شهيدا قد عبر

محرم

الشهر الي ينتظره احمد بفارغ صبره كل سنه هو شهر محرم
شهر الاحزان حتى يشارك ويه المواكب ويخدم زوار ابا عبد الله الحسين عليه السلام
كل سنه ومن هو طفل بلأبتدائيه تعلم هذا الشيء
ومن يصير مجلس هو يكعد ويستمع ويه البقيه ودموعه تجري على واقعه الطف
هل سنه جان متحمس اكثر من السنين البقيه لان كبر وعبر الثانويه وكملهة بأمتياز وصار شاب يعتمد عليه لذالك متفق ويه اصدقائه حتى يرحون زياره لكربلاء مشي من الديوانيه

لكن احمد اتحير بشغله وهي شلون راح يقنع امه انو يروح مشي لكربلاء
وهي متفاركه ابد ودائما وياه وين ما يروح

احم يمه اريد اكولج شي

خير يمه كول

الولد راح يرحون مشي لكربلاء واني
.............. اني اريد اروح وياهم هم

شنوووووو تروح وحدك وطريق 3 ايام عزه
واعوفك مادري شنو يصير وياك ميصير لالالا يمه اكعد ولا تخلي بالي مشغول عليك اني ووياك نروح نزور ونرجع يلا حبيبي روح جيب صمون حتى نتعشى

.
امه لأحمد اكيد ما قبلت مثل ما جان يفكر
وما حجه اكثر وقنعه لان دائما هو ميناقشه بشي ويسكت يعرفه تخاف عليه هواي
راح طلع مثل موصته يشتري وهو ضايج ومابين عليه بس اكيد كلب الام يحس بكولشي يتعلق بأبنه عرفت هو ضاج بس شتسوي ما تكدر تعوفه وحده يروح ومشي من الديوانيه لكربلاء

هلا ام احمد شلونج عيني شخبارج

يا اهلا وسهلا بأم رحيم فوتي فوتي خيه ليش واكفه بلباب

ماكو هلايام ماتجينه كلت خل امر عليهة اشوفه واسلم

زارتنه البركه ام رحيم والله ملتهيه بهل عيشه هاي

شبيج خيه شو مبينه ضايجه احجيلي

احمد كسر كلبي يريد يروح وي الولد وماقبلت اني والله يا ام رحيم اخاف عليه من الهوه ماكدر اعوفه وحده يروح

يا خيه صدك جذب هو قابل رايح وحده يا ام احمد حته رحيم وياه وابو هم هو موكب كامل ويبقون سوه ومادام الولد من شبابه متمسك بهل طريق لا تعارضي واحمد اخلاق وحباب مايتصرف شي غلط وانتي خابري واتطمني عليه عود

والله ما ادري شكولج افكر

...........................يتبع Me9q6at