Mga Tulang Walang Patutunguhan

hiatus// day 1

DAY1//021918

Kay tagal kong pinag-iisipan

Ang kawalan, kay tagal ko na ring minamasdan

Napakaraming tanong na naglalaro sa isip

Ngunit isa lang ang malinaw na sagot; hindi na ito panaginip

Tunay na naging nakakatawa't nakakabwisit man din

Di ko sukat akalain na hanggang dito'y makararating

Ang problemang akala ko'y isang malaking kalokohan

Ngayo'y napakalala't di ko na magawan ng paraan

Pero ngayon ko lang din natutunan at hindi mali

Na ang magulang, pwede ring maging makasarili

Na masakit palang umiyak para baguhin ang kanilang batas

Lalo na para sa taong di mo naman talaga kilala ng mahabang oras

Kaya ngayo'y ako'y sumusulat

Sa klaseng ang guro'y tila nagugulat

Kung bakit raw lahat kami'y pagod at nanghihina

Natatawa na lang kami't umiiling-iling dahil ang dahila'y siya

//extended 8:07 pm//

Ang pagkakaibiga'y wala sa haba ng oras

Sa kasarian, sa estado ng buhay, o pagkahilig sa patatas

Gayumpaman, ipagpaumanhin mo na ang masalimuot kong pagkatao

At nadawit ka sa gulo ng aking maliit at magulong mundo

-----------------

Ako noo'y nangako sa aking sarili:

Araw-araw ay gagagawa ng tulang maiikli;

Itutuloy ang pagsusulat sa mga kwentong paulit ulit kong di masimulan;

Mag-ensayo ng pagguhit sa aking mga munting paraan;

Ilibre ang sarili tuwing lunes, miyerkules at biyernes, ngunit mag-impok din;

Tuwing martes at huwebes, pumunta sa pader na may umaagos tubig ay huwag kalimutin;

Kausapin ang aking matagal kong matalik na kaibigan,

Sabi nila, akala niya'y ako'y nagtatampo, ako sana'y pagpasensiyahan;

Na kompletuhin ang aking mga sulatin sa kwaderno,

Magbasa ng dalawang libro,

Mag-aral ng mas maaga;

Manood muli ng anime at magbasa ng mga manga. owo

Higit sa lahat,

Matutong magtiwala, kahit sila'y salat

Sa pakikinig sa aking mga paliwanag.

Sa loob ng isang lingo, ako'y nagpapagpag

At umaasa na maayos muli ang aking sarili

At ang takbo ng mga pangyayari

------------------