#علي
اتصل عليه حسن و كال تعال ويانا راح نطلع ردت ارفض بس سمعت صوت لانا تبجي و ضايجه و كلهم يحاولون يسكتوها كلت اخذها ويايه تتونس و ضريبة العزيمه لازم اجيب فطومه ويايه . . .
نعم فاطمه صديقه ياسمين و خطيبة حسن و بت خالتي
لبست اسود م متقصد بس 75% من ملابسي سود ما احب افكر و انسق لذلك اسهل لون الاسود و رصاصي و ابيض مريحه للعين و تبرز جمال لون بشرتي
رحت يم لانا حضنتها من وره وهي تدافر وخرو عني
علي : منو ضوج اميرتي راح اذبه لداعش
من شكيتها ضلت تبجي اكثر بعد سوالف اطفال
لانا : Evil dina wants to make my hair as a pony tail and her mom wants that too !
الترجمه :دينا الشريرة تريد تسوي شعري ذيل حصان و امها ( تقصد بيبيتها ) تأيد رأيها
يومه فدوة اللفظ اسوء من السيء و الحروف مكلبة
علي : so why you're speaking English ?
الترجمه : ليش دا تحجين انكليزي
لانا : so that old grand ma won't understand me and then she'll say behave your self respect me I'm old
الترجمه : حتى هذه الجده العجوزة متفهم و تكولي اتربي و احترميني لاني كبيرة
هنا فقدت كولش متت ضحك صدك دمعت دينا رح تطلعلها كرون بتها كارثه 😥 و متمشي على رأيها و ماما صافنه كأنها حاسه احنه نحجي بيها
علي : روحي سوي pong tail بابا راح يطلعج وياه
لانا (باستني ع خدي ) : I love ali ,but I don't like these two ladies
الترجمه : احب علي ، بس ذني السيدات الاثنين ميعجبوني
خمس دقايق اجت لانا و رحنا لفطوم لان رايحه للخطيب متحضرة من وكت و واكفه وره الباب بس دكيت هورن طلعت
الطريق كوله فطوم تلعب لانا تعدلت نفسيتها
وصلنا مشينا الهم حسن جان يباوعلنا حاجه ياسمين التفت النه وكفت على طولها و فتحت عيونها قوي كولش 😮 شكلها يضحك و كيوت بنفس الوقت
علي : السلام عليكم
حسن و ياسمين : و عليكم السلام
تتصرف عادي و تضحك و تسولف ويانه و لا كأنو متكافشين الصبح اني وياها فجأة ضحكت بقوة كامت تضرب بأيدها على ايدي ناصبة ع حسن و فاطمه و الضحكيه اني و الي انضربت مو ايدي الي نضربت قلبي . . .
ابد ما تتصرف كبنيه و بعقل و انوثه او حتى تتظاهر بحكم كوني ولد و غريب كاعد يمها و لا اهتمت تتصرف على طبيعتها
بس تاكل كلش بطيء 😧 نريد نروح للمول و منتظريها لانا ام اربع سنوات خلصت الساندويشه وهيه بعدها . . .
ياسمين : خلصت . . .
عوافي 😍
لانا : finally
باوعت ل لانا بنظره خوفتي اني شلون لانا
الفرق بين تعامل فاطمه و ياسمين مع لانا
فاطمه انثى طبيعيه
ياسمين : خارجه عن المعقول
بس توقعاتي راحت هباء منثور من وصلنا للمول
لانا بقت بلعب الاطفال وياها ياسمين ردناها تجي ويانا نتونس ما رضت
و بقت تلعب بيهن و تلتفت يمنه و يسرى خاف أحد يشوفها لو تدري منو لكفها تدفن نفسها لذلك اصرت تبقى وحدها وي لانا
كعدت وحدي بمكان اشوفهم بي بس هم ميشوفوني شويه خلصو لعب راحو كعدو على كرسي اشوفهم يسولفون لانا ما اعرف شكالت ل ياسمين حتى بدت تبجي و حضنت لانا و هيه تبحي لانا تمسح دموعها و ضلو حاضنين بعض فتره ياسمين سكتت و لانا اتوقع غفت لان ياسمين غيرت و ضعيتها خلتخدها نايم بحضنها شكلهم كولش حلو من بعيد رحت يمهم
علي : خلصتو لعب 😜
حاولت المح الها انو اني شفتها تلعب
فتحت عيونها wild open وباوعتلي صرت احب هذه الحركه
ياسمين : على لتكول لأي أحد فدوه😭😭😭
اله شوي تبجي وهي اصلا عيونها مورمة
علي : شنو المقابل ؟؟
استفزها 😧 شكلها يضحك . .
ياسمين : اي شي 🙏
علي : راح اسئلج 3 اسئلة جاوبي عنهم بكول صراحه
تفكر شكلها متردده
ياسمين : ماشي
يلا نبلش 💪
علي : ليش لعبتي بالعاب الأطفال ؟
ياسمين : لأن عاجبني من وقت طويل العب بيهم بس ما صارت الي فرصه
علي : تمام ليش بجيتي من حاجتج لانا
ياسمين : كالت الي عدها بابا 2 واحد بعد ما تكدر تشوفه واحد انت و هي تحب بابا الي مات هواي ورح تشتاقله
من جاوبت هذا السوال صارو عيونها يلمعون كانها راح تبجي مره ثانيه
السوال الثالث خطير و متردد اسئله بس لازم اجرب حتى الفضول تجاهها يضعف و ارجع لطبيعتي
ما اعرف ليش خطر ببالي بس حسيت كلبي نبضه يتسارع حسيت انو اذا كان جوابه نعم راح اكون أسعد بشر 😧
ما اعرف ليش و اكره اي شي ما متأكد من نسبة نجاحه كنت غركان بافكاري بس كلمتها استفزنتي و انطتني حافز 😣
ياسمين : و الثالث
علي : تصيرين حبيبتي
ياسمين : لا
كنت متوقع
علي : ليش
ضلت ساكته فجأة كامت
ياسمين : هياتهم حسن و فطومه يلا نرجع للبيت
هلاووو ادري متأخر بس ظروف و حياة سريعة يخلص اليوم ركض ركض ما الحك علية
و انتو نايمين شكلي اكتب لنفسي
المهم
ليش علي سوه هيج ؟؟
ليش ياسه رفضت ؟؟؟؟ جمالات اكو واحد يرفضه
تحب علي لو لا ؟؟
زين شتتوقعون ؟
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
