وفي اثناء الكلام ....جات ام نهي داخلة ...مبسوطة قالت لي نهي اتقدم ليك عريس ومن اهلنا ....وابوك وافق مبدئيا ......نهي نطت من السرير شنو ....ابوي وافق ....اي يابتي مالك في شنو .....وافق من غير ماياخد رائي .....قبل ماتقولي اي شي يانهي يابتي انتي بترضي كلمت ابوك تقع واطا ...بتكسري خاطر ابوك عشان ماسألك من رائيك وهو بعرف مصلحتك اكتر منك ....نهي سكتت مسافه .....وقالت في نفسا انا لازم ادي مازن درس .....وقبلت علي امها وقالت ليها خلاص انا موافقه ....والعريس جا وشافتو وقبلت بيهو واتخطبو لي بعض .....بعد مازن عرف الخبر مسكتو الناريه ....وبقا باي طريبه عايز يصل لي نهي .....ولي درجة انو رسل رؤي اي نهي عشان يرجع ليها .... طبعا رؤي بقا ليها مازن مسيخ بعد مانهي اتخطبت .... وقررت انو تخرب خطوبة نهي ..... واول شي عملتو دقت لي نهي تلفون .....نهي مستغربة رؤي اهلين كيفك .....رؤي طوالي عملت نفسا بتبكي وتتاسف لي نهي وانها ماكانت قاصدة تفرق بينا وبين مازن ....وقعدت تترجاها انها ترجع لي مازن ..... وبعد مكالمة طويلة قدرت تقنعا انها ترجع ليهو ...... بس ماعشان انها اقتنعت بي حنك رؤي ....لكن لانها فعلا مابتقدر تبعد عن مازن ....ومامتخيلة حياتا بدونو .......نهي بقت مابترد علي خطيبا وكل يوم في مشاكل ...... وبقا مازن يتصل عليها يوميا وبتكلم معاها بالساعات ..... كأنهم رجعو بالزمن لي وراء ....بس اكيد المراية لما تتكسر مابترجع زي ماكانت ..... ومرت الشهور وقرب زمن العرس ..... ونهي مالاقية طريقة تتخلص من خطيبا .....ومازن مزازيها في الموضوع دا .....بقت تتسب علي خطيبا وتعمل معاهو مساكل لحدي ما في يوم من الايام قررت تتخلص منو نهائي فعملت شنو ........شالت التلفون حقها ودخلت شريحه قديمة كانت عندها ...... وقعدت تحت الشجرة الجنب الباب (مابرا في الشارع ....الشجرة برا بس الفروع حبتا داخل البيت .....يعني مضلله جوا البيت )قعدت تحت الشجرة ...وبقت تتكتب في رسالة محتواها في الحلقة القادمة
يتبع.....
