#Sarab
وهو هم فرحته ماتنوصف...كلشي بسرعة صار وجهزنا المشتمل الي راح نعيش بيه ....بعد شهر صار العرس. كان يوم حلو كلش كلش ولا حفلات الف ليلة وليلة....كلشي جان مميز ومثالي البدلة التنظيم التصوير وترتيب القاعة...وبصراحة حسام مافارك بالي ولا لحظة.
خلص العرس زفونا لبيتنا ...دخلنا اني جنت استحي كلش عبالك اول مرة اشوف غزوان بس هو لا بالعكس حاول أن يشيل المستحى مني...اول شي سويناه اتوضينا وصلينا وغزوان قرأ قران بصوت ...وصوته جان كلش حلو...
ليلتها دعيت ربي يساعدني اصير زوجة وام صالحة ويسخرلي غزوان ويصير هو كلشي بحياتي....لأن هو ماأله ذنب بقصتي الي ماانكتبلها تكمل مع حسام
الصبح اشو غزوان صحاني
_ حياتي امان يلا كومي
اني بصراحة فزيت
_كلتله خير غزوان شكو مغبش....
_كال مسويلج مفاجأة راح نروح لمكان
_ كتله بس اني مامتحضرة شاخذ ويايا
_كال كلشي جاهز بس انتي كومي بدلي واتحضري
شكد حاولت ماكالي وين ...المهم بدلت واترتبت طلعنا بجنطة صغيرة مبينة شغلة ليلة وحدة...طلعت لكيت عمي وبان وعمتي ينتظروني باركولنا وهلهلت عمتي وطشت جكليت ع راسنا وصعدنا السيارة ومحد يقبل يكلي وين...طلعنا الطريق شفت هذا الطريق يتجه لكركوك استغربت
_كلت وين رايحين غزوان الله يخليك
_كال اريد ارجعج لاهلج اكللهم البضاعة مضروبة
ويضحك ويصنف ...ههههه صدك ضحكني..وصلنا كركوك نزلوا عمي وعمتي وبان ...سلمنا عليهم وودعناهم وكملنا طريقنا الطريق هذا مال أربيل دخلنا اربيل وظلينا لحد ماوصلنا للمطار ودخلنا
_كتله غزوان وهسه ؟؟
_كال اسبوع عسل راح نكضيها بتركيا شنو رايج
طبعا كلش فرحت ولزم ايدي ودخلنا وكملنا اوراقنا وصعدنا بصراحة بالبداية خفت لان اول مرة اصعد طيارة وبالطريق ظل يضحك عليا هههههه لان اني بالمطبات الهوائية جنت اكول هاي طسةً وجنت اخاف واحضنه من الخوف ...
وصلنا
_كال اصدقائي اهنا عايشين حاجزيلي باسطنبول باقسراي اتصور المنطقة جان اسمها فندق زاده جانت شقه حلوة ومريحة ومفروشة اسبوع كلش كلش اتونسنا ماخله بنفسي شي ومن شافني متونسة كال نمدد الإجازة بعد اسبوع ونكمل اني جان بالي يم محاضراتي هو كال اني اساعدج جانت اكو هواي حدائق بذيج المنطقة بالليل الناس جانت تفرش تنام بيها واكثرهم عراقيين للأسف ومن سألناهم كالوا احنا ماجايين نستقر اهنا لهذا مااجرنا شقه نبات اهنا لحد مايتصل المهرب وينطينا الموعد حتى نطلع بالبحر كلما جنت اشوفهم گلبي ينغزني اذكر حسام واكول ياترى هم بات اهنا وشاف هالبهذلة...وراها الهي نفسي واتناسى....رجعنا ومرت الايام..خلصت امتحاناتي ونجحت بفضل الله ومساعدة غزوان جان حباب كلش ويحبني ويخاف عليا طبعه حلو يطلعني يونسني يشتريلي وكلما يصيرله مجال ياخذني لاهلي بدون مااني أكله...وبابا يسألني هابنتي مرتاحة أكله كلش باباتي لايظل بالك وكلما اروح ايهم يسألني امان شخبار بأن واحجيله....يتونس يسمع اخبارها السيد العاطفي
صرت ثالث والله انعم عليا بالحمل
اول ماطلع نتجية التحليل اجوي عمي وعمتي غزوان مبشرهم فرحانين لاخر درجة باول حفيد.... أصروا اكعد وياهم هالفترة
حتى لا اتعب ويا الدوام لحد مااجيب....اني ماجنت احب بس غزوان هم ايدهم كلت يلا بكيفكم....يوم بعد يوم وشهر بعد شهر بطني تكبر جنت حابة اسوي سونار اعرف جنس الطفل بس غزوان ماجان يقبل....فحددنا اسمين للولد وبنت مال بكيفج حددي انتي اني خليت أبالي سرى وسند....اكيد اتذكرتوا منين جبت هالأسماء...اي اي الاسماء الي جنا اني وحسام لأولادنا محدديها ...وصار موعد الولادة وجبت عملية والحمدلله صار عندي سرى نورت دنياي وفرح بيها غزوان واهله بجوا من الفرح....وصار وقت الامتحانات وساعدوني باهتمامهم
بسراوي لحد ماامتحنت ونجحت للرابع
أنت تقرأ
امس من الماضي يعود
RomanceSarab Alaga عندما تقرر الابتعاد وتدعي انك لاتعرف السبب عليك ألابتعاد اولا عن اقرب الناس اليك لأنه الوحيد الذي سيكشف انك تكذب... وانك تعرف السبب الذي اثار فيك رغبة الابتعاد لكنك ترفض الاعتراف به حتى مع نفسك....لأنك مقيد بوعد... خاص بصفحتنا ع الفيس بو...
