#ياسمين
ضليت بالمستشفى يوم وطلعت و كانونتي بإيدي . . . كنت متحمسة للدوام ليش ،؟؟؟اني نفسي ما أعرف ليش
بس للاسف خاب ضني داومت 3 أيام مملة و متشابهة . . .
اكعد . . . ابدل اتريك اروح للكلية اخذ محاضرات اسولف وي فطوم اكعد بالكافيتريا و اخذ محاضرات مرة لخ ارجع للبيت اسبح اتغده و انام كم ساعه
اكعد اكلب بالمحاضرات بس ما اقره لأن مالي خلك مصدعه وعندي اكتئاب 😧
اكلب بالفون اشوف مسلسل اسمع اغنيه اتعشى و اسولف وي الأهل شوي و انام . . .
الكل مشغول ماما بيت وشغل بابا دوام و عيادة
أحمد دوامه متعب خطية مقيم سرى هم تداوم و الحمل متعبها كولش
حتى حسن وينه ويني 😂💔 هو وفطوم واحد كاتل نفسه ع اللخ يزحفون صدك زحف تقدمهم بطيء كولش فاهين حشا السامع اول شي سلام بعدين ثاني خطوه طلب صداقه ع الفيس بعدين هم أصدقاء كولش واحد يغار ع اللخ بلة هيه فقيره وكولة ويايه
بس اخوية كومه وياه بنات كروبه و معارفه صارلهم 4 سنين سوه كولش طاكين ميانه تخيلو تجي لجين تضرب حسن على ظهره كسلام الصبح و فطوم تصير عيونها بالطول تقدح شرار بس ماتكدر تعاتب انقهر عليها 😑 اني لو منها املخه شنو هيج يسوي
كان خلال هاي ال 3 ايام اكشن حياتي نظرات فطوم وحسن و الشغف الي بيهم و حسرتي و غيرتي منهم
يمكن كان الي محلي للكلية قمرها الأسمر مختفي من يوم الي غميت بيه حتى من اتصل علية حسن مرد
من الملل سويت حساب انستغرام و ضفت كومات بنات تعرفت عليهم من مرحلتنه و مراحل أكبر كذلك كول جماعه حسن و ضفت أحمد و سروش و الكل افرفر منا ومنا كولش ضوجة 😧 حد ما لكيت غايتي
علي 😦 حسابة خاص . . . يافرحه الي ماتمت دزيت طلب متانيه . . . .
انتظرت 3 ساعات و ماقبله كلت شنو هسه عباله زاحفه وخرته و نمت . . . .
كعدت الصبح و كلوش مصدعه نفسيتي تعبانه 😧 غسلت و لبست بنطرون رصاصي 90 و بلوفر ماروني و ترانشوز ماروني من اديداس و صبغت اظافيري ماروني شال رصاصي وجنكه ع الظهر رصاصي و حجل برجلي 😴
رحت بلا ريوك اصلا كمت اننظر حسن بالسيارة حتى ما اسلم عليهم لأن يجلبون بية تريكي يحشوني اكل و بعدين تضل نفسي تلعي 😧
وصلنا للكلية نزلت أمشي على كيغي اجر بروحي جر كنت ماشية ببمر و عطر حلو وصل الي قبل صاحبه رفعت راسي شغت علي لابس كولة اسود و ملابسه صح مكوية بس ممهتم بشكله ايد مسرفنه و ايد لا شعره طولان و ممشطه
لحيته بارزة و جوه عيونه أسود 😢 رفعت ايدي اريد عود اكله هاي بس يمكن ما شافني أو تجاهلني . . . . . . للأسف اليوم خميس و كضت محاضراتنا بسرعه و ماكدرت الفت انتباه علي اليه دست ع حذائه و كعت مي ع بنطرونه بس هو ابد ماحس علية باله ابد مو بالكلية . . .
كلش ضجت ودي اكوم انتف شعره . . . وين جانت ضحكته شعلوها وين هسه
#علي
بعد ما وكعت من طولي 😨 ولد تذوه روحه شكد عيب . . . بس مو بيدي بين شي نفسي بين شي صحي
قلبي مايتحمل صدمات و الخوف و شوي مريض لذلك سنه من عمري راحت بالمستشفى لذلك أني أكبر من جماعتي بسنة
إني ممنون انو امي بخير وشاكر لكون جسد ديما بخير بس نفسيتها ابد مو زينه فاتت هي وزوجها و بتها بحادث سيارة و زوجها توفى بعد ماكانت حالته خطرة . . .
ضجت جنت احبه و كلولش قريب علية و مهما يكون هو زوج اختي بس الف الحمد الله هو مو هية
ديما جانت كولشي بالنسبة الي اختي الأكبر مني ب 9 سنوات . . . جانت اخوي الجبير من احتاجيت نصيحه و جانت اختي الجبيرة من احتاجيت حضن و رعاية جانت اختي الصغيرة من اريد أحد الاشيه و جانت اخوي من ردت واحد العب وياه . . . .
و لا ردت لانا تكون بدلة لأن هيه حبيبة خالها ام اربع سنين الي سمعته كلمه بابا الي مراح يسمعها من غيرها . . . مو لأنه عقيم بس لأنه ما يريد يزوج يريد يكرس حياته لنفسة . . .
يخدم امه تعبت علية و انجبته وضحت بنفسها عموده . . .. . . . يحافظ ع شغل ابوه الي افنى عمره علية الي انتشلهم من الفقر و بيت من غرفه وحده الي الغني و اكبر قصر
وحالياً يكون أخ ل ديما و أب ل لانا
ديما هي قطعه من ابوه المرحوم . . .
الزواج ضياع للوقت و الطاقه بلا دعوه لترك أهلك عمود غريبة حتى لو ماراح تترك أهلك كليا بس 90% رح يكون الها و لأطفالها
لهيج اني أذا ردت طفل اتبنا رضيع
خلصت يومين فاتحه سمير زوج ديما
الليل ما انامه كلبي يتكطع على صوت انين و شهقات اختي طول الليل . . . لانا إلي تمشي و تصيح بابا هسه يجي ياخذنا بابا نروح للبيت وي بابا . .
أمي وي ديما جانت بس المراءة كلبها ضعيف مهما اتظاهرت بالقوة ويحتاجون دعم اني موجوظ يمهم ان شاء الله
الي طغى على حزنا اني و امي خوفنا على ديما . . . خفنا لا نفقدها مثل اختي الجبيرة الي اصغر من ديما . . .
أنت تقرأ
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
