وائل : غبي ي وائل غبي الخلاك تقول ليها انك عندك حبيبة شنو طيب كيف حتقدر تفهما انو هي نفسها حبيبتك الانت بتتكلم عنها
جرا نفس طوووووويل ومسح بي يدو علي شعروو وققال : بس جد حلوة يا بختك بيها يا وائل بس انا لازم اقنعا انو هي الانا بحبها وابعدها من الولد المرتبطة معاو دا
ميار رجعت لقت وش لنا احمممممر من الخجل ويدينا متلجة وترجف ضحكت عليها وقالت ليها : الحب يسوي كدا؟
لنا : حسيت قلبي حيقيف لما ناداني والله بحبو ي ميوو
ميار : عايني عارفة انك بتحبيو وعارفة كمان انو بحبك بنفس الكمية لانو هو قال لي دي هي لنا الحكيت ليك عنها وانا بحبها بس انا قلت ليهو انك مرتبطة وانو بالنسبة ليك مجرد صاحب
لنا نططت عيونا وشالت المخدة بقت تضرب في ميار : ليه ي غبية قلت كدي هسي حيقول اني ما بحبووو
ميار : اصبري ي مرض وانا حوريك عملت كدا ليه وبدت تتكلم : اوووول شي اديني تلفونك وتلفوني
لنا مدت ليها التلفونات
ميار اتصلت من تلفونا علي تلفون لنا وفتحت الخط وخلتو فاتح
لنا باستغراب : ميار انتي اكيد جنيتي
ميار عشان لم وائل يتصل يلقي تلفونك مشغول يعرف انك جد ارتبطي
لنا : طيب ليه حنقنعو بكدا ؟؟
ميار : عشان يجي يعترف ليك بحبووو لانو وائل ما بيطلع اللي في قلبو سريع
لنا وبدت تسمع من ميار باهتمام ضحكت وقالت ليها : عليك جنس حركات
ميار كملت : يلا لم يتصل في تلفونك ونشوف المكالمة حنفصل الخط لانو حيتصل في تلفوني ولو لقي تلفوني مشغول حيجي يطربق البلد علينا فعلا ميار ما تمت كلاما وائل دخل انتظار في تلفون لنا
خلو مكالمتو قطعت وطوالي قفلو الخط و زي ما قالت ميار اتصل في تلفونا
ميار ردت وفردة سماعة في اضانا والفردة التانية في اضاان لنا: ايوا ي وائل
وائل بغضب : وين البت دي
ميار : بتتكلم بالتلفون
وائل وخلاص فاض بيهوو : بتتكلم مع ممنو زي الوقت دا اديني ليها
ميار : طيب .. نادت لنااابصوت علي نظام انها بعيدة هاك تلفون
لنا بخوف عرفت انو حيطين عيشتا : منووو
ميار : وائل
لنا شالت التلفون وقالت بهدوووء : الووو
وائل : بتتكلمي مع منو يا لنا؟ وبدا صوتو يعلي شوية شوية ومش قلتي انو الزول دا قال ليك ما عايز حركات الحب والكلام دا وانوا ماشي لي اهلك طوالي؟؟ طيب بتكلم معاك زي الوقت دا عندو شنو وعايز شنووو ؟؟؟ واتتو مش امتحاناتكم قربت بطلي كلام بالتلفون وركزي في قرايتك
