لنا واحمد في العربية...
احمد:لنا طبعا انت عارفة انو البلد دي صعبة والناس نفوسا ما طيبة ولا ظايما نيتها بتكون صافية انا ما بقول ليك ما تثقي في زول بس ما تثقي بالساهل وانتي بت ماشاء الله عليك كل الناس بتتمني قربك عشان كدا اعملي حسابك وخلي بالك علي روحك شدييييد واتحصني قبل ما تطلعي اي مشوار
لنا ابتسمت عيونا اتملت دموع وقالت ببراءة :بالجد صاحب حسام
احمد بحنية :اكييد حكون اخوك وسندك وحبيبك لو عايزة وغمز ليها
ضحكت لنا علي استهبالو
احمدعايز يعزما فطور ويستثمر اكبر وقت ممكن انو يكون جمب لنا بس هي رفضت بحجة انو سارة واسامة حيكونو منتظرنها ووافق احمد ع قرارها ووداها عفراء لي سارة واسامة
اسامة اصرا علي احمد انو يفطر معاهم بس احمد اعتذر انو عندو شغل ومشي
لنا استغربت لانو قبل شوووية كان مصر الا يعزمها فطور بس سكتت ومشت الموضوع
ولفو اشترو الفي والمافي لي لنا واسامة محل ما يمشو يقعد ينتظرهم في الكوفي شوب لحدي ما يخلصوو
لم جا العشا كانت لنا وسارة تعبو من الحوامة و قررو يرجعو البيت ويواصلو بكرا
اول من وصلو البيت تلفون لنا رن لنا ابتسمت تلقائيا لانو اكيد المتصل وائل
سارة انتبهت ليها بس ما سألتا لانهم مرهقين ولانو اسامة معاهم
لنا دخلت غرفتا وردت علي وائل واتونست معاو وحكي ليها يومو من بعد ما قفلت منو لحدي ما اتصل عليها هسي
ولنا بتسمع ليو باهتمام
بعدها وائل طلب منها تحكي ليو تفاصيل يوما
""وطبعا كلنا بنعرف البت الراجعة من السوق ومن بيت العرس ما بتسكت 🐸🐸""
حكت ليو بالتفاصيل المممممملة جدا وحكت ليو لم اتطاقشو هي وميار بس طبعا ما ورتو اسم البت ووائل مستمتع انها بتحكي ليو
لنا بدت تتثاءب
وائل :لنو نومي خلاص لانو وراك بكرة لفة تانية
لنا :وائل
وائل حس بروحو حتطلع لم قالت اسمو وقال في سرو امررري وتتدللي يا بعد دقات قلب وائل انتي وقال بصوت مسموع: نعم
لنا :اقرا لي قرآن
وائل اتكيف منها للاخر وبالرغم من انو كان تعبان ومرهق بس رضي لنا اهم عندو من كل شي
وجاب المصحف وبدا يقرا ليها لحدي ما نامت وهو خلي الخط فاتح بيسمع صوت انفاسا لحدي ما نامو وتلفوناتهم الاتنين طفو كهربا
...
سارة صحت صلت الفجر ومشت لي لتا ف غرفتا لانو دا الوقت الوحيد البتقدر تحكي فبو براحتا مع اختها
سارة خبطت الباب وجاها صوت لنا :ادخلي قمراي
سارة لي لنا القاعدة ف المصلاية وبتدعي انو ربنا يسهل ليها الجاي في حياتا: لنووو
لنا :قري"يعني احكي التقارير اللي عندك"
سارة بجدية : مين الاتصل عليك امس وخلاك تبتسمي كدا؟
لنا فامت وطبقت مصلايتا ووختت راسا ع رجول اختها واتنهدت وحكت لي سارة كل شي عن وائل من وقت ما اتصلت عليهو بالغلط لحدي اخر مكالمة
لنا: سارونة تفتكري الانا بسويهو دا غلط؟
سارة : والله ما عارفة بس انتي اعمل حسااابك في التعامل معاو
ما نظلم الولد ساي يمكن بالجد نيتو صافية وم عندو نية يأذيك بس انتي خليك حذرة ف التعامل معاو
لنا : ان شاء الله
سمعو صوت كركبة برا عرفو انو اسامة صحي قامت سارة عشان تسوي الشاي ويفطرو ويطلعو السوق
....
اثناء ما هم بيفطرو دق تلفون اسامة رد: الوو احمد
اسامة : ليه ياخ ما تعذب نفسك
اسامة : ههههههه خلاص يازول بننتظرك ان شاء الله وقفل
التفت علي سارة ولنا وقال ليهم: احمد عازمنا فطور برا
سارة ولنا اتبسطو عشان تبقي مرقة وحدة بالمرة
...
مشو عشان يجهزو للطلعة لنا تلفونا رن ردت من غير ما تشوف وعلي بالا انو وائل : الوووووووو
المتصل : اسمعي هنا قولي لي اخوانك عديمين الحيا ديل يبطلو تهديداتهم دي والا والله اصلك في محلك واتنقم منك وقفل الخط
لنا خانها التعبير واتزكرت الصوت الصوت اللي ياما دلعها وونسها الليلة بيهددا
لنا رجعت ليها كل زكريتا القديمة وبتدت تصرخ يشكل هستيري جات سارة جارية علي غرفتها
سارة : لنا قولي بسم الله في شنو مالك بتبكي
لنا : اتصل علي يا سارة وبيهددني
سارة : دا وائل الحقير؟
لنا : ياااسر
سارة وكانو اتكبت عليها موية بااااااردة غلبا الرد وبقت تهدي في اختها لحدي ما نامت لنا بعدها شالت تلفونها واتصلت علي حسام وكلمتو بالحصل كلووووووووو
حسام وشياطين الدنيا كلها وقفت في وشو وحلف انو يعمل الخطط ليو
رفع تلفونو واتصل علي امجد دقاييق وكانو اولاد عبدالعزيز الاتنين قاعدين قدام البحر وحسام بيغلي من الغضب لدرجة ما قادر يقول لي امجد بالحصل الجملة الوحدة الطلعت منو : اتصل علي سارة بتوريك
اتصل امجد وسمع من سارة وكالعادة جاط وكورك وحلف الا يكسر عضامو بس حسام مسكو وقال ليهو احنا بدل نكسر عضامو نكسر روحو وغرور اهلووو
امجد راق لانو عرف انو اخوهو ناوي علي كبيرة
وسمع منو للاخر وقال ليهو جبتها والله يا حسام
وابتسمو الاتنين وحلفو الا يردو الكف بكفين لاسرة ياسر....
يتبع.....
