#ياسمين
هذا الكلب الحيوان ازعجني حيل قهرني يحسسني ميحبني يمكن هو فعلاً ميحبني يمكن يريد يبزعني كانتقام للسويته بيه بس هو رداها الي بوقتها معقول هيج قلبه حقود
بس يتحكم و ينطي اوامر لو محاجيني بالهداوه چان قبلت بس هو هيج يفرض الي يريده گبور تلفه لا گلي حلوه لاگال ينطيج كلبح بدوني وهيج اشياءات مال حبيات و عشاگ
يعني العلاقه الجديده تكون حلوه و زوينه مو هيج بارده و مشاكل من ثاني يوم 😭💔 تحطم گلبي و الكارثه لازم اداوم هسه و اشوف وجهه
الدوام كان كريهه بس خلص بسرعه الحمد الله ضلطت اشرد و اطفر من مكان للخ شارده منه عبالك اني الخطئانه و الفشلانه
رجعت للبيت تغديت وبدلت گعدت على الجربايه بچيت بچي احد ما غفيت
#علي
اسلوبي ما يفيد وياها شما اسوي مايفيد لانها ماتوصل للشي الي بداخلي ما تعرف قصدي و مكدرت اوصله الها البنات يغارون بس ع الحچي والتعامل وي جنس حوى اما الرجال يغارون من الارض الي تمشي عليها اغار من لما كانت مو الي ولما صارت الي كيف اضبط نفسي صح اسلوبي قاسي مزاجي وماعرف عبر عن مشاعري بس لازم تتفهمني بالمقابل لازم اتعلم اتفهمها
عرفت انها ضاجت الدوام كوله عيونها تلمع من الدموع وتحاول تتواجد بامكان ما موجود بيها وكل ما تبتعد عن نطاق عيوني قلبي يدورها ويلگاها خايف عليها فوك التصور متهوره و يغنى عليها بسرعه حسب ما اعرف فطومه تتجول وياها لذلك تركتها بان دا تلاحظني كل فتره وتترك المكان اتركها لوحدها بلكي تاكل ترتاح
كملت الباقي طبيعي
رجعت للبيت ارتاحيت شوي ورحت للشغل
حاولت ادفن نفسي بيه و ابد ابد ما افكر بيها صح انشغلت بس اذا تركت التواصل مع المدرا والعمال لثانيه صورتها تجي ببالي واعرف اني خطأت واعرف هيه مرح تعتدز
لذلك قررت ابادر اني لاني احتاجها واريد ارتاح قلبي يتقطع عليها معبر لا الها ولا الكم عن كميه حبي الها محد رح يتخيل ولا رح يتصور الي الذكر الي حب بصدق
رحت محل صائغ اشتريت قلاده فضيه عليها علامه هارت بيت
رح اتصل بحسن
علي : الو ابو الشباب شلونك ؟
حسن : هلا كابتن تمام اخبارك
علي : فارغ تطلع تلعب سله ؟؟
حسن : نلعب بس ما نطلع تعال للبيت اني وياك واحمد
علي : مو تدلل دقايق يمك
سديت الفون 😏 اللعبه الثانيه
علي : اذا عندچ شباچ ضلي بعيده عنه راح يصير قصف
ياسمين ؛ ماحاجيك اني لذلك لا تستظرف وتراسلني ماشي
علي : نشوف بعد دقايق منو مايحاچي منو
ياسمين : ماشي نشوف
ضحكت عليها شكد طفله الزعلان مايرد مو يرد حتى يكلي ماحاجيك ياسمينتي كيووت تخبل بتي
ركبت السياره و وصلت للبيت نزلت منها دگيت الجرس
طلعت فوني
علي : تحسين الجرس يدك مال البيت
ياسمين : اي والله شمدريك
غبيه هاي مو بشر شلون دخلت طب ما ادري
علي: ياسمينتي گومي فتحي لحبيبج عيب واكف بالباب
ياسمين : شعدك هنا ،روح يلا
علي : العب سله وي الشباب مو علمودج ام خشم
#ياسمين
ياربي احس گلبي يدگ بسرعه علي يجبني اكيد يحبني لعد ليش هيج دا يوسي تنازل هو و اجه يعتذر مني وهو ما يحب الاعتذاز بس لازم اصير ثگيله هو جرحني خل انجب شنو جرحني بس تخاصمنه بالحچي
اروح اتابع اللعبه
من الشباك
كان لابس جينز اسود وقميص سبورت احمر حذاء احمر و ساعه
سلم عليهم وتعرف على احمد اسمعهم يسولفون بس ما اميز الحچي شباك غرفتي بعيد 💔
نزع الساعه و الحذاء وبده ينزع بالقميص كلش ماخذ راحته عبالك بيت ابوه
من نزع القميص بينت عضلات ايده شگد حلوه وارتفعت الفانيله وبينت بدايه العضلات المعده اني انتهيت
لا تكولون منحرفه هو دا يقدم عروض اباحيه بحديقتنه شدخلني اني
چانت اللعبه حلوه فاز فريق حسن وعلي الي لعبو ضد احمد اكيد اثنين يفوزون والا حمودتي احلى منهم فديت ابو عيون الخضر
ماما حضرت الهم صينيه حلويات وچاي اني من شفتها نزلت اكل بالمطبخ
طولو صارت 12 بليل دخلو الشباب
امي : ها راح الولد شو دخلتو من وقت كل مره سهرتكم صباحي
حسن : الولد مسؤول الرجل الوحيد بالبيت وبالعاده وره 9 مايطلع بس اليوم ضايج
امي : الله يوفقه يلا نامو عدكم دوام باجر
ضجت من سمعت راح يعني هيه هاي عبالي علمودي تونس وراح اووف صعدت لكيت فون يدك علي يمه الي اثكل نفسي شهيق زفير شهيق زفير اووووف
ياسمين :الو ؟
علي : الو واخيرا ست الحسن تبيعين علينا ثگل كم مره اتصلت
عصبي عصبي مو بيده
ياسمين : چنت جوه والفون فوك اسفه مادري
علي : ماشي شوفي الرسائل وحاچيني باي
سد الفون و لگيت رساله منه و 10 مكالمات
علي : تحت شجره الرمان بوادر صلحي
نزلت على كيف وفتحت باب المطبخ متت خوف لان الدنيا ظلمه دورت بالكاع لكيت علبه اخذتها وصعدت بنفس الهدوء شمرتها ع السرير لان تلفت ايدي تراب رحت غسلت ورجعت
فتحتها شفتها حيل عجبتني
ياسمين : شكراً بس صلحك ممقبول ما انرشي اني مع انها كولش جميله
علي : اوك اسف سوي الي يعجبك
ياسمين : شكراً مع انو شكلك مراضي
علي : خوفي على ممتلكاتي ، سرقه الناس لقطعه من قلبي مني قدريني ياسمينتي
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
