.........
اسف يمه ادري بيج راح تضوجين والله اسف لان سويت هاي الخطوه ورحت بس لأن ادري مراح تقبلين وتعوفيني اروح
طلعت بدون علمج ماراح اطول عليج يمه التحقت ويه الحشد الشعبي وسجلت اسمي ارجعلج كل اسبوعين وتشوفيني واوعدج ميصير بيه شي راح انتبه على نفسي
ما اكدر يمه اشوف الناس واصدقائي التحقوا واني كاعد بلبيت ادرس
المدرسه يايمه اكدر ارجعله بس نخلص من داعش بس اذا بقيت بلمدرسه ومارحت وياهم راح يبقه ضميري يأنبني
انتي الي علمتيني اسوي الصح وما عوف الغلط ينتشر انتي الي علمتيني ما اعوف احد محتاج مساعدتي ووطني محتاجني يمه هسه
اسف
ادري هسه انتي دتبجين ماكدرت اودعج لان مستحيل اشوف دموعج بس يايمه دعائج هو الي يحميني
وانتي هسه عصبيه وخايفه عليه راح اخابرج من اوصل اهدي وارتاحي
............................
جان اصعب يوم على ام احمد بقت تبجي ساعتين واجت يمهه ام رحيم وبقت تقنع بيهه بس هيه جانت خايفه على ابنهه هواي تعرف وتشوف الاخبار وشلون داعش يعذبون الناس وينتقمون منهم
بس رغم هذا بقت تدعيله طول الوقت وخابرهه وحجت وياه صح جانت زعلانه بس مثل طبعهه ماتغير كل شويه وتخابره وتتطمن عليه
رجع وره اسبوعين وكضه الاجازه ببيته
وجانت ام احمد طايره من الفرحه
شفتي يمه مابيه شي دعائج ويايه دائما
الله يحميك ينور عيوني ويبعد عنك كل شر
يتبع...........
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
