نهي بقت تفكر 🤔🤔🤔🤔ياربي داير مني شنو انا ياداب لاقيتو امس. وقضت الليل بتفكر في الموضوع شنو وبقت ماقادرة تنوم اصبحت الواطة وقامت نهي الساعه 9 لبست وجهزت قالت كدي امش الجامعه اول شي الاقي فطوم ومرام لبست واتظبطت طبعا علي غير العادة بقت قشطة بس وبقت مارقه ودعت امها وقالت ليها تدعي ليها وطلعت وهي ماشه في االشارع دقت لي فطوم وين انتو فطوم في الجامعه ولا البيت
فطوم نحنا في الجامعه خلاص 10 دقايق واكون معاكم. دايراك انتي ومرام ضروري مرت العشرة دقايق. ومثنهي كانت قدام فطوم ومرام سلمت عليهم وهم طبعا متشوقين يعرفو الحاصل قالت ليهم نهي كدي ارح نشرب جبنتنا مه منويه وبحكي ليكم بمزاج
بعد وصلو مرام قالت ليها اها يامرض قولي نهي بقت تحكي ليهم (ورتم الحاصل من طق طق للسلام عليكم ) اها رايكم شنو لحظات ومازن دق ليها اها يانهي جيتي ولا اديتيني ماسورة
نهي لا لا جيت كيف اديك ماسورة انا بتاعت مواسير برضو وضحكو 😂😂😂خلاص انا منتظرك في المكان الاتفقنا عليه وقفلو
نهي : واي يابنات انا متوترة شديد. ماعارفه اعمل شنو ولا اقول شنو
مرام ماتخافي نحنا معاك وانتي عارفه كدا
نهي مبسوطة يعني حتمشو معاي ☺☺☺☺☺
فطوم لا لا بس حنكون قراب منك. وماتشطحي مع الونسه وتنسي المحاضرة
نهي :لا لا ماتخافو اصلا انا ماعارفه اقول شنو عشان كدا ماحاطول معاهو خلاص يلا انا بمش عشان هو منتظرني وماحلوة اتاخر عليهو يلا باي ومشت الكافتيريا لاقت مازن
مازن من شافا لمن انبسط وقام لم عليها وانتظر لمن قعدت حتي هو قعد بقا يتونس معاها ولقو نفسم منسجمين شديد لحدي مازمن المحاضرة جا وهم ماجايبين خبر. مرام دقت لي نهي وذكرتا بالمحاضرة
نهي اها يامازن ماحكيت لي الموضوع شنو عشان المحاضرة بدت ...
مازن والله من قبيل داير احكي بس ماقادر خلاص اقول ليك فهم انتي امشي المحاضرة وانا بعدين برسل ليك رسالة بالموضوع وبنتظر ردك تمام
نهي بعد طول تفكير طيب خلاص بس ماتعلقني
مازن اكيد بمجرد ماتنتهي وتحصلي البيت بتلقي الرسالة وصلت ...
نهي خلاص تمام واستاذنت منو ومشت. لاقت حبيباتا ةثومشو المحاضرة وبمجرد ماوصلت البيت بقت تعاين للتلفون وطال الانتظار قالت خلاص امش الحمام استحما واجي ختت التلفون في الشاحن ومشت ...
وبمجرد ماجات راجعه لقت رسالة من مازن كاتب ليها فيها كلام خلها مصدومة وبقت فاتحه خشما 😮😮😮😮😮😮😮😮
يتبع.....
