اتزوج احمد وصارت عائلتهم متكونه من 3 افراد
اسراء بنيه ماكو منهه وحبابه وتساعد امه بلبيت
واحمد بقه نفسه مطيع لامه وماتغيرت بتصرفاته اي شي
اخذ اجازه ويه اجازته الاسبوعين والامر قبل ينطي اسبوعين بعد لان يحبه وما شاف منه تقصير بيوم
لذالك كاله روح وهدية عرسك اسبوعين اجازه
وره هذا الشهر خابروا احمد كالوله القياده محتاجه جنود ولازم تلتحق
ما قبلت امه يروح ولا اسراء
ما صارله شهر من تزوج بس هو اصر ييروح لان راح تخلص اجازته وطلبوا
اوف يايمه هسه الا يروح وابقه قلقه هيج ليش طلبوا بسرعه اكيد اكو خطر اكثر هناك
اسراء:والله ياعمه هواي حجيت وقنعته بس تعرفي لاحمد شكد عنودي ويه سالفه التحاقه
ادعي ويايه الله يرجعه بسلامه
امين يارب
................................................
اسبوع ونص واحمد اتصالاته ويه اهله قلت كلما اسراء تسئله جان يكول اله مشغول بس لا يضل بالكم ما بيه شي
رن موبايل ام احمد .......
الو
الو ها شلونج خاله ام احمد
هلا خاله رحيم .... خيرك شبي صوتك
خاله احنه جايين بلطريق حضري مكان لاحمد
شنو مافهمت خاله
احمد تصوب بس الحمد لله مابي شي وجايبه وجاي للبيت لاتخافين
شنوووووووووووووو ؟
وكع الموبايل من ام احمد وره ما صاحت
اجت اسراء ماتعرف شبيهه عمته بس تبجي وتصيح احمد
عمه احجيلي شبي احمد
عمه الله يخليج شبي
اوف يايمه مو كتلك لا تروح عني ياروحي شلون تصاوبت يمه وتحملت الالم اريد ابني هسه
لبست عبايته وطلعت تركض بلباب تبجي وحالته حاله
واسراء كعدت من الصدمه تبجي وتصرخ
صار العصر وجابوا لاحمد مصوب ببطنه وامه ما سكتت ابد ومرته هم
بقوا اصدقائه يمه لحد ما صار الليل وراحوا
يلا كدرت اسراء تشوفه
اجت يمه هو وامه وبس يبجن
كعد هو وعدل مكانه شوي
اللي يشوفجن هسه يكول اني متت شبيجن بس تبجن مابيه شي
..............
يتبع....
أنت تقرأ
شهيدا قد عبر
Historical Fictionما كل ذاك العطر لابد ان شهيدا قد عبر❤🏳 روايه واقعيه.... لأحداث حقيقيه مؤلمه ""جميعنا نتمنى الشهاده لكن من الذي ينالها؟؟"" تابعوا 👇👇👇👇👇👇✒✒✒✒✒ السرد والحوار في اللغه العراقيه (العاميه) احتراما لحادثتها 🌼ولأن الرواي...
