Sarab_Alaga
الجزء الثامن والاخير ......
سرى بحضني والخوف والرعب الي جنا عايشيه خلص
بمرور الايام وضعنا استقر شوية هسه ورجعت لدوامي قبلوني بعد ماعرفوا قصتي صرت اختلط بالمدرسين والمدرسات ولخاطر سرى رجعت البسمة بوجهي وصرت مرات اخذها وياي للمدرسة الطالبات حيل يحبوها واني جنت احب طالباتي جنت أحسهم المتنفس الي اكدر اتجاوز وياهم كل ذكرياتي السودة...مديرتي شافت علاقتي الحلوة مع الطالبات انطتني مهمة الارشاد والتوعية بالمدرسة ...صرت مسؤولة عن الطالبات لحل مشاكلهم انصحهم والاجايز يمي الاهل مني ياخذون عندي طالبة اسمها امان بالاول متوسط حيل احبها ومن اشوفها اتشاقه وياها .اكللها هاي اني شلونج وهي تضحك ..عدت الايام والشهور ....
بيوم دزت عليا المديرة واني كالمعتاد بالساحة ويا طالباتي جنت...اجيت دخلت الادارة ماانتبهت اكو احد
_بلي ست حياتي دزيتي ورايا
_ست امان بلا زحمة عليج ادري مشغولة بالبنات بس مشي الاخ لان مستعجل
_اي اتفضل اخي لغرفتي
شلت راسي .........................................اوووووووف يالماضي وريحة الماضي الماترضى تعوفني....معقولة لامستحيل
طلعت من الادارة غرفتي مقابيلها دخلت غرفتي ومااحاول اندار للضيف
_امان معقولة هاي انتي شنو هالصدفة شلونج حب ....العفو شلونج شلون صحتج
جان تدخل سرى تركض
_ماماااااااااااا اريد جبس
_اي ماماتي هاي فلوس خلي خالة تشتريلج ...ام علي فدوة اخذي سرى للحانوت اشتريلها
_سرى؟؟؟؟ ومسميتها سرى؟؟؟
_شلونك حسام شوكت .....رجعت للعراق..
_انتي اتزوجتي وعشتي حياتج مرتاحة وبنتج والله يعلم بعد كم طفل عندج. ..شعجب جان باقي ابالج اسم سرى...
_حسام لاتظلمني صدكني الي شفته مو قليل...ماناقصني لوم حضرتك
_وبالخير رجلج منو اكيد قصة حب بالكلية مو
_حساااااام حسام بس هلكد اكلك لاتظلمني وبعدين,انت اصلا ليش جاي
_جاي أخذ إجازة لأمان حسام بالاول متوسط...
يااااااااأاه شلون ماطخت عندي من الاول شلون ماشكينا بالأسم
_بنتك يعني انت هم متزوج وعايش حياتك
_اي عادي مثلج ما بيها شي مو
_لا العفو آسفة ....اتفضل هاي الإجازة اختمها بس يم المديرة
طلع حسام فكري وخيالي كله يمه ااااااخ حسام ظل گلبي يمه ياريت لو الايام ترجع جان سويت المستحيل وماعفتك واكيد جان ابويا يقبل بيك لو عارف هيج يصير بيا ويا غزوان...بس هسه مابقى امل لان مستحيل انطي فرصة لحسام يتقربلي واهدم بيته مستحيل ابني سعادتي ع حساب سعادة غيري ....اني راح اعيش لبنتي وبس وهو.الله يسعده بحياته
_احم احم بالمناسبة انتي بعدج عقلج ماتشغليه تخافين يتعب مو؟؟
_ها شلون يعني اقصد ليش
_امان عمرها فد ١٢ سنة مو؟؟؟ بالضبط مااعرف. مع السلامة..
رجعت افكر والتفكير تعبني مرة اكول امان انسي مو الج ومرة اكول يمكن بيها امل...وكلامه مافكرت بيه
صار حسام هواي يتردد للمدرسة بس مااكدر احجي وياه براحتي من المدرسين عيب
بس حيل افرح من اشوفه حسيت روحي رجعت كم سنة قبل لذكرياتي الحلوة...بس اسوي روحي مامهتمة واضوج من اذكر متزوج
_ست ...امان...ممكن اشوفج اليوم
_ها هاي هم انت......شنو تعودت ماتخاف زوجتك تعرف يوميا جاي. .
حسام ابتسم وكتبلي ورقة خلاها ع الميز وطلع
((اللقاء ب الخمسة العصر المكان بيتكم.))..شنو هاي دينصب عليا
وجان اسمع هوسة البنات بالساحة رحت اركض عليهم
شفت الدنيا مكلوبة برة طالبات ومدرسين ومدرسات ملتمين اول ماطلعت يصفكون و نفاخات كومة مشدودة بخيط مكتوب ع كل وحدة امان احبج ...امان تتزوجيني.....وطالباتي يصفكون ويغنون مع كاظم قولي احبك الله هاي الاغنيه كلش جنت احبها...والكل يباركولي اني اتفاجأت وظليت مااعرف شأكول
باستني مديرتي وبيدها المايك تحجي ...
امان انتي شفتي واتحملتي الي محد اتحمله في سبيل رضا وسعادة الي حواليج...اجا وكت الي ترتاحين بيه والناس تسعدج......نتمنالج احلى حياة مع حسام
اسمعها وصرت ابجي وابجي هواية ودموعي تنزل عشرة عشرة بس هالمرة دموعي دموع الفرح جانت...
وهم جنت بعدني مامتاكدة شنو بالنسبة لزوجته وبيته
أنت تقرأ
امس من الماضي يعود
Lãng mạnSarab Alaga عندما تقرر الابتعاد وتدعي انك لاتعرف السبب عليك ألابتعاد اولا عن اقرب الناس اليك لأنه الوحيد الذي سيكشف انك تكذب... وانك تعرف السبب الذي اثار فيك رغبة الابتعاد لكنك ترفض الاعتراف به حتى مع نفسك....لأنك مقيد بوعد... خاص بصفحتنا ع الفيس بو...
