التحق احمد بس بقه باله يم امه وشنو راح تسوي ،كل شويه يطلع حجه ويسئلهه اذا راحت لو لا ،وحتى لا تبقي مشغول باله قررت تروح هي وتاخذ خواته الأثنين وياهه وتروح لبيت ابو مؤمل
اذا جانت قسمته هاي راح تمشي بسرعه ورب العالمين يسهل الطريق الهم ومن صدك صارت خطوبتهم بسرعه ووافقوا اهل البنيه والبنيه جانت فرحانه لان ما تلكه مثل احمد
اتفقوا العقد يصير من ينزل احمد وصارت المشيه وكملت على خير
يوم الأربعاء نزل احمد من الرمادي وحضر البيت والغراض وساعد امه وكل شويه يطلع للسوك ادزه امه على غراض
جان طاير من الفرحه وامه اكثر
عقدوا ثنينهم وطالعين طيور حب هلكد ما مبين الحب عليهم
الحب النقي الصافي الحقيقي الي قبل ليبدي بده بزواج يكمل حبهم طول العمر
احمد تعلق فتره الخطوبه اكثر واكثر بخطيبته اسراء
ماينتهي يومه قبل ليحجي وياهه
رب العالمين جان راضي عليه وحققله امنياته وحده وره الثانيه
رزقه بام عوضته عن نقص وجود ابو
وزوجه قدمتله الحب الطاهر
التحق وقرروا العرس يصير بعد اسبوعين يعني من يرجع
ازدادت الاوضاع اسوء واسوء وداعش احتلت على اكثر المناطق بلرمادي
ام احمد كل ما تتصل على احمد وتسئله عن وضعه
جان يكوللة هو بأمان ومكانه بلخلفيات مو يم الامامي يعني ما عليه شي
لذالك تتطمن عليه رغم قلقه الدائم
................. مرت الاسبوعين واتجهز كولشي لعرس احمد واسراء
جان يوم مميز واكثر يوم ام احمد فرحانه بي
لان اجه اليوم الي تشوف ابنه عريس ومرتاح
واحمد لابس ملابس العرس وحضن امه
لان بدونهه ما جان وصل لهذا اليوم ولا المكان الي هو بي
...................... يوم خميس والهلاهل والفرح ببيت ابو احمد وزفوا اصدقائه وعمامه
.........عريس وربعه يزفووونه
يتبع..............
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
