اصبح الصباح
...
وائل مبسووووط لانو عرف كل شي عن لنا تقرييا
نزل سلم علي امو وابوهو وقرر انو يطلع وهو طالع لاقي ميار وسألها اليوم ماف جامعة؟؟
ميار : في بس انا ما عندي نفس امشي
وائل : اوووك براحتك
وطلع للشغل وهو بدندن وهو مبسوووط
...
لنا صحت من نومها واول شخصية خطرت ع بالها وائل تلقائيا ابتسمت
بس اتزكرت انو دا اخر يوم لي سارة واسامة ف السودان وانو بكرا طيارتهم وانها حتقعد برااها في الشقة دي ما معاها الا "المدبرة وهي البتجهز لي لنا الاكل والشراب وتغسل وتكوي وتنضف يعني عليها كل الشغل"
لنا حبت تعمل برنامج لي سارة واسامة ف البيت
قررت انها تتصل علي احمد عشان يوريها مطعم اكلو حلوو ويديها رقم الدليفري حقهم بعدين غيرت رايا وقررت انها تتصل علي وائل لانها طولت من صوتو
وفتحت تلفونها اول اسم جا عندها اسم وائل واتصلت
وائل تقول كان منتظر مكالمتها وخاتي يدو ف التلفون
قبل الجرس الاول يتم رد : الووو
لنا ضحكت : خلي الجرس يتم يا شفقان
اتحرج وضحك وائل وقال ليها : التلفون كان في يدي عشان كدا
لنا : اوووك بس برضو شفقان
وائل : خلاص عشانك شفقان
ولنا ما عارفة انو الشفقان دا البنات بموتو عشان بس يسمعو كلمة الو منووة
لنا بهدوء : وااائل
وائل من جواهو يا قلب وائل انتي لنا ما تقولي اسمي بالطريقة دي والله حتجننيني يا بت ابوك و رد : نعمين
لنا : عايزة لي اسم مطعم حلوو واكلهم حلو
ويكون عندهم تورتات وعايزة رقم الدليفري كمان
وائل : ما طلبتي شي هسسسي يصلك العنوان والرقم
لنا بفرحة :تسلللم يارب وما انحرم منك
وائل : ولا منك "ي حياتي وقالها صوت واطي عشان لنا ما تسمع "
وائل : يلا انا حقفل واشوفهم وارسلهم ليك في رسالة
لنا : تيب
وائل: باي
لنا : ما تقول باي قول مع السلامة منو الكان بقول لي كدا يارب وضحكت
وائل بضحكة : دا واحد مجنون ساي
لنا : م تقول ع وائل مجنون
