# علي
رسالتها نرفزتني بس الحجي ميفيد وياها الطريق العدل ميجيب نتيجه الافعال الي رح تحكم اني وياج و الزمن طويله ياسمين 😏
داومت طبيعيه صبحت علينه طبيعي گعدت بمكانها هم طبيعي و لا كانو شي صاير هو فعلاً مصاير شي بس تصرفاتها غريبها عمرها مجت بمود معتدل مثل اليوم
لتغتابوني ببالكم ترا مرايد منها شي بس هيه مناويه ع خير ما دام هيج تتصرف دا تتجاهلني كشخص و تتعامل وي طبيعي ضمن مجموعه
المحاضره خلصتها كل شوي ملتفت على قميصي خاف متلفتن قلم خاف ذابه ع رجلي مي او موصخه حذائي ماكو شي
انتهى وقت المحاضره وطلع الدكتور گامت تسولف وي فطومه وسكرانات ضحك مشن باتجاه الكافيتريا اني مشيت وي زيوني هم نسولف وشفنه حسن سلمنه عليه و كعدنه وي جماعته تونسنه وياهم سئلو عن اخته راح صاحاها يعرفهم عليها اجت وسلمت جان اكو مكانين واحد بيني وبين حسن واللخ يم زيوني
وهيه اختارت تكعد يمه وبدو يدكون فچ
وحسن وخطيبته هم يبسبسون واني چني غراب گمت دفرت الكرسي مالتها وصلت توكع ومشيت محد انتبه و الحمد لله
حطيت هيدفون باذني وضليت اتمشى بالحديقه و ما نتبهت فاتني وقت المحاضره يلا متسوه اصلاً
اروح احرگ دمي ليش
#ياسمين
جنت مقرره اتجاهله و اخلي ياكل تبن
و فعلاً مشيت بالخطه و نجحت شفته ممستقر المحاضره كلها وره المحاضره هم راح بجهه و احنه بجهه
حد ما حسن راد يعرفنه ع شلته ورحنه وياه تجاهلت الكرسي الي يمه لسببين الاول لإن هو يمه ببساطه و الثاني لأن حسن خطيبته يمه لازم شنو تكعد يم زين وخطيه واحد مشتاق للخ و اني احب سوالف زيوني يضحك 😍
رجعنه للمحاضره علي ماكو تأخر الدكتور اصلاً اجه الدكتور و علي ماكو ما ادري ليش ضل بالي يمه
وضل يمه بعده بالي يمه و مرت شهور و خلص المرحله الاولى كولها و بعدنه مشايفين علي تبخر كانو مكان موجود بحياتنه
ماحضر ولا محاضره و لا مختبر يگولون امتحن مد و اله درجات شفتها بعيني يوم الي سمعت انه موجود فريت الكليه طول عرض مالكيته حسيتني جني خبله
تندمت لان ما گعدت يمه تندمت لان رديت طلبه تندمت لان ما گولتله اني معجبه بيك لتروح للبنات الثانين تمنيت قضيت وياه وقت هواي تمنيت ما ضربت رقمه بلوك و هسه اني يوميه ادك عليه 3 اوقات و مغلق يوميه ادزله 3 رسائل
كولها الي مكتوب بيهن "علي وينك " احس بگلبي ملاين الحچي وعبارات العتاب بس من نجي للصدك مايطلع حچي بصفتي شنو احچي اصلاً
حتى فطومه متدري بيه وين ما وين و ماعدها اتصال و دوم تبجي تكول اريد علي 💔 كلش جان مقرب الها تكول اروح الهم ما اشوفه اسئل خاله تسكت لو تغير الموضوع
نفسيتها كولش مو تمام دوم تبچي واني ابچي من يسئلوني ليش اكلهم على بجيها
اي صارت روحي كل شي اكلها
يوميه اني يمهم لو هيه يمنه مو يم حسن يمي
تقربنه كولش تعرفني اكثر من نفسي و تعرف شوقي العلي و اني اكلب بكم صوره النه من طلعنه و بصوره دائماً
واغنيتي المفضله صارت
مارد الي مارد الي من يوم ما راح
مارد الي مارد الي و كلبي ممرتاح
#علي
الدنيا ما تنحزر
والناس ما تتأمن
ضجت من الكل و اعتزلت العالم طاقتي وصبري استنزفته الدنيا بس مابيه اضعف مابيه انكسر
امي و ديما ولانا كلهم يعتمدون عليه اني رجالهم مالهم بعدي سند
واني مالي احد زوج خاله ميقصر
وابنها بعيد غير محافظه وهو صديقي الحقيقي الوحيد بهالدنيا
نرجع قبل اشهر وصلني اتصال من ديما. منهاره
تگول عم لانا رافع دعوه يريد البيت و وصايتها
ويگول عني اخذت حلال اخويه
رجعت الكاها تعيط وتبجي دم تگول ما اريد البيت كولشي ما اريد بس بنتي الي
يكتلني ولا يتجرأ ياخذها
طبعاً اهل زوجها ناس متخلفين بس هو بيهم الصاحي لاهمهم لا لانا ولا ديما همهم البيت و احنه أبد ما النا بهاي الشغلات
رحت وحليناها وهلكت من النقاش وي ناس ما تفهم اله شوي اكوم افتح راسه و اطلع الحمار الي متمدد بيه الله منطيك قوندره لو عقل بس اريد افهم
يگلي شيأكدلي اذا ما نطيتني لانا انك مترجع تطالب بالبيت
عباله ناس مثله كول همنه الفلس يولي لانا بنتي مو سلعه تاخوذها كضمان تف على هيج ناس يسمون زلم
على ماخلصت السالفه ب 3 رجعت غسلت و اكلت ل 6 الصبح الرجال الي مكلفه بالمصانع و الفنادق زوجته مريضه ولازم يعتني بيها و يسافر وياها الخارج هيه هاي الناقصه انو ينذب الشغل كوله عليه
بدلت ورحت التقيت بيه و نبهني ع اشياء ضروريه و بلشت منا و منا يومين ما نايم
الساعه ب السته العصر دا اسوق و نعسان صعدت ع الرصيف وضربته لاني غفيت ما گدرت ساعتها و مالگيت شخص اتصل بيه اله حسن
وفعلاً اتصلت بيه واجه وشاف حالتي
الولد ماكان مقرب مني بس من ساعتها بدت علاقتي وياه و قوت وهو اول شخص غير اهلي شافني ابجي و انطاني جتفه وساعدني و محد يدري بسالفه الحادث من اهلي لان مو عايزين هم
ومرت الشهور واني على تواصل بس وي حسن و اذا اطلع اتونس بعيد عن الشغل ف وياه والوحيد الي عنده رقمي غير امي و لانا
القديم مغلق ما فاتحه بس طلبت من الشركه انو يبقونه فعال و ادفعلهم فلوس مقابل الصلاحيه
ضليت ما اداوم بس امتحن و ادرس بالبيت و متفوق رح اطلع من الاوائل لاني احتاج اتفوق ما ينحسبلي غياب بسبب واسطه سواها الي احمد اخو حسن و ابوه ........
أما ياسمين وجع كلبي و علته ضيمي و مراري ما غابت عن بالي و لا لحظه
وكوه ماسك نفسي ما رايح الها ابجي واكلها كوني الي حلالي مرتي وحبيبتي كوني املي رجعيلي حيلي الي هدته الدنيا
قطعت علاقتي حتى بفطوم عمود ما ارجع الها
لان وجودها يشتت حياتي و اني مو محتاج اتشتت اكثر
لازم اكون قوي 💔
هلاو بارت طويل لا تكولون لا
صح تاخرت مو العصر حدثته
بس صار عندي ظرف فما كدرت و هياتني حدثت
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
