(الرقم الذي طلبته مشغول الان الرجاء الانتظار او المحاولة لاحقا) بس نهي من غير ماتحس دموعا جرن .... بخدعني بقفل مني وبدق ليها .... يعني يعملني زي الاطفال ينومني ويجر لحضنا هي ....ااااااه انا من غدرك وقدر الزمان يامازن ..... خربتا حياتي واستقراري عشانك .... انا الغبية ...... وقبل ماتم الكلام بينا وبين نفسا مازن رجع ليها .... ونهي تشيل وتبكي ...وماقادرة توفق دموعا لحدي ماالشمس شرقت ....قامت وعيونا ورمانه ....امها سالتا مالك يابتي في شنو ...ماف حاجه ياامي امبارح مانمته .... ومشت الحمام وجات لبست وطلعت .... واثناء ماهي ماشا في الشارع وبتفكر في مازن .... وماواعية بي شي لحدي مافاقت علي صوت العربيه بتضرب ليها بوري .... اتخطت العربية جاموتر من وين ماعارفه ضربا ليك ... تاني ماوعت بي اي شي ومرو عليها تلاته اسابيع وهي في المستشفي في غيبوبة ولما وعت .... اول اسم علي خشما ....مازن ...مازن ... ليه عملته فيني كدا ...... والدموع في عيونا .... امها كانت نايمة جنبها ... زي الساعه 2كدا نفس الوقت الرجعت فيهو لي مازن قبل الحادث .... صحت امها بي كوراكا وهي بتقول ماازن ليه عملته فيني كدا ...... يابتي ماللك اصحي اوعي مالك ومازن دا منو ..... امي ... امي .... نعم يابتي .... امي احضنيني .... امها حضنتا .... وبقت تبكي معاها .... نهي قالت ليها دا مازن الحكيت ليك عنو .... معانا في الجامعه ..... اها يابتي اي اتذكرتو مالو مازن .... بقت تحكي ليها عن الحصل كلو .... من طق طق للسلام عليكم .... امها قشت ليها دموعا وقالت ليها ... يابتي عايزاك تقتنعي بي حاجا واحدة بس .... انو الرجال ديل زي .... زي شنو اقول ليك ...اها زي عجنت البسكويت .... معجونين بي مقادير معينة .... ومخبوزين بي اشكال مختلفه ..... نادر ماتلقي ود الحال البجي لحدي البيت .... ودايرة اقول ليك حاجه واحدة اقتنعي بيها ..... كل زول قسمتو مكتوبة ومابفوتا ... ونصيحتي ليك ..ماتباري الحب والكلام الفارغ ..... سيد قسمتك بجيك لحدي البيت ..... عشان كدا تابعي قرايتك وانتظري سيد حلالك ... وماتقعي في الحب والكلام الفارغ دا .... نهي هدت شوية وقالت لي امها اوعدك اني تاني مااغلط غلط زي دا ..... وانتظر قسمتي بس ..... بس ياامي انا مابقدر انسي مازن بالسهولة دي .....وبقت عايشة في نفسيات لحدي ماحبة حبه بقا عادي عندها غياب مازن .... وسمعت اغنية بتقول (وجعت قلبي بس الوجع حيخف مش باديك حتعيش في قلبي بس الوجع حيلف ويرجع ليك ...... الوجع عمرو مابيعيش بالسنين وقت الوجع مايزيدش اكتر من يومين ) واكيد في حاجات كتيرة في نهي اتغيرت .... وبقا مؤمنه بانو البجيبو ليها الله فيهو الخير اكيد .....
وصية ليكم يابنوت ماتثقو في الناس ثبه عمياء وماتدو ولد كل الاهتمام والحب الفي قلبك عشان ماتتعبي وتتعذبي زي نهي وامكن اكتر منها ..
....... الـنـهـايـة ........
