستبقى ذكراكم خالده .......
شهيدا قد عبر● Me9q6at
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
