#الضياع
بقلم فردوس عبد اللطيف
الجزء الثالث. حقيقيه
وصال. بقيت اني بوظعي وعلاقتي الغير شرعيه مع ليث واخواني مشغولين بونستهم وملذاتهم
صهيب. شغلي بالملهى عرفني على ناس اصحاب نفوذ وناس أغنياء محتارين وين يودون فلوسهم عرفت اشلون استغلهم كونت فريق من البنات حتى يساعدوني نجذب الزبائن ونستغلهم ونأخذ منهم فلوس بكل الطرق
فد يوم كنت كاعد بالمكتب اجاني صديقي وياه شخص عمره بالخمسين مبين عليه عنده فلوس ويحب النسوان اسمه سامي
ابو حمد تعرفت عليه وعرض علي
سامي ابو حمد. عيني استاذ صهيب اني عندي فلوس كثيره وأي مبلغ تحتاج ممكن اسلفك وكلشي بسعره
صهيب يعني تاخذ أرباح عالفلوس
سامي. لعد اسلفك لسواد عيونك ياحلووو هههههههه
صهيب لا اعرف ابو حمد كلشي بسعره بس شكد تاخذ أرباح
اخذ 30 بالمئه يعني 300عالمليون مده عشره اشهر
صهيب مفهوم اخ سامي يمكن أحتاجك تسلف زبائني بعض الاحيان تخلص فلوسه وهو بعده يريد يلعب القمار ويحتار منين يجيب الفلوس وجودك يمنه حا يشجعهم يأخذون منك وعلى راحتهم يسددون
سامي. اني خادم من باجر اجيب دفتر الصكوك ونقد دولار واجي
صهيب اتفقنه
لعبنه لعبه قذره ننصب ونورط الأشخاص ونخسرهم مبالغ كبيره
صهيب كنت اباوع بالكاميرات عالزبائن واشوف اذا شخص خلى عينه على بنيه ادزهه عليه واخليهه تورطه بشغلات اكو قسم منهم يجي بس عالبنات وقسم منهم ممكن نورطه بلعب القمار بكل سهوله وبهالطريقه نكدر نسيطر عليهم
وصلت بينا الحاله مخلين غرفه للخلوه ومصور الزبون مع احدى البنات ونبتزه صرنه جشعين استغنيت عن ضميري
وأخلاقي وصرت بدون اي ضميرلحد ما فد يوم
استخدمنا نفس الأسلوب مع احد الأشخاص وخسر مبالغ ضخمه خلينا يلعب قمار وخسرنا بالحيله وهو بنفس الوقت تعلق بآسيا تشتغل بالملهى وصرف عليهه كثير لحد ما تركت العمل واختفت دورنا عليهه ماكو بكل مكان
كلبي لعب حسيت وره اختفائها حايصير شي
بعد فتره اسبوع اجاني هذا الشخص اسمه علاء طلعت اسيا هاربه وياه وحاجيتله على كلشي وكل الطرق الي نستخدمهه حتى نسحب منهم فلوس
علاء. شوف صهيب منالاسبوع اريد كل فلوسي والا مايصير خير
صهيب. حبيبي اي فلوس انت خسرتهن باللعب احنا شعلينه
علاء. ولك عرفت كل الاعيبك وترى اخسرك الاول والتالي
صهيب انت جاي تهددني منين جايب هالمعلومات الكاذبه
علاء. اسياعندي وحجتلي على كل موامراتك وسوالفك
صهيب. هيج كول كلهه اذا مترجع ترى عندي كمبيالات عليهه
علاء. ولك بعد ك تهدد
صهيب صحت الحمايه طلعو بره ومنعو من دخول الملهى
بعد اسبوع دزلي رساله علاء
صهيب هذه اخر فرصه الك ترجع فلوسي لو لا
صهيب. امشي ولك فارغ
صهيب فعلا من انتهت مده التهديد
اجتنا رسائل على موبايلاتنه اني واخواني اليوم نحرك بيوتكم اذا انتو زلم إبقو بالبيت بقينا ذيج الليله بالبيت نحرس البيوت وسهرانين وحتى الحمايات جبناهم ويانه مابقى احد بالملهى
جايين مجموعه متكونه من ثلاث سيارات ملثمين مسلحين داخلين للملهى ومطلعين كل الموجودين بحجه اكو تبليغ بوجود عبوات بالملهى دخلو الملثمين واخذو شكو فلوس بالقاصه وحركو الملهى بعد ما نهبو كل الفلوس
خابروني الحك الملهى جاي يحترك
صهيب شنو ولكم احمد عصام الملهى يحترك والفلوس كولهه هناك
رحنا وعلما وصلنا مباقي شي كلشي محترك حتى الفلوس انسرقت والباقي كلشي احترك
رجعت كما كنت وعايفيلي ورقه اذا تفتح ملهى ثاني نحركك وانت بي طبعا بالبدايه استهزئت وهاي النتيجه لازم اخذ تهديدهم على محمل الجد
انهجم كل الي بنيته صحيح مال الحرام مايدوم بقينا اني واخوتي محتارين كل واحد لازم يشوف طريقه الفلوس الى كانت عند النسوان انصرفت وخلصت اخوي الصغير راح اشتغل عماله اني وعصام عمرنا كبير مو مال عماله
كعدنه نفكر شنسوي اشلون نحل هالمشكله
صهيب ولك عصام فكر شنسوي
عصام. اكولك عندك رقم سامي ابو حمد
صهيب ما ادري بس اعرف مكتبه بالعرصات
عصام هاي هي نروح نداين من عنده فلوس وكل واحد يشتري سياره ونشتغل بيهن ولا الكعده
صهيب اي والله جبتهه اشلون كنت ناسي
باجر الصبح نروح عليه خليني افكر بالليل شنو نوع السياره الي اخذهه
يوم الأحد الصبح توجهنا لأبو حمد بوقتها المكتب كان مغلق سالنه كالو يفتح ب 9 الصبح يعني بعد نص ساعه بقينا ننتظر
سامي نزل من سيارته وشاف صهيب وعصام وسلام حار
وهاي وينكم ادور عليكم تفضلو
صهيب دخلنا للمكتب دزلنه على ريوك وشاي وسوالف وضحك ...دخلنا بالموضوع
صهيب اخوي ابو حمد تعرف الي صار بينه وهسه احنا عالحديده مثل مايكولون وجايين ناخذ منك قرض حتى نشتري سيارات نشتغل عليهه
سامي. اني خادم انتو اخوتي شكد تحتاجون
صهيب. ابو حمد اني راح اشتري تريله وعصام يريد تكسي
خلي نروح نجيك الأسعار وانت هم تعال ويانه انت أخونه واليوم بالليل سهرتك يمنه تعال نسويلك كعده واخابرلك على اثنين من الي كانو يشتغلن عدنه وتدلل
سامي. ماشي حتى اندل بيتكم
انتو تعرفون النظام اني اخذ 300عالمليون
صهيب ماشي اخوي تدلل
طلعنه بالطريق اخوي عصام داخ
عصام اكولك صهيب هذا لو نشتغل من الصبح لليل اشلون نطلع
صهيب انت اشبيك خلي ناخذ وهي تفرج عيش يومك
عصام. اني حا أبيع ذهبات زوجتي والباقي أكمله من سامي
صهيب بكيفك قابل راح يوكف على راسنه
عصام. صهيب هذه فلوس وهذا ينطي بالربا يعني ماعنده مانع كلشي يسوي حتى يأخذ فلوسه
صهيب انت تعرف التريله شغلهه قوي وأرباحها تسد
صار الليل جبنا بنات اثنين الي يشتغلن بالملهى وجبنا شرب
واجه سامي وكانت سهره من سهرات الملهى شرب وضحك
يوم الثاني انطانا الفلوس ورحنا اشترينه السيارات
اني اشتريت التريله وعصام اخذ تكسي يشغلها طريق بغداد
بدينه نشتغل وبدينه نستلم واردات شغلنه
صهيب اني القمار يسري بدمي مرض ابتليت بي وما اكدر اعوفه مستعد اخذ من مصرف اطفالي والعب بي قمار
من بديت اشتغل رجعت للقمار وشرب الخمر
للحكايه بقيه فردوس عبد اللطيف f
