وائل طلع وهو بلوم في نفسو انو لو ما كان قال ليها مرتبط ما كانت فكرت توافق علي سامر لو هي حاسة بنفس احساسووو
وصل المعرض واخلاقو ضييقة ويتنرفز في اقل شي بعدبن قعد مع نفسو وقال يا وائل لازم تبقي لنا شي ثانوي في حياتك لانها معتبراك شي ثانووي وخت في نفسو الموضوع دا وطلع ماشي ع البيت بعد خلص الدوام بس بعدين غير شارعو ومشي النيل
ميار اتصلت ع وائل عشان يرجعهم البيت لقت تلفونو مقفوول خافت علي اخوها بالجد كلمت لنا انها تتصل ع السواق وجا وصلهم
وصلو ودخلو سلمو علي ام ميار وطلعو غرفتهم لنا من الصباح ما اكلت شي كيف تاكل وهي عارفة انو وائل ما حيكون اكل شي ولا حتي ليها نفس تاكل
انتظرو وتئل هي وميار متحججين بالقراية بس وحدة قلبها علي اخوها والتانية قلبها علي حبيبا
لنا وخلاااص الصبر غلبا : ميار وائل اتأخر شديد
ميار وباين عليها القلق حبت تطمن لنا : عادي م تخافي بتأخر كدا
لنا : ميار م تغشيني بعرف وائل انا ما بيتأخر اكتر من ١١ برا البيت
ميار : دي المرة التانية يتأخر كدا اول مرة لم اختلفتو ودي المرة التانية
لنا بزعل : دا اخر البمشي وراك ي ميار الله يجازيك
ميار بزعل : اي والله زودتها شوية
وهم بيتكلمو كدا سمعو صوت باب غرفة وائل فتح الاتنين لا شعوريا قامو جروو علي الغرفة
لقو وائل واقف بيطلع في قميصووو
ميار : وائل وينك نتأخر قدر دا ؟
وائل وما كان طايق حتي نفسو : ميار اختيني بالله ومشي قفل باب الغرفة في وشهم حتي ما عاين لي لنا في عينا
لنا بدت تدمع : شفتي كرهني اكيد حيكون كرهني
ميار : ما تقولي كدا ي لنو وائل مستحيل يكرهك بس هو متضايق عشان عرف انك مرتبطة مع واحد تاني
لنا بدت تبكي بطريقة هيستيرية : بس انا ما مرتبطة مع غيرو ولا عايزة غيرو ميار انا بحبو هو وعايزاهو هو فاهماني انتي
ميار وكسر خاطرا حال لنا ووائل : بعرف والله بعرف.. اتصلي عليهو لنووو
لنا ما صدقت طوالي رفعت تلفونا واتصلت علي وائل
وائل وقتها يدوووب فتح تلفونو جاتو مكالمة لنا ما رد المكالمة الاولي ولا التانية رد في التالتة وهو قلبو عايز يقيف من التوتر لنا البت الوحيدة القدرت تلعب باعصابو هي البت الوحيدة البشوفا بت هي في عيونو كل الدنيا بس للاسف ما ليهو حتكون حقت زول غيروو
رد والعبرة خانقاهووو : هلا لنا
لنا بحنية : وائل
وائل بينو وبين نفسو عليك الله ما تقولي اسمي بالكريقة دي والله ما اقدر استحمل اكتر من كدا بغالب نفسو ويكابر رد : نعم
