#ياسمين
كعدت اكلب كولة صور وي بنت صغيرة
أحلى طفلة بالعالم
اول بابا من حبي بنتي الغالية
كولة صوره وياها
و الأخبار العاجلة علي مزوج ! و بنته يمكن بين 5-3 سنوات يعني من كان عمره 16 خله وحدن تصير حامل واو مزوج صدك عود كولش ضجت و نسدت نفسي 😳 عفته ونزلت سويتلي اندومي اجه حسن مر يم البراد شرب مي و هو يخابر فتح الثلاجه اخذ التفاحه اكلها و بعده يخابر . . . شنو هاي الناس كولة مزوجه لو مكبلة و حياتها حلوة بس اني الملل كاتلني مريد اكبل لو ازوج مالي خلك واحد يريدنس اكاه حوووبي و حياتي 😧 بس ليش اخذ صديقتي مني اخ سيء
ياسمين : لك منو هاي
حسن : فطوم
ياسمين : افتح سبيكر لو ميصير لان حجي 🔞
باوعلي بطرف عينه هز ايده و راح ليش هيج ويايه صعدت للغرفه لزمت التلفون مالي غيره حل كعدت افرفر فتحت فيس طلعت رساله من الماسنجر من ربع ساعه فتحتها لكيتها من الزوج الصالح و الأب الموقر علي 😧
علي : هلو ممكن المحاضرات تصوريهم
ليش هيج مباشر جان كلت شلونج منا منا مو بسرعه ترا ملانه والله
ياسمين : تدلل بس دقايق
دزيتهم اله هنه بس 10 صفحات فما طولن هواي
علي : شكراً . . . صدك اليوم ليش رجعتي للمحاضرة زعجج وجودي
هو منو يزعجه وجودك انت تراث عالمي انت من عجائب الدنيا
ياسمين : العفو . . لا ابدا بس تحجون طوبة و اني شلي بهالسوالف مليت كلت لو ارجع للمحاضرة افيدلي
علي : الحمد الله
لهنا خلصت محادثتنا و اني محبيتها تطول مدري ليش ما ارتاحيت شلون احجي وي رجال متزوج جائز مرته متقبل
نمت و هوايه أفكار تدور ببالي و حلمت بهواي كوابيس يومتها مدري ليش حسيت كأني امشي على جسر و بس خليت رجلي عليه انهار
كعدت ثاني يوم مصدعه كلش و عندي غثيان خذت دوش و غسلت وجهي و فرجت اسناني رحت للكنتور محتارة شألبس و مبيه حيل انسق لذلك الحل المثالي اسود
بنطرون و تشيرت طويل مقلم اسود و رصاصي عرضيا حذاء اسود و جنطه سوده شال رصاصي غامق
نزلت للسيارة بسرعه اريد اوصل للكلية باسرع و قت حتى احط راسي على الستيج و انام بأسرع وقت . . . . . . . .
وصلت للقاعه كعدت ع الستيج شفت علي ردت اغلس بس هو سلم
علي : هلو شلونج
ياسمين : زينه الحمد الله
ما سئلت و انت شلونك لان مبيه حيل مناقشه مدري محادثه تطول كولش مالي نفس
مدري ليش طنكرت عليه
حطيت راسي ع الستيج و شبه غغيت إلى ان اجت فطوم الضوضاء اخوي حولها من هادئة الى لغويه
فاطمة : هلاو علي هلاو ياسه شونكم ليش كاعدين هنا اول محاضرة مختبر بالطابق الثالث
اوه لا لا هيه هاي الناقصة
علي : لعد نروح
فاطمه : يي
عفتهم راحو اني ضليت بالقاعة بس كول شوي يجي واحد يكولي ترا مختبر صعدي
ضجت رحت فتحت السيارة ورجعت الكرسي و نمت بعد مادريت بالدنيا
#علي
رحنا للمختبر و بالي يمها شكلها تعبانه خاف يغمى عليها مدري ضايجه مني ؟ اني مسويت شي
انتظرتها تجي صارت ربع ساعه وبعدهي خاف صارلها شي شلون هسه
مدري ما تمالكت نفسي رحت ادور عليها فرت الكلية الأربع طوابق كولها ماضل بس المصلى و الحمامات ما شفتهم
دزيت رساله لحسن
علي : ياسمين حاجتك اليوم ؟
حسن : لا ليش ؟
علي : بس دا ادور عليها ما الكاها
حسن : شوفها بالسيارة وردلي خبر
رحت للكراج يم السيارات بس الكارثه ما اعرف سيارته 😦 صح شفتها ذيج المره بس مركزت اووف هسه شلون ضليت افتر بين السيارات و اباع من الشباج حد ما شفت شخص نايم . . .
نايمة لو مريضة ضليت اروح و ارجع بمكاني 😥
ما اعرف شأسوي طرقت ع الجامه شوي شوي حد ماكامت لحمد الله طلعت نايمه بس مدري ليش ضجت حيل دمي ضل يغلي
علي : صح النوم شلون هيج تسوين
صيحت عليها . .. . اول مره اخاف على شخص غير اهلي
ياسمين :لتصيح مسويت شي تعبانه جيت نمت
علي : جان كلتي رح انام جنتي ويانه فجأه اختفيتي دورت عليج كل مكان
ياسمين : منو عاتب عليك و كلك دور علية هاااا و بعدين منو انت حتى اكلك ؟ و اصلا ماطلعت من القاعه وياك لتدخل بية مرتك تدري بيك هيج تسوي
ضلت تبجي رجعت للسيارة و تمددت بيها
مدري اضحك مدري ابجي 😦 مرتي 😂😂 منو هاي طلعت مزوج و اهلي مكايلين الي 😡 دوم يضمون عليه هيج سوالف مهمه
ابجي لان ضوجتها كولش مجان قصدي ابجيها بس خفت لو تعرف شلون كلبي جان يدك بسرعه جان عذرتني
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
