لنا وصلت البيت غيرت و صلت ومشت تاكل وهي تتكشم وتتبسم ساي واتمنت انو وائل يكون برضو بحبها وهي ما عارفة انو كلمة الو منها بتنسي وائل الدنيا باللي فيها
وائل من بعد طلعت ميار وهو بقول : انصل لالا ما اتصل لا يا وائل اتصل ووريها الحصل حتي لو ما قبلت عذرك تكون عملت العليك وريحت ضميرك وائل بناقض في نفسو انو يتصل او لا لحدي ما رجع البيت
...
لنا داخلة ومارقة في غرفتها وكل دقيقة تجري تعاين للتلفون كان عندها احساس قوي انها حتسمع صوت وائل بس خاب ظنها ونامت وهي ماسكة التلفون
تلفونا كان هزاز الساعة ١ التلفون ضرب صحت بالهزاز
ردت وعلي بالها ميار لانو ما ممكن زول يتصل عليها زي الوقت دا غيرها
ردت وهي شبه نايمة : همممممممم ميوو عايزة شنوو
المتصل : لنا
لنا ببعد سمعت الصوت دا نطت من نومها وقعدت في نص السرير وقالت بعتاب :وائل؟؟
وائل اشتاق ليها واشتاق لبحة صوتها و طريقة كلامها وضحكتها قال من غير مايحس بنفسو :نعم يا بعد دقات قلب وائل انتي
لنا بدت تبكي حست باحساس غريب حتي ما كانت بتحس بيو مع ياسر حست انو روحها ردت ليها وانو صوت وائل هو الامان بالنسبة ليها في البلد الغريبة عنها دي
وائل سمع صوت شهقاتها وبكاها قال ليها بحنية :لنو ما تبكي عشان خاطري
لنا وصوت بكاها بقي مسموع :ليه يا وائل ليه تعمل كدا ليه تخلي وحدة تتصل علي وتقول لي كدا انت لو ما عايزنيي ات....
قاطعها وائل بجدية :لنا انا والله ما عندي ذنب وكل الحصل انوو ... وحكي ليها الحصل من حوتة
لنا حست انها ظلمت وائل لم حكمت من غير ما تسمع منووو وقالت ليو :سامحني
وائل حسي بصوت دقات قلبو مسموع لي لنا بينو وبين نفسووو اسامحك كيف وانا الطالب عفوك ورضاك وحبي يتغلي حبة علي لنا عشان يعلمها انها ما تحكم علي زول قبل ما تسمع منوو قال ليها بجدية :البسامح ربنا ما انا
لنا حست انها غلطانة في حقو حست انها انانية لانها ظلمتو وما ادضتو فرصة يدافع عن نفسوو
قالت بحنان غصب عنها : اشتقت ليك
وائل لحظتها نسي اسمو ونسي كل شي م عدا انو الدنيا ما سايعاهو من الفرحة قال ليها : ما سمعتك قلتي شنو؟
لنا بصوتها المبحوح :مشتاقة ليك
وائل حسي انو الدنيا ما سايعاهو بالفرحة : قال ليها انا كمان اشتقت ليك والله فقدتك يا لنا فقدت صوتك المالي علي يومي فقدت بحة صوتك المعذباني بعدين استوعب هو قال شنوو حب يغير الموضوع عشان ما يعترف ليها بحبو ويخسرا لانها معتبراو اخوها وهو ما عارف انو لنا كمان عشقتو من صوتو
