نهي كانت باعدة نفسا تماما عن العلاقات لانها بتخاف شديد من العواقب البتنتج عنها .
لاقت مرام وفاطمة. ومشو المحاضرة ورجعت البيت. وفي اليوم التاني كان الاستقبال في المنتزه طلعت من البيت ودقت لي مرام قالت ليها لسه ماجهزتي ياالله اطلعي سريع وكانت قريبه من بيتم رجعت وبقت منتظرة مرام. شويه ومرام دقت ليها قالت ليها اطلعي. شالت المرايه قالت كدي اشوف المكياج ظابط عاينت لي نفسا كدا وقالت في سرها (والله يانهي ولا الاميرة سندريلا وضحكت ) طلعت لاقت مرام وسلمت عليها نهي قالت لي مرام اها فطوم وين قالت ليها قالت حتتاخر شويه
وصلو الاستقبال واكيد هي كانت احلي البنات في واحد معجب بيها شديد من سنه اولي واسمو عاصم
قررعاصم انو يتكلم معاها ويقول ليها الفي قلبو كلو وفعلا
عاصم: نهي والله انا معجب بيك شديد
نهي:بس انت عارف اني مابحب نوع الكلام دا ولا بفكر فيه
عاصم: بس انا بحبك
نهي: اسفه والله. بس المواضيع دي انا قافله بابا نهائي ومشت خلت عاصم واقف
جات لي مرام متوترة وحكت ليها الحاصل. شويه كدا والاستقبال انتهي. طلعو نهي ومرام وفاطمة ماشين البيت. وسمعو زول بنادي ليهم مرام اتلفتت قالت لي نهي دا عاصم نهي 😱😱😱عاصم داير شنو تاني .......
يتبع ......
