( بحبك) داكان مضمون الرساله ونهي بقت مصدومة وماعارفه ترد تقول شنو .....
بقت متوترة وقالت احسن شي اوري فطوم ومرام ...
دقت لي فطوم مابترد بقت تفكر ياربي اعمل شنو ...واقول شنو
وبهناك مازن منتظر الرد وكان خايف من انها ترفض حبو ليها لانو اتعلق بيها شديد ....وبقا يفكر ياربي في شنو نهي لي اتاخرت في الرد وبقت علامات التوتر ظاهرة في وشو ....استغفر وقال في نفسو كدي النصبر حبه امكن لسة ماقرت الرسالة وبقا منتظر ......
اما نهي ماعرفت ترد تقول ليهو شنو وفجأة تلفون نهي دقا وردت من غير ماتعاين للمتصل منو ......
نهي :الو
عاصم :نهي كيفك
نهي :منو
عاصم :معاك عاصم يانهي
نهي:اهلين كيفك تمام
عاصم:الحمد لله وانتي كيف
نهي:تمام والله وهي في اللحظة دي بتفكر في مازن
عاصم:ممكن اعرف لي رفضتي حبي ليك
نهي:تاني رجعنا لي نفس الموضوع ياعاصم انا وريتك اسبابي وانا حرة ياخي هو بالغصب
عاصم:مزعوج لا مابالغصب بس اوعدك انك حتندمي علي رفضك لي وبتشوفي
نهي: بتهددني طيب اسمع كلامي دا كويس وافهمو ......
يتبع ....
