شهيدا قد عبر

14

🔖كافي يايمه تعارضيني عوفيني اروح.

ماتروح بعد احمد يمه الله ستر ،وعدت هاي على خير.
ماتخاف على امك ،لو مرتك شيصير بيهه مافكرت يمه العن الشيطان وابقه ماصارلك اسبوعين من تصاوبت تريد تحرك كلبي مره ثانيه .

يمه مايصير بيه شي انتن بس ادعن الي
الله الحافظ ،وان شاء الله منتصرين

الله وياج يمه ،اسراء ديربالج على امي والبيت بأمانتج

الله وياك ؛الله يحميك

التحق احمد وره ما اخذ اجازه شهر ويه اجازته حتى يتعافى .
التحق وماقبل يبقه بلبيت بس لأن تصاوب .
تأزمت الاوضاع بلرمادي وكثروا الشهداء
وما تسمع ام احمد واسراء غير الصراخ والبجي يعرفن اجه شهيد للمنطقه .

مرت الأيام واحمد يجي ويروح وعايشين حياتهم .

حتى برمضان امه جانت تحضرله اكل اله ولأصدقائه لان هناك ميكدرون يسوون فطور الهم

اخر يومين برمضان احمد يخلص التحاقه وينزل بأجازه حتى اول يوم العيد يم اهله .

خابر امه واسراء وبقوا يضحكون وتحظر امه تجهيزات العيد حتى تستقبل احمد هيه ومرته

بليل خابر امه وجان صوته قلق وصوت الرمي قريب يمه ماحجه هواي بس كاللة ..

يمه سامحيني خاف ما ارجع
ديربالج على مرتي ،حاصرونه داعش وعددنه قليل ونصهم شردوا يايمه بس احنه بقينه ندافع

عززززززه ولك يمه عوفهم واشرد ويه البقيه احمد

لا يمه ما اجيت لهنا حتى اشرد

اشهد ان لا اله الأ الله . واشهد ان محمدا رسول الله

الوووووووو... يمه احمد وينك وليدي

............. يتبع