# علي
جرحتني من صدگ و قررت اتخلى عنها الي ميريدك لتريده
وذلتني وحرجتني گدام كول الحاضرين هاي هيه انتهيت وياها
البنات يذبون روحهم وراي واني اركص وره لقلق شايف نفسه حلو ودلوع ولسانه يدس السم بالعسل
طلعت رحت للشغل دفنت نفسي بيه وهم ضليت ما انام اشغل نفسي بلكت أتجاوز الصدمه حنت مؤمن هيه تحبني حسب حچي بنت الخاله المحترمه
بس الي يحب عمره ميسوي هيج ابدا ميضوج ويهين الي يحبه صح اني ضوجتها بس من حرصي عليها هسه تكولون يتحجج اي ادري بيكم متحيزين الها
خميس وجمعه جانت
السبت بليل جنت ناوي انام اتصلت عليه فاطمه
علي : الو
فاطمه : خره وجه الچوب المن منطيك تلفون خساره بيك اتصل مترد ليش ادز مسجات تلي و اتس ماسنجو و حضرتك مغلس
علي : خلصتي ؟ خره بحلكج اولاً مفاتح نت تخافين على رصيدج
فاطمه : ياسه بالها يمك
علي : لا تجيبين طاريها سكتي
فاطمه : بس
علي (قاطعتها ): لازم تتعلم تتنازل
فاطمه : انت تعلم تتنازل افتح تلفونك القديم اول وبعدين عود تفلسف براسي اني وحده عدها خطيب و حياتها العاطفيه مستقره ليش تدخلوني بالنص
سدت الفور بوجهي متوحشات والكعبه
فوني القديم وين ما ادري هديت الغرفه للماعملابس اخذيه ساعات
بالاخير مالكيته رحت لامي طبعاً حچي ب الوحده
علي : يوم ماما كعدي
ام علي : بسم الله بسم الله ماما شبيك خرعتني خو ماصير شي ( دراما الام العراقيه من يكعدوها طبعاً مل ما اكعدهم يخرعوني واخرعهم 😂💔 )
علي : لا ماما بس تلفوني القديم وين
ام علي : اووف منك بالصاله بالمحر الي جوه التلفزيون هيه هاي سالفه بنص الليل
بستها من كصتها ورت جبته مبيه شحن لا لهنا وكافي 😭.
خليته يشحن انتظرت انتظرت ونمت
فزيت على صوت الآذان گمت صليت و فتحته
تفجر اشعارات
+999 رساله
+999 مكالمه
اغلبهم ياسمين محتواهم واحد چانت يوميه تدز الي 3 رسائل
وحده الصبح يوم الي طلعت فجأه بحياتها
بدل ما اعبر عن اشتياقي الها مثل ماهيه عبرت بطريقه چنت غافل عنها غروري دمر كولشي
بعدين بدت رسائل يوم الي اختلفنه
ً-علي
- آسفه مكان قصدي
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
