Mga Tulang Walang Patutunguhan

Mulat

Ito ang tula

Para sa hindi tinadhana

Kung bakit ang lahat

Ay nawala nang parang bula, nang ako'y namulat

Ngunit ngayo'y alam ko na ang ugat,

Alam ko na , kung bakit hindi pa sapat

Hindi pa sapat, ang lahat ng aking pinagtapat.

Ngunit bago ang lahat,

Bago ko talikuran ang bawat sugat

Bawat luha

Bawat pagtitiis

Bawat pagtitimpi

Bawat pagtangis

Bawat paghabol

Bawat gabing pag-iisip kung anong nagawa

At kung anong pang pwede magawa

Para lamang masalba itong pagmamahalan

Na akala natin ay walang hanggan

Ay mabilis lang din naman palang tatapusin

Ang pagmamahalan nating bitin

Sa kabila ng lahat, nais kong sabihin

Na huwag mo sanang akalain

Na ang pagpapaalam ko ay puno lamang ng pait

Ng pait, galit, at sakit

Kaya ngayon, ako'y magpapaalam.

Magpapaalam ng may ngiti,

Paalam sa mga birong tayong dalawa lamang ang nakakaintindi.

Hindi kong makakalimutan ang ngiti sa iyong labi.

Paalam sa paminsan minsan nating paglabas at pagtakas,

Mula sa tanikala ng aking pagkataong marahas.

Paalam sa paminsang-minsang kamustahan,

Ang pag-uusap nating tila walang hanggan.

Paalam sa mga maiikling diskusyon at debate,

Akala ko sa piling mo, ako na ang pinakamaswerteng babae.

At higit sa lahat,

Paalam.

Paalam sa mga munting ala -ala

Na alam kong kahit kailan ay hindi na mauulit pa.

Kaya, kahit masakit,

Kahit naninikip ang aking dibdib, puso'y tila unti unting napupunit,

Kahit alam kong mahirap,

Mahirap dahil kahit saan ako titingin, ikaw ang aking nakikita

Kahit pakiramdam ko na ako'y dinaya

Dinaya ng pakakataon at tadhana

Sa larong ikaw at ako

Ikaw at ako ang laging talo.

Nais kong sa ating muling pagkikita,

At makikita kong kasama mo siya

Gusto kong makita ang iyong ngiti

Ang ngiting aking minahal

Ang ngiti, na dati rati'y ako lang ang nakakakita

Na walang pinagsisisihan.

Na walang pinagsisisihan.

At sa susunod na muli ka niyang iwan,

Para mo nang awa, gawin mo na ang lahat maliban

Maliban sa paghahanap ng panakip butas

Panakip butas sa puso mong puno ng gasgas

At sugat sa pagmamahal sa maling oras

sa maling tao, sa maling landas

Gaya ng pag-ibig nating minalas

Ngunit,

Sa lahat n gating pagkakamali, ito ang alam kong tama,

Ang pakawalan ka't pabalikin ka sa kanya

Dahil sa kanya, alam kong pareho tayong mas magiging masaya,

Ikaw, sa piling niya,

At ako, ako na ngayo'y malaya

At gigising sa umaga,

At maghihintay parang sa taong, para sa kanya,

ako naman ang una.

Paalam.