#ياسمين
حفل فاطمه و حسن اقترب و الي هو كان بنهايه العطله الصيفيه
حسن راح للمرحله السادسه كبر حبيب اخته وفطومه ثالثه صار الوقت مناسب على ما اعتقد وعلى ما استقر عليه رأي الناس
الحفله باچر فلازم اني اروح اساعد بالترتيبات بما انو ماعدها اخت
وسرى حايره ب آدم توه عمره سنتين كلش ما ترهم يروح وياها رح يبهذلها امي واحمد دعم للعريس الي متوتر لدرجه صارت عده صخونه صارلهم 3 سنين سوه ليش هيج خايف مدري لذلك سرى ماراح تكدر تخلي ادم يم البيبي
امها وياها بالكوافير لذلك بس اني
و وياي بت خالتها وخالتها
فاتني موضوع انو خالتها الوحيده هي أم علي
الصبح لبست جينز اسود على السرعه و بلوفر لمنتصف فخذي طفولي عليه وجه دب ثري دي لونه بنك فاتح وشال اسود نص شعري طالع وبلا مكياج ميهم هو للقاعه و بسياره أحمد
نزلت محد علق على شكلي
سرى : رايحين حمودي حبيبي اخذ ادم وياك ورجعه بين ما اساعد عمه بس متعلك بيه ويبجي وعمو حسن بالحلاق ماكدر ياخده وياه گلب الامه صياح
احمد : حبيبي اني ميحب اكعده بكرسيه بالسياره اله بحظني خاف نروح بيها اني وياه
ياسمين : اني احطه بحظني وبالرجعه اربطه اجباري وانطيه الفون يثبت
سرى : يلا روحي جيبي بالصاله هو
احمد : تعاي شبكه الج بعيد عن السخيف
وتحاضنو الكفار رحت للصاله شفته محبوس بالقفص مالته وياكل شيبس شافاني مد ايدينه وضحك
ياسمين : تعال ياروح عمتك 😍😭
اخذته وطلعت للسياره وصلنه راد يجيي ويايه وضل يبچي بس اني ما اكدر جايه للمساعده ووجوده مايساعد
وصلت اول مادخلت لكيت طفله شايفته قبل دقايق وتعرفت عليها تذكرتها هذه لانا بت اخت علي اي علي
ما اقتربت يمها خاف تخاف وما تذكرني هيه طفله واخر مره شفتها قبل سنتين
ياسمين : السلام عليكم
التفت الي لانا واجت عليه حضنتي وكالت
لانا : auntie jasmine I miss you so much (خاله ياسمين كلش اشتاقيت لج )
ياسمين : oh sweetie missing you so ( ياحبيبتي و اني هم )
دينا : مرحبا اني دينا بت خاله فطم
ياسمين : اني اخت العريس وصديقه فطم
بعدني ما مكمله قطعتني وكالت
دينا : اي سامعه عنج هواي ياسمينتي
ماركزت بجملتها هواي يعني فاطمه مسولفه الها عني 🤩 بس اللقب شخص واحد چان يگوله الي بس محد يسولف لاخته عن بنيه حتى مو حبيبته ولا صديقته نكره بالنسبه اله
ماعرف چنت تسلايه لو حل مؤقت خطه بديله رميت كل هذا التفكير جانبياً
وكعدنه نرتب حسب ارشادات ست فطوم وندمجت وي دبنا وكنا نسولف هواي رتبنا الكوشه ميز المهر والهدايا
ركبت لابتوبي على الديجي حتى اشغل الاغاني الي طلبتهم من يلبسون ومن تدخل
خلصنه تقريب 12 الظهر وجنه گاعدين نسولف
ياسمين : اووف تعبنا ان شاء الله يعجبها
دينا : يارب ويارب يجون بنات حلوين نشوف لعلولي وحده
ضلت هاي الجمله ترن براسي و تتكر سمعت كلبي يتكسر و احس الهوا ثگيل يريد يزوج ماشي حلو علي يزوج
زين و اني و گلبي الي صارله 3 سنين معلگ بيك ليش هيچ مو انت الي اعترفت الي مو انت الي حبيتك و حبيتني و علقتني بيك
مو اني الي تركتني وراك و ما التفتت الي مو اني الي انحطت حتى تبهرك و تاخذك من البنات الي حولك سكت وسرحت الي صحاني صوت تلفون دينا يرن
دينا : اني اروح علي اجه اوصلج وياي وكولي لاخوج مايجي
ياسمين: لا هو جاي ماكو داعي شوفي دز رساله يگول دقايق ويمچ
نزلت وي دينا انتظر جوه لان لازم تقفل القاع
وشفت علي حليان بس ضعفان حيل عيني اجت بعينه
نقلت اله كميه عتاب فضيعه بس نظراته عجزت افسرها جانت معاتبه حزينه غاضبه لو حب
علي : مرحبا
ياسمين : اهلاً
صعدت دينا اني ضليت واكفه
علي : نوصلج ويانه
ياسمين : ماكو داعي احمد جاي شكراً
علي: وتضلين واكفه هنا ؟ ماكو للسياره
ياسمين : العفو عيوني كلت الك اخويه جاي
علي : واني هم گلت للسياره يلا
حجاها بشوي عصبيه
اني گلت لا بصوت علي وطاحن دموعي هو انسحب عبالي راح يروح بس وكف على جانب لحد ما اجه احمد سلم عليه اني صعدت وهو راح واخد وياه الي بقى من عقلي وگلبي
# علي
شفتها شفت ياسمينتي حليانه مكتسبه شوي وزن ع العطله وخدود صاير عدها
عيونها حركتني حرك حسيت مثل سچينه دخلت بگلبي لوما العيب والحرام واحنه بنص شارع چان سحبتها الحضني فتت اضلوعها دخلت لكلبي وما طلعتها اشم بريحتها واشبع حنان
عرفتو شصار بينه و چان حوار عادي بس ليش بچت مادري حيل انقهرت و حسيت الي ايد بالمرضوع هلكد كارهتني لان عفتها واني ماعفتها
اني عفت روحي وعفت الحياه آخ آخ حسرات وونات
اجه احمد سلمت عليه ورجعت للسياره لكيت دينا ولانا يياعون لبعض ويضحكون ويباوعون الي
مو بالموداعرف السبب حركت السياره بجسد بلا روح لان روحي ركبت وي احمد
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
