في غرفة ابو حسام
عبدالعزيز: تفتكري يا ليلي العملتو دا صح واني اخلي لنا براها تمشي الخرطوم وتقرا فيها؟؟
ليلي: اكيد يا ابو حسام صح ولنا ما براها معاها ربنا وهي عاقلة ورزينة وبتعرف الصح من الغلط
عبدالعزيز : ربك يسهل بس
ليلي : ونعم بالله
عبدالعزيز : انا بكرة بجيب ليها العربية عشان تسافر بيها وحغذي ليها حسابا ف البنك واكلم عثمان يفضي ليها وحدة من شقق عمارتنا اللي في المنشية وبكلم حسام يشوف ليها سواق ود ناس بي طريقتو
ليلي: ان شاء الله للصباح الله كريم
عبدالعزيز: ربي يسهل ليك طريقك ويبعد عنك اولاد الحرام يا لنا
ليلي من قلبها : اميين يارب
......
اصبح الصباح ...
وائل نازل مبسووووووووووووط ويدندن
ام وائل : ان شاء الله دايما يا ولدي البسمة ما تفارقك
وائل باس راس امو: اميييين يالغالية بس انتي كتري من الدعوات دي
ابو وائل : ماشاء الله مزاجك رايق الليلة
وائل بعد باس راس ابوهو : الزول عندو اهل زيكم كيف مزاجو ما يكون رايق
ميار: وائل يلاااااااا اتأخرت علي الجامعة انا
( ميار كانت بتدرس صيدلة في اولي في مأمون حميدة)
وائل : يلا انجري قدامي
ميار وهي بتنقنق : هسي يا بابا لو جبت لي عربية مالو بدل كل يوم الشوفير وائل موصلني
ابو وائل : هههههههههه اكبري واعقلي والعربية تكون عندك
وائل : انا شوفير؟؟ طيب شوفي الحيوصلك تاني منووو وطلع
جرت ميار لحقتو وكسرت ليهو تلج ضحك علي هبال اختوو ووصلا الجامعة
......
صحبات ميار كل يوم بنتظروها جمب البوابة عشان يشوفو وائل بس هو بكون رافع القزاز المظلل وكل يوم وقفتهم بتروح علي الفاضي
وائل الشارع كلو بفكر في لنا كان عايز يرسل ليها رسالة بس قال بينو وبين نفسو مستحيل يتواصل معاها بالرسايل مدام ممكن انو كل يوم يسمع صوتا
وصل المعرض وعاين للساعة لقاها ٩ قال الوقت بدري يخليها ويتصل بالنهار
......
لنا بعد اثار الحنة طلعت من يدها لبست اسكيرت اسود وقميص كبدي وطرحة كبدي وفيها ورود صغييرة بالبيج بالاطراف
وكانت لنا بتتحجب ما بتخلي سبيبة من شعرها تظهر
واتكحلت وطلعت مع حسام للجامعة عشان تكمل اجراءتها من دخلو الجامعة وكل العيون عليهم البقول حبيبا والبقول راجلا والعارف دي منو وعارف قصتا
