#علي
مرحبا يا جماعة ما راح أطول عليكم هواي بوصف نفسي
أنا حلو و الحلو حبيب الله
أهم شخص بالنسبه إلي بالحياة نفسي و أمي و أختي لا غير ابويه متوفي الله يرحمه بس امورنا ماشية ابويه رجال متمكن تاجر معروف صاحب حق و واجب محبينه هواي عنده معمل تعبئه مياة و و مطاعم هواي ما شاء الله امورنا الماديه ميسرة بيتنا من اضخم المنازل بارقى المناطق
أبي عطانا عمره من سنتين بس و بهذه السنوات انضغطت شوي ما كنت اشتغل لأن ما اكدر اوازن بين دراستي و الشغل مناطق متفرقه و بعيده ماكنت اسوق اسوي حادث و عمري صغير امي مو مال اجرجرها بالمراكز مال الشرطه
كان صديق أبي يشرف عليها حسب جدول و انا ادقق السجلات لأن ما اثق بأي جنس بشر
كوني المسؤول الأول عن البيت خلاني انقط رجولة فدوة لكلبي . . . .
ما أعطي لأي واحد فرصه يشغل تفكيري صح علاقاتي الأجتماعية تمام معارفي هواي بس ما راح يكونون محور تفكيري و حياتي . . .
البنات ما اهتم الهم اذا ارتبطت كلها تبطل تباوعلي و حتى اذا تتباوعلي ما تتمناني لان محجوز
لذلك ك عازب محور اهتمامهم و سوالفهم 😴
داومت و دريتو شصار بس ما اهتميت عاجبها اني و تريد تطور علاقتها بيه و ما لكت غير طريقة
صدك من كالو من حبك لاشاك 😴 عقلة الابهام طولها متر ونص و ضعيفه كأنها عصه شدعوه الصومال مو هيج
سترتي 160 دولار تدمرها وردي زين ليش 😧 اني و لا سترتي
خطا احمر بالنسبة الي وجهي و سيارتي و ملابسي عادي تكص رجلي ايدي بس لا اكون مبهذل
سيارتي جارجر سوده و اريد اغيرها ما اعرف شأشتري صراحه بس أحبها هاي سيارة هديه نجاحي من الوالدة 😳 خلصت حياتي اغلبها بمثابرة و عمل جاد
اليوم أحد اكره هذا اليوم 😧
اكعد ب 5 اركض بالمنطقه نص ساعه اسبح اتريك منا ل 6:15 اشوف فيس و انستا ل 7 اطلع بسبب الازدحامات و الجامعه بعيدة روتيني كل يوم عدا جمعه وسبت اروح للشغل لأن كلية اكدر ادبر أموري مو مثل المدرسه و الدراسة مو فد شي . . . . . كاعد اسوي أشياء خطره بالفلوس بس المستقبل ما يتأمل
انزل من السيارة اشوفها وجه البومه ما اكدر اكول هيج عدها هالة ملائكية 😧
صارلها كم يوم هاجده على كولة الخليجيات من يوم ما سوتها على نفسها قصدي تبللت اكول الصراحه ما جان بقصدي صحيح الي سوته ذنب كبير بس ما حطيتها ببالي لأن ما تستاهل
مهارتي اكدر احلل الشخصيات مو مضبوط بس معظمه صح و احكم من يمي ما اسئل لذلك هواي مرات اسيء الفهم
هي ع الاغلب متمكنه مادياً يا أما صغيرة اهلها او البنت الوحيدة
عدائية لذا ماعدها اصدقاء
لسانها طويل عدها دعم قوي
من ملابسها يبين بريئة مو مال سولاف منا و منا
نرجع لسالفتنا مجان قصدي انكع مكانها و ما هتميت انو هيه كاعده يمي
حطيت رجلي على كرسيها بالغلط ردت امسح طبعة الحذاء
جان عبالي البطل شوي مفتوح طلع هواي و انجفه كله ردت اعتذر بس وصلت متأخرة لذلك راحت عليه
ردت اخوفها حتى ما تعيدها مرة ثانيه و شكل خطتي نجحت
😂😂😂😂😂😂😂😂😂😂😂 عثرت و اله شويه تطيح كدامي لو ندري اني وراها جان دفنت روحها عدلة 😧
تمشي بطيء و كتفها يهتز اتوقع تبجي لان من نزلت شفت خشمها أحمر اكدر اتجاوزها و امشي بسرعه بس عجبني امشي وراها . . . . . .
ياسمين : العفو دكتور ممكن ادخل
علي ( يارب يطردنا ) : السلام عليكم ندخل دكتور
الدكتور : دخلو بس هذه آخر مرة . . . .
علي : شكرا دكتور .. . . ( ما يجي منه خير هذا . . . درت وجهي الها و همست دخلي )
ياسمين : شكراً
اول مرة تكول كلمه بيها خير شو هاي تمشي و كاضه ايدها . . . بالتحديد معصمها ملفوف بشاش و تجر بلوزها حتى ما يبين معقوله حاولت تنتحر
تنتحر بسببي لا مو معقوله مشاكل عائلية او مجويه بالطباخ ما سويت شي حتى يومها لبست سترة طويلة يسموها بليرة همه البنات و محد شاف و محد دره
ضليت صافن مفهي يم الباب حد ما عاط بيه للدكتور يلا انتبهت . . . .
دخلت مرروا ورقه الحضور ماكدرت تكتب اسمها ايدها كلها ترجف
علي : اني اكتبه الج
ياسمين : شكراً
علي : ولو . . . اسمج ؟
ياسمين : ياسمين فراس
ما اعرف اول مره احس بفضول لشخص اكره كل شي جديد احب الروتين و الحياة الهادئة لذلك قررت نو مور ياسمين . . . . .
بعد لو تفجر نفسها بحمام بيتنا ما ادخل
هو اني شوكت ادخلت بس معصمها مبين يأذيها خطية 😥
الي يحاول ينتحر ما يلبس و يتكشخ . . .
لابسه تنورة شوي اطول من الركبة منفوخه كأنها مال اميرات سودة و قميص اسود و سترة كابوي و ترانشوز كابوي نايك . . . . تلبس كله هيج الوان بس مرتبه ملابسها اني من النوع احكم ع الناس من ملابسهم
صح حلوة الكشخع بس كفر البزونه يخليني اغير رأيي خرب ابو النزاكه هذا
المهم يمكن اغير مكاني أحسن الها و الي
خلص 😂
شلونكم ما رأيكم 😯
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
