صح جان احمد مهتم بدراسته ويحبه
بس لان امه تريده يكمل وهو يسمع كلامه وميعاند
بس هو رغبته دائما معروفه جانت غير الدراسه
اجه العيد وراحوا يم بيت جدهم يعايدون لان العائله تجتمع هناك
كل الاخوه والاخوات يلتمون ببيت واحد بهذا اليوم
تشوفهم حيل فرحانيين وناسين كل همومهم يجتمعون يتذكرون ايام قبل وشبابهم وشلون كضوا
والاطفال تلتم يلعبون سوه ويشترون الحلويات من الصبح لحد الليل والمفرقعات
احمد جمع عيديته وما اشتره بيهة حلاوه ولا شيء ثاني وسئلوا الجهال يلا احمد تعال اشتري حتى ناكل سوه
بس هو عافهم وكاللهم شويه وارجع
اجه لامه بلبيت وهي شافته ركضت عبالهة بي شي
ها يمه شبيك شو ما مشتري شي احجيلي
ما بيه شي يمه بس صارت عندي عيديه هواي
اي يعمري هذا عيد روح واشتري الي يعجبك واتصرف بيهن
لا هاج اخذيهن واني راح اخذ شويه اشتري بيهن مسدس حتى العب ويه البقيه
يا يمه شسوي بيهن هذني الك يروحي
انتي ماعندج فلوس هواي تستفادين من عدهن
رغم صغر سنه والاطفال كولهة اشترت بفلوسه الأ هو رجع لأمه وضم الفلوس يمهة
لان يدري بيهة تصرف عليه هواي
بلكي ذني الفلوس تساعدهه ..... وباسهة وراح اشترى المسدس وهو طاير من الفرحه حتى يلعب ويه الاطفال وياخذ دور الضابط الي يلزم الحراميه
كلنه بصغر عمرنه تمنينه نوصل لمكان معين نصهم وصلوا وقدرهم انكتبلهم
ونصهم لا تغير قدرهم للاحسن واخذوا اكثر ما طلبوا
.......................... يتبع Me9q6at
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
