# ياسمين
چان يوم ممل من ايام عطله المد السخيفه المليقه الي كلنا شايفيها ومتعودين عليها
كعدت متاخر يعني متاخر مو 12 ولا 3 الظهر يعني 8 بالليل لان ب 12 الظهر يلا نمت سهرت على مسلسل وحلقه تجر حلقه حد ما خلصته
نزلت امي وسرى وفاطمه كاعدات يبسببسن بيناتهن من شافني مثل الي نخلسن ورجعن لوره وماما كامت تكمل العشا
اجيت اني حطيت راسي بحظن سرى ومددت رجليه على الطخم اجه ادم صعد فوكايه
كعد يبوس بيه من حلكي واني اشاقيه نساني السالفه السخيف وفطومه صاحتها امي الحجيه راحت وراها
شويه اجت
فاطمه : ياسه خاله تريدج
ياسمين : تمام
كمت وردت اشيل ادم ويايه اخذته سرى وكالت لاحبيبي خلي يمي اريد ابدله الحفاظه
رحت للمطبخ لكيت امي مكليه كباب يجنن اخذ وحده ودا اكل كامت الحجيه نطقت
امي : ياسه انت كبرتي واجو ناس خطبوج واني وابوج شفنه مابيهم عيب وانطيناهم موافقه ابتدائيه
ياسمين : عفواً اطن اني اللي حارتبط بي لا انت ولا بابا وشنو هيج وافقتو بسرعه بلا رايي ؟؟ اني ممفكره بالزواج ولا حتزوج
امي : حبيبتي بنتي اني مدخلني بعد اذا عندج شي ناقشيه وي ابوج . . . . واذا اكو طرف ثالث الانسحاب بهدوء خيار حلو صح ؟
ياسمين : تعرفين اني عدي خجل من بابا وما اكدر احچي وياه حچي جريء وطرف ثالث ما اكو اصلا انتو متناقشين بهذا الموضوع انت وبابا واخواني وحتى سرى وفاطمه صاير حجي بالبيت مثل حجي ادم واني صاعده لفووك واضل هناك حد ما اموت ولا اروح شخص من اقرابكم اكيد من ذوله الناس الي محبهم لذلك وافقتو بسرعه
كلت هذا الحجي بعياط وصعدت قفلت الباي وكعدت اعيط
اني ابد مستحيل افكر ارتبط بشخص بحياتي كلها
اني متخيلت نفسي اكون وي شخص غيره
لو اله لو اعيش لوحدي مو محتاجه احد وخلوهم كلهم يروحون طووز ماريدهم
كعدت ابجي وانوح كلها اجت حاولت تحاجيني احمد وحسن سرى وفطوم وكلهم كالو وياج وسوي الي يريحج بس فتحي و حاجينه الحجيه تعبانه بس اني اعرف ابوي ميفرض عنه شي بس اذا خله بباله شي ميتازل عنه
مدري بنفسي نمت بعدين كعدت وچانت الساعه ب 4 الفجر كمت صليت الفجر وكعدت ع السرير تعبانه كلش وجوعانه صارلي هواي مماكله فتحت الفون ودخلت الانستا ادور بالستوري
وشفت صوره بخلفيه سوده
واخيراً صرتي مرتي الا محبس وشيخ مبروك علينا حبيبتي
مهتميت بالبدايه بس من وكعن عيني ع الاسم واكتشفت انه علي تدمرت فوك ما اني مدمره وحسيت مالي نفس بهذه الحياه بعد وفكرت لثواني انهي حياني وانتحر گمت رحت للمطبخ بعد ماصارت ب 6 سويت ريوك واكلت وسويت للكل بما انو هم رح يكعدون يطلعون للدوام
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
