نهي بتتكلم مع نفسا(سبحان الله اسي كنته بفكر فيك وجيت ابن الحلال عند ذكروا يبان بقت بتعاين ليه) مازن السلام عليكم ياشباب وجاء قعد قدام نهي وهي كانت مبسوطه شديد وبقو يتونسو كلهم مع بعض واخر انبساط ونهي بتعاين ليهم كدا شافت نملة🐜 ماشة في كتف مازن ومن غير ماتحس لقت نفسا بتنضفا من كتفو قبل عاين ليها وعينو وقعت جوا عينا قالت ليه نملة 🐜ابتسم ليها وقبل بقت هي حاسة بي حاجه بس ماعارفاها شنو ...
خلصو الونسة وزمن الرجعه جا قاموا كلهم مشو كداري لحدي السوق ومازن قال ليهم يلا كلكم شيلو ارقام بعض بس اكيد عشان يصل لي رقم نهي واتبادلو الارقام وكل زول مشي علي بيتو. ..
نهي وصلت البيت وكانت مبسوووووووطة شديد مشت لي امها في المطبخ حضنتا وباستا وقالت ليها ماما انا الليله مبسوطة شديد امها قالت ليها ياربي يابتي تفضلي مبسوطة طول حياتك وطلعت نهي مشت غرفتا ختت التلفون في الشاحن ومشت استحمت وغيرت وجات لقت تلفون بدق ماكانت متوقعه انو مازن يدق ليها. عاين للتلفون مسافة بتتأكد هل دا حقيقه ولا خيال ردت علي التلفون .....
نهي:الو
مازن :اهلين نهي كيفك وصلتي كيف حبيت اطمن عليك
نهي:مبسوطه شديد انا تمام والله وانت حصلته كيف وناس بيتكم تمام
مازن:الحمد لله كلهم كويسين .. الحمد لله نهي انا كنته عايزك في موضوع ضروري ضروري...
نهي:خير في شنو كدي احكي لي
مازن: ماينفع بالتلفون .....رايك شنو بكرا نتلاقي ..انتي مش جاية ..
نهي :اي جايه عندي محاضرة ...يعني ضروري الا تقول لي الموضوع بكرة.
مازن : اي الا الاقيك بكرة واوريك الحاصل. خلاص نتلاقي في الكافيتريا .....ضروري.
يتبع........
